۩۞۩ خبرتي في ايرلندا للي يفكر يدرس في ايرلندا وإجابة على اسئلتكم ۩۞۩

السلام عليكم ..

اخوي القيصر بغيت اسألك الحين الوزراه بتجيب لنا قبول على ايش ..؟ على المعهد اللي هوا 6 شهور لغه + علوم طبيعيه ..؟

ولا اللغه فقط .؟

الاخت جنا
يوجد بنات سعوديات ولكن الاولاد اكثر

الاخ علوش
نحن استلمنا القبول قبل بدايه الدراسة بأسبوع تقريبا
وش تستفيد تطلع على حسابك قبل بداية الدراسة
اطلع على حسابهم دام انك راح تدرس مع بقية الطلاب

بالنسبة للكليه
والله ياخوي انا مادرست بعد في الكليه الملكيه
ولا لكن افتكر حضرت شرح لدرس من دروس الفيزياء
فقالي احد الطلاب شفت كيف مستوى التدريس عندهم
قلت له بالله عليك وش فيها واحد وقف قدامك وشرح فيزياء على سبوره طبشور قديمه
استاذ الفيزياء حقنا يشرح احسن منه
يعني بعض الطلاب عندنا لو يشفون غنم ما شي في الطريق قالوا شوفوا التطور
وما اعرف مستوى التدريب عندهم
وترا على فكره السعوديه متقدمه اكثر من ايرلندا في العلاج الطبي
(ادخل على منتدى مكتمل واقرا رد احد المشرفين على احد الاعضاء لمن سأله عن علاج لودها في ايرلندا)
وترا لو تطالع سيرة اكثر الاطباء المشهورين عندنا
تلاقي ان اكثرهم تخرجوا من السعوديه ومن ثم كملوا الدراسة في الخارج

وعاد كل واحد ورأيه

الاخت غير ماني متأكد كم عدد سنوات الطب
ولكن اظن انهم راح تكون 8 مع اللغة وسنة الامتياز

عبدالرحمن 16 الوزاره راح تحضر كل شيء ان شاء الله

اخوي القيصر
انا حابه ترسالي خريطت ايلندا وخصوصا المدن الي فيها الطالبه السعودين يدروسون
والله انا قرت اني افكر في مدينة كروك اذا ماكان اسمها غالطبس اسمعت انها يكثر فيها الجرائم
من المنتدى في بعض الردود
ابي اسئلك الوزاره هيا تحددالي ايه مدينه ادرس فيها ولا اذا انا ابي اغير الجامعه والمدينه اخاطبهم واغيرها
والله يعطك الف عافيه على المجهود الرائع وتلاقيه انشاء الله في موازين حسناتك
ورمضان كريم علينا وعليك
وادعيالنا انا نجي ايلندا ونريحك من الاسئاله الكثيره ونجاوب معك على التاهين مثلنا

أنا كان قصدي اني اروح و اكسب لغة أكثر قبل الحج..

ايه بس أخوي مب معقول تقارن طالب متخرج طب من الطائف وثاني متخرج من ترنتي !!

يعني كمية المعلومات الي عندك ..اضافة للغة ..بتساعدك جدا في مرحلة التخصص ..

إضافة الى أن برا .. فيه جو مناسب للتعليم .. ودكاتره ..ذوي خبرة ومتعاونين مع الطلبة ..
**طيب كلية الطب بكورك أفضل من الرويال؟ وأظن سنوات الدراسة اقل منها
لأني قرأت من شروطهم اللغة 6.5 الايتلس

طيب كلية الطب بكورك أفضل من الرويال؟ وأظن سنوات الدراسة اقل منها
* هل حصلت على قبول طب بالسعودية العام الماضي والتحقت بالبعثة ؟؟
* كم حصلت بالايلتس ( للفائدة ) ؟
** أنت نادم على إختيارك إيرلندا ؟
( لا تستغرب من كثرة أسئلتي لأن آخر يوم لي هو الأربعاء إما فيصل أو بعثة )


------ لكن عز الله أخوي ما قصرت معنا بالأجوبة ------
وفقك الله لكل خير ***

مشكور أخي قيصر2
ولكن عندي استفسار اين أماكن بيع الاطعمه في مدينة قالواي بتحديد

جزاك الله خير عالموضوع الرائع..

