۩۞۩ ملـتـقى طــلاب وطـــالبات إيــــرلـندا ۩۞۩

نفس اسؤال ؟؟؟؟؟؟؟؟؟؟؟؟؟؟؟

السلام عليكم انا خريجة محاسبة حابة اسأل هل دراسة المحاسبة قوية في دبلن لاني اريد ايرلندا الشمالية وما هي افضل جامعة للدراسة في ايرلندا تكون جامعة بين تخصص محاسبة لي وكمبيوتر سينس لزوجي ولدي طفلين هل المعيشة بالفعل غالية جدا فيها نستطيع كعائلة التأقلم معها ام لا ام اقدم بعثة لامريكا افضل من كل النواحي معيشة ودراسة وغيره افيدوما افادكم الله

اعذروني ... راح أرد على الاسئلة اللي عندي خلفية عنها
أما البقية ... ياليت أحد الاخوان بالمنتدى ، يرد عليها اذا عنده فكرة !


University College Cork (UCC): Taught Programmes by College
هذي صفحة تخصصات الماستر
ياليت تاخذ لك طلة عليها

المكافآة كانت قبل سنة 1317 يورو
لكن بعد الزيادة صارت 1798 يورو ..
واعتقد انها تكفي ونص اذا رتبت نفسك ..

اول شهرين ما راح يعطونكم مكافات ..
وحط هالشي براسك .. لازم تجيب لك قرنقش معاك وانت جاي



بالنسبة للتخصص
اللي اخترته في قرار الابتعاث ..هو نفسه
واذا تبي تغير ،، راسل الملحقية
كل تعاملك راح يكون مع الملحقية في بريطانيا ،،
الوزاره ينتهي امرها بمجرد وصولك الى دولة الابتعاث

هلا بك
بريطانيا < تكدس طلاب السعودييين كثير جداً
ما تنفع للدراسة ،، خصوصاً لطالب لغة انجليزية ..،

أمريكا < أسأل عنها .. بعض الطلبة حصلت لهم مشاكل ونقلوا الى دول تانيه
والبعض يشوف انها مكان جيد للدراسة
يعني الاراء مختلفة

ايرلندا < بحكم دراستي فيها .. أشوف انها خيار جيد ، لأن الطلبة السعوديين عددهم قليل .،
وفيها اكثر من مدينة للدراسة : دبلن - كورك - جالوي - تريلي ..

توكل على الله واستخير ، والمكتوب يصير ..

بالتوفيق

اهلين وسهلين ..،
عليكم السلام ..،
احد الاخوان جاوب على تساؤلاتك ..
أحب اضيف ، دبلن .. اللي هي عاصمة أيرلندا
تعتبر ثالث اغلى مدينة في العالم
لكن بعد الزيادة اللي جات من بو متعب الله يحفظة
صارت المكافآة تغطي المصاريف ..

ما سمعت احد يسب اللغة في ايرلندا
التعليم جيد .. دراسة اللغة الانجليزية هنا مناسب جداً
فيه اساتذة من امريكا . بريطانيا . وايرلندا ..
ممكن اختلاف طريقة الكلام !
مثلاً شمال ايرلندا ، الاكسنت شوي لك عليه
لكن معظم المناطق جيدة .. كورك - جالوي - دبلن ..الخ

الاختبارات المعتمدة هي .. اختبار واحد ( الايلتس )
وموجو له مكانين .. تقدرين تسوينه في كورك او دبلن العاصمة

من الرياض الى أبوظبي الى دبلن < هذي الرحلة عن طريق الاتحاد
عن نفسي انا من الدمام .. اخذت الرحلة في 8 ساعات
لكن أهل الرياض يجلسون في مطار بوظبي كثير ، احيانا توصل 6 ساعاات !
شوفي لك طيران ثاني ..

ايرلندا بلد منفصل عن بريطانيا .. وتختلف عن ايرلندا الشمالية
حتى العملة .. هنا يستخدمون اليورو ..
لكن في بريطانيا .. الباوند !


بخصوص تخصص التسويق .. ياليت تشوفي الجامعات
اطلعي بنفسك عليهم ..
DCU - Dublin City University - Ireland's most innovative University
Welcome to University College Dublin, Ireland's Education Capital
اسم مدينة ، اكتبيه في جوجل ويعطيك الجامعة < cork
galway < اسم مدينة كذلك .. فيها جامعة ومعترف فيها كمان

الدراسة بالخارج تعتبر قوية جدا طالما انك مبتعثه ..
أفضل الجامعات ، هي الجامعات التي تعترف فيها الوزارة ..
الجامعات التي تتعامل معها الملحقية وبينهم مواثيق وعقود ..

تخصص المحاسبة والحاسب الالي موجود في إيرلندا
المعيشة جيدة سواءً للأعزب والمتزوج
المكافآة تكفي ان شاء الله اذا كان الشخص مرتب مصاريفة ..
أول شهرين فقط تعتبر غاليه .. لكن مع الوقت تتعودون على كل شي ..

والله يا اختي ما شفت اللسته حق الابتعاث ..
لكن تقدرين تقرين عن البلد في موقع Wikipedia

وبالنسبة للسؤال عن قوة الجامعات
اليوم حطيت موضوع انا في المنتدى .. راح يفيدك كثير
http://www.mbt3th.us/vb/forum66/thread118174.html

بالتوفيق ..،

مشكورين على هذا الموضوع..

افادنا كثير خصوصا بعد ماقفلوا بريطانيا ،،
بس بسالك اخوي ،، كيