۩۞۩ ملـتـقى طــلاب وطـــالبات إيــــرلـندا ۩۞۩
۩۞۩ ملـتـقى طــلاب وطـــالبات إيــــرلـندا ۩۞۩
تنبيه: هذا الموضوع قديم. تم طرحه قبل 5654 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - 7 "
صباحك سكر ..
أن شاء الله لما يكون اسمك ضمن المبتعثين الى ايرلندا
راح تصير اجتماعات بين الطلبة ، والسفراء ، والوزارة
العام الماضي حضرنا 4 اجتماعات .. خلال 4 ايام .. من الساعه 8 الى 12
اليوم الأول : تعريف عن الدولة اللي بتروح لها ....ثقافات عادات تقاليد ..الخ
اليوم التاني : يعطونك القبول ( اللغة - السنة التحضيرية )
اليوم الثالث : ندوة دينية مع مشايخ + كلمة السفير السعودي البريطاني
اليوم الرابع : ندوة تثقيفية - نفسية - تشجيع ....الخ
عموماً ، احيانا تقدر ترتب السكن من السعودية .. من بعض المكاتب بالرياض
واحيانا تقدر تخاطب الجامعه وتطلب السكن ..
عن نفسي .. من السعودية رتبت ( سكن عائلة ) - ( استقبال بالمطار ) - ( تكسي للجامعه اول يوم )
ودفعت الفلوس .. كلفني حوالي 5000 ريال - اخواني حبيت اسألكم عن افضل جامعه تخصص ماليه -تمويل في إيرلندا..ماجستير7 "
سويت بحث ومالقيت ...
الله يخليكم ...ياهل الخبره علموني - 7 "يا هلا وسهلا ..
هذا رابط الـ UCD
حصلت معهم ماجستير في المالية
الرابط
وهذا رابط الـ DCU
حصلت كمان معهم ماستر في المالية
الرابط
تقريباً هذول الجامعتين من افضل الجامعات في دبلن ،،
بالتوفيق - سلام عليكم7 "
ماقصرت على ردك من ناحية موضوع اللابتوب
طيب بالنسبة للانترنت والاشتراك فيه وسرعاته كيف يالغالي ؟؟
وياليت كمان تعطيني المكان الي نسقت مغهم شغله السكن مع العايله والمطار وزي كذا - 7 "عليكم السلام يالغلا .،
بالنسبة للانترنت .. احيانا تلاقي النت موجود بالعوائل ، حظوظ الشغلة هههه
لكن عن نفسي الافضل يكون لك الانترنت لوحدك
تقدر تاخذ لك مودم < بلاش .. وكل شهر ينخصم من حسابك 25 يورو ..
السرعه فيه حلوه .. وتعتمد على المكان ،،
امم فيه نوع تاني عن نفسي شفته افضل ..
تاخذ لك كونكت " مثل موبايلي كونكت " ..
يا انه تشتريه بـ 100 يورو ،،
وتشحن الشريحة بـ 25 يورو لمدة شهر ولك 10 جيجا للتحميل
يعني اذا خلص الشهر .. تشحن من جديد ،، او اذا خلصت الـ 10 جيجا تشحنها من جديد
اذا تبي نت .. اشحن ،، ما تبي .. لا تشحن ... والمودم لك وللزمن ،،
وتقدر تستخدمه في بريطانيا ،، واعتقد تقدر بالسعودية تحوله كونكت بس لازم تسوي برمجة
لأنه نفس البرنامج اللي تستخدمة موبايلي بالضبط ..
او انك تصير عميل للشركة لمدة سنة .. وكل شهر يخصمون من حسابك 25 يورو سواءً استخدمت االنت او لا
واذا خلصت السنة ترجع لهم المودم ويعطونك القيمة اللي دفعتها لهم
الكونكت هذي ،، لها سرعتين .. اللي عندي 3.6 وكويسة مره
لكن صاحبي اخذ السرعه التانيه 7.2 وما شاء الله عليها
تدخل اليوتيوب وتتفرج كأنك تتصفح مقاطع في جهازك
الانترنت هنا .. شي مو طبيعي ...
كم كيلوبايت بالتانيه تحمل بالسعودية
هنا التحميل يوصل الى 300 ك/ث
احيانا توصل معي 900ك/ث
وفي الكلية حدث ولاحرج .. حمل وانت مغمض !
واحيانا معي بالبيت تصير ضعيفة مره والتحميل يوصل 80ك/ث - وربي انك خطييير ,, تسلم7 "
ماشاء الله والنت هذي السرعات الصح مو يفصل اليوم كله خخخ
بس الحين قرأت في رد من ردودك وقلت واجهت شغلات سيئة
من اي ناحية كانت ؟ وعلمنا شعورك هل واجهت صدمة ثقافية Culture Shock وغربه وحنين للاهل والوطن Homesick
وش الاجراءات الي سويتها اول ماوصلت العائله يعني نقول من ثاني يوم ؟ هل سألت احد عنها او في الدورة الي اعطتكم الوزارة علموكم وش تسوون هناك ؟ يعني شغلات الملحقية والبنك وزي كذا
سمعت ايضا ان الثانوية الايرلندية والايلتس لاتطالب الا في الجامعات الحكومية مثل دبلن وكورك
ام الاهلية زي الملكية للجراحين ماتطلبها ابدا مادري هالشغله صح ؟
شغله ثانية ؟ كيف كان خط سير رحلتك طيران ؟
واسمح لي على هالسؤال : انت الحين في السعوديه ولا بايرلندا ؟
عارف اني زودتها بالاسئلة .. الحين تحصله يقول :: والليل من وين طلع هالطحلب ؟
لكن استحملنا شويتين
وجزاك الله ألف خيييييييييير - لرياض (صحيفة المبتعث):7 "
بلغ عدد الذين تقدموا للتسجيل في المرحلة الخامسة من برنامج خادم الحرمين الشريفين للابتعاث الخارجي 47340 وذلك وفقاً للمجموع الكلي الذي شهده موقع وزارة التعليم العالي حتى ساعة إقفال مرحلة التسجيل في نهاية الأسبوع الماضي، وقد توزع المتقدمون على أكثر من 20 تخصصاً للدراسة في أكثر من 16 دولة من دول الابتعاث، وفي جميع المراحل التعليم العالي التي شملت البكالوريوس (الطب والعلوم الطبية) والماجستير والدكتوراه والزمالة الطبية.
وفي هذا الصدد صرح الدكتور عبد الله الموسى وكيل وزارة التعليم العالي لشؤون الابتعاث بأن برنامج خادم الحرمين الشريفين الملك عبدالله بن عبدالعزيز للابتعاث الخارجي الذي يعد أكبر برنامج ابتعاث في تاريخ المملكة شهد نجاحاً منقطع النظير وحقق الكثير من الثمار المرجوة منذ انطلاقته قبل أكثر من أربع سنوات.
مشيراً إلى أن الوطن قد بدأ بالفعل يستقبل العديد من الكفاءات التي تخرجت في ظلاله، والتي كان آخرها تخريج أكثر من ألف طالب وطالبة من الجامعات الأمريكية، ونوه الموسى إلى أن الإقبال الكبير الذي يشهده البرنامج دليل على النتائج الإيجابية التي لمسها المواطنون والتي من المنتظر أن تسهم إيجاباً في تعزيز النهضة التنموية الكبيرة التي تشهدها المملكة.
وأعلن وكيل الوزارة أن وكالته ستقوم خلال الأيام القليلة القادمة على إرسال رسائل قصيرة إلى جميع الهواتف المحمولة للطلاب والطالبات الذين تنطبق عليهم شروط الابتعاث وذلك للتقدم إلى مراكز تدقيق وأرشفة المعلومات؛ وستتضمن الرسائل الهاتفية فترة القدوم لكل طالب وطالبة ودعوتهم لإحضار الأوراق الثبوتية والأكاديمية وذلك لمطابقتها مع البيانات التي ادخلها الطلبة الكترونياً على موقع الوزارة للتأكد من صحتها ومطابقتها لشروط الابتعاث، وسيتعين على حملة الثانوية العامة الراغبين في الابتعاث لمرحلة البكالوريوس (الطب والعلوم الطبية) إحضار أصل الثانوية العامة لمراكز التدقيق وذلك لضمان عدم تسجيلهم في المرافق الأكاديمية الأخرى مثل الجامعات وغيرها. - طيب ابي طريقة اشان اجيب القبول في كلية الملكية للجراحين؟؟؟؟؟؟؟ للضرورة7 "
- 7 "وربي انك خطييير ,, تسلم
ماشاء الله والنت هذي السرعات الصح مو يفصل اليوم كله خخخ
بس الحين قرأت في رد من ردودك وقلت واجهت شغلات سيئة
من اي ناحية كانت ؟ وعلمنا شعورك هل واجهت صدمة ثقافية Culture Shock وغربه وحنين للاهل والوطن Homesick
وش الاجراءات الي سويتها اول ماوصلت العائله يعني نقول من ثاني يوم ؟ هل سألت احد عنها او في الدورة الي اعطتكم الوزارة علموكم وش تسوون هناك ؟ يعني شغلات الملحقية والبنك وزي كذا
سمعت ايضا ان الثانوية الايرلندية والايلتس لاتطالب الا في الجامعات الحكومية مثل دبلن وكورك
ام الاهلية زي الملكية للجراحين ماتطلبها ابدا مادري هالشغله صح ؟
شغله ثانية ؟ كيف كان خط سير رحلتك طيران ؟
واسمح لي على هالسؤال : انت الحين في السعوديه ولا بايرلندا ؟
عارف اني زودتها بالاسئلة .. الحين تحصله يقول :: والليل من وين طلع هالطحلب ؟
لكن استحملنا شويتين
وجزاك الله ألف خيييييييييير
يا هلا وسهلا اخوي ..
بالنسبة للصدمة الثقافية .. راح تاخذ عنها محاضرة في اجتماعات الوزارة
الدول الاوربية يحبون النظام .. يحبون الوقت .. يحبون التنظيم في كل شي
يكرهون شي اسمه تأخـير ..!
أغلب السعوديين لما تعطيه موعد ، يجي بعد الموعد بربع ساعه هههه
لكن هنا .. لازم تتقيد بالوقت .. 8 يعني 8 .. لا تزيد ولاتنقص!
هذا مثال واحد ..،
اول ما وصلت المطار ،، كنت ابحث عن باب الخروج .. حط في بالك ما نمت انا طول الرحلة
وما نمت بالسعودية زين قبل اسافر بيوم .. حالة صعبه .. ولحظات الوداع أصعب
لذلك اول ما وصلت بحثت عن السكرتي .. يعلمني باب الخروج ..
مديت يدي بسلم .. سحب يده وما سلم !! مع انهم قالوا لنا بالاجتماعات .. السلام يكون بكلمة Hi
ههههه بس يارجال تتعود على عاداتهم وتقاليدهم بعد فترة من الوقت ..
كذلك يحبون تقول لهم كلمة Please مع اي سؤال .. ولما يجاوبك لازم تقول Thank you
ولما واحد يعطيك كتف وانت تمشي بالشارع .. عادي انت تقول Sorry ههههه حتى لو انه هو غلطان
امم اتذكر يوم حجزت العايله ما كان عندي أي معلومة عنها ، بس العنوان وعدد الاطفال
اول ما وصلت لهم استقبلوني بالبيت .. علموني نظامهم وغرفتي والساعه كم يحق لك تاخذ الشور
عن نفسي اول ماوصلت طلبت مودم وشبكته بجهازي ودخلت على موقع طيران وكنت ابي احجز عودة
اممم الحنين للوطن شي لابد منه أول اسبوع .. لكن بعدين تعودت على البلد ،، هههههه
حالتي النفسية كانت شوي متقلبه .. لا أكل ولا شرب ولا نوم ! لكن الحمدلله عديت المرحلة خلال اسبوع
ثاني يوم تروح الجامعه .. تسوي تأكيد التسجيل وتوقع على الاوراق وتسوي اختبار قياس مستوى
وتروح موقع الملحقية تحمل الاستماره لفتح ملف طالب جديد مبتعث ( 7 اوراق )
تعبي الاوراق وترفق قرار الابتعاث + صورة الجواز + صورة ختم الدخول + أي اوراق ثانيه مطلوبة
تنتظر الرد منهم .. تقريباً فتح الملف يستغرق من اسبوع الى اسبوعين .. على حسب الموظفين وعدد الطلاب الجدد
ثاني اسبوع ،، تاخذ تعريف من الجامعه لفتح حساب في البنك " حساب طالب "
وبعدين ترسل رقم الحساب الى الملحقية من شان المكافآت ..
تنتظر اسبوع وتوصل لك معلومات الحساب والبطاقة ع البريد ،
والافضل كمان تطلب حساب انترنت من شان ما تتعب كل شوي تطلع من البيت تشيك حسابك هههه
بالنسبة للتقديم على اختبار الايلتس ،، ايرلندا فيها مكانين للاختبار ، واحد في دبلن والتاني في كورك
ولمعلومات أكثر .. راجع موقع الايلتس
جامعة الـ UCD واحد من ضمن الاماكن المتاحة لعمل اختبار الايلتس
خط سير رحلتي كان من " السعودية - الدمام " الى " هولندا - امستردام " الى " ايرلندا - دبلن "
وهذا كان مرتب عن طريق الوزارة ،، على طيران KLM من جد طيران محترم
وساعة الانتظار في مطار امستردام كانت ساعتين ..!
لكن بعدين صرت آخذ طيران الاتحاد ،، من الدمام الى ابوظبي الى دبلن والرحله 8 ساعات فقط
وساعة الانتظار في مطار بوظبي فقط نص ساعه !
توقيت الرحلة شي مهم ،، الاقلاع يكون بتوقيت البلد اللي انت فيه ، الهبوط بتوقيت البلد اللي بتوصل له
لذلك ،، انتبه لهذا الشي ..،
عادي تشوف الرحله تطلع 7 وتوصل 8 يعني ساعه .. لكن فارق التوقيت يكون ساعتين ههههه
انا الان في دبلن .. ورمضان كريم !!
والله يا بعدي ياليت تفيدنا عن هالمكان عشان مانكون فيه يوم من الإيام
والله يوفقك دنيا وآخره