سؤالي:

هل تخصص تجارة إلكترونية (ماستر) أقدر ألاقيه بجامعاتهم؟؟

هل الحضانات هناك غالية يعني تقريبا حدود كم ؟؟؟

هل هناك مشكلة للمتحيين؟؟

وجزاك الله خير

موضوعك حمسني اكتر اختار ايرلندا رغم ان الكل اللي حواليا مو مايديني .. صحباتي اغلبهم اختاروا كندا وبابا يبغاني اختار امريكا .. وانا مرتاحة لايرلندا ..

بس عندي كم سؤال اتمنى القاله اجابة :

ايش الافضل بالنسبة لسكن البنات ؟؟ سكن جامعة ؟ عائلة ؟ شقة ؟ ايش مميزات كل واحد وسيئاته ؟؟

انا مقدمة ماستر تخصص Medical technology تقنية طبية .. الاقي هاذا التخصص بايرلندا ؟؟

هاذي اسئلتي وشكرا مقدما ..

شكرا يااخ قيصر,,ماقصرت,,

الله يعينك,
الحين انا عندي ملاحظات على الموضوع ,,
,,

1- اسئله عن التخصصات الغير طبيه والطبيه,,
2- وش احسن تخصص

بانسبه ل 1,,, ترى الموضوع سهل جدا لاهو مسأله فيزياء ولا رياضيات ,,
بكل بساطه ادخلو موقع الوزاره,, الجامعات الموصى بها,, في ايرلندا,, حطو ان كان بكالوريس او ماجستير,, تطلع لكم قائمه بالجامعات,, ادخلوا على كل جامعه ,,دورو التخصصات حسب الدرجه المطلوبه بكالوريس ولا ماستر ولادكتواره,,
بتقولون مانعرف انقلش؟ اجل وشلون بتدرسون هناك؟ يتقولون معهد؟ طيب المعهد فيه واجبات وفيه جهد من الطالب,,
2 بالنسبه لاحسن تخصص بالله وش عرفه الرجال وش احسن تخصص وهو توه طالب ولا بعد طالب طب,,وش عرفه بالتخصصات الثانيه,,,!!!

ترى الموضوع سهل جدا ومايحتاج كل ذي التعقيدات,,

أخي القيصر جزاك الله خير عندي استفسار مستعجل
باختصار الفزعـــــــــــــــــــــــة ياخوي
انا ابي أجيب قبول لي بمعهد في دبلن لأني ابي ادخل الجامعه الملكية للجراحين وانا خلصت السنة التحضيرية وعندي ايلتس بس اقل من 7 فماأدري لو درست بمعهد وجبت المستوى المطلوب هل تقبلني الجامعه على طول لان معي سنة تحضيرية من هولندا

غير كذا ابي اكوس معهد لغة بدبلن ادري ان القبول صعب بس لازم نحاول
سؤال ثاني كم مدة الدراسة للحصول على الثانوية الايرلندية اذا ماكو حل ثاني؟؟

بليييييييييز ساعدوني..أبي قبول باي طريقة بس ماعرف كيف اجيبه الي عنده معلومه اكيده لايبخل

السلام عليكم
ماشاء الله عليك الله يوفقك بدراستك يااااااااااااااارب
انحولت عيني وانا اشوف 25 صفحه لاني مااحب اكرر اسئلة وحاسه بالتعب ومجهودك يعطيك العافيه ..
من قراتي لردودك انو عندك خبرة بس في الطب يعني التخصصات اللي باقيه زي(( تغذية علاجية )) ماعندك معلومات فيها.... ؟؟ طيب تعرف احد درس تغذية هناك..؟؟؟

انا ابغى ادرس ماستر تغذيه علاجية اللي عندو معلومات يفيدني ...؟؟؟