۩۞۩ خبرتي في ايرلندا للي يفكر يدرس في ايرلندا وإجابة على اسئلتكم ۩۞۩

اهلا وسهلا اخوي سلطان

انا بصراحه لا اعرف نظام البعثات عندكم في الكويت ولكن اذا تسألني عن فرنسا ولا ايرلندا
بدون ما احتار راح اقول لك ايرلندا
انت ناقص عنصريه ولغة جديدة وتعقيدات فيزا وغيرة
والدول الاوربيه بشكل عام شهادتها تعتبر واحدة لا اختلاف فيها

وانا افضل لك مقاطعه كيري بشكل عام
لانها الاجمل في ايرلندا والاكسنت حقها واضح ولو كان سريع ولكن راح تتعود عليه بسهوله لان الناس راح تساعدك
او قالوي

وطبعا المعهد له نسبه بسيطه في تطويرك في اللغة والباقي عليك بعد ماتتوكل على الله

اما بالنسبه لتخصص الي ذكرته والله ما اعرف عنه ولا شيء
ولكن اذا تبي تدرسة انا مثل ما قلت للاخ ابو عبدالله راح اسأل لك عنه
ولكن اذا مصمم فقط
لاتخلوني مكالمات مع الناس وقبولات وفيه النهايه اقلهم شكرا الرجال بطل
يعني انا برضه انحرج منهم

والله يوفقكم

طيب اخي القيصر في ابتعاث لايرلندا هالسنة ببرنامج خادم الحرمين لمرحلة الماجستير ؟؟؟؟

والله ياختي رايز هذا شغل الوزاره (ماني الوزير)خخخخخخخخخخخخ

ولكن الي اعرفه انه كل سنه في ابتعاث ماجستير الى جميع الدول ومنها ايرلندا طبعا

شكراً لك اخي القيصر .. الله يوفقنا جميعاً لما يحب ويرضى

ما شاء الله
ملف حلو .. ورائع عن ايرلندا

عزيزي انت ذكرت بلد محافظ وامان ..
انا ما اعترض معك ، لكن اعتقد انت تتكلم عن تريلي ؟
السؤال الان : Have you ever been to Dublin ?

نعم اخوي ايرش

رحت لدبلن اكثر من مرة ومدري تبي تسألني عنها ولا تبي تختبر قدرتي في الانقليزي

المهم انا رحت دبلن عدة مرات والشباب يمدحونها <اقول الشباب لاني ماحبيتها صراحه
ماحب الزحمه وكثره الناس

تريلي زي الريف الخضار جنبك 24 ساعة وامطار 24 ساعة

اما دبلن زحمه وانا مايعجبني هذا الوضع وإن كان الشباب يعجبهم لمن يشوفون الدنيا والاسواق


عشان كذا لاتسألني عن رأي في دبلن لاني ما اطيق دبلن خلقة

اما بالنسبة للامان انا ذكرت انه المدن امنه بشكل عام ماعدا ليمرك
وتخلف النسبه من مكان الى اخر

اما المحافظه لا تقارن دبلن بأي مدينة في ايرلندا لانه مثل ما قلت لك المدينة مختلطه بكثير من الاجانب



والله يوفقك اخوي ايرش

بالنسبة للاخوان الي يبون يأخذون سياره

السيارات جدا رخيصه من 200 الى 1000 يورو

ولكن التأمين غالي جدا واجباري

يصل الى 1700 يورو بالنسبه للي اعمارهم اقل 25 سنه
1700 للسنه

اما الي اعمارهم 25 التأمين يجي تقريبا 900 يورو للسنه
تقريبا 75 يورو للشهر

ويفضل انك تأخذ سياره اذا معك عائله وعمرك اكبر من 25 سنه وراح تعيش في مدينة وسائل المواصلات شبة معدومه

والله يوفقكم

شكرا على المعلومات
بودي السؤال عن التخصصات العلمية في إيرلندا مثل الفيزياء وخصوصاً الفيزياء الحديثة من فوتونيكس وكوانتم؟
وهل تعتبر في الابتعاث تحت بريطانيا أي الآن تم ايقاف بريطانيا فهل هذا يعني إيرلندا كذلك رغم أنها تكاد تكون مستقلة نوعاً ما عن بريطانيا؟؟

ايرلندا مالها دخل في بريطانيا
هنالك ايرلندا الشماليه وهذه تابعه لبريطانيا وهناك ايرلندا الجنوبيه وهذه مستقله لحالها

ولا اتوقع الابتعاث يوقف على ايرلندا او حتى بريطانيا

كل سنة اشاعات وتطلع كذب(يمكن سبحان الله ذي المره صحيحه ) ما ادري عاد

لكن ايرلندا مافيها سعوديين كثير عشان يلغون الابتعاث فيها

وشكرا

أخوي القيصر كثر الله من امثالك ولا اضاع اجرك ووفقك في حلك وترحالك.

شكراً على ما تقدمه لاخوانك وأخواتك المبتعثين والمبتعثات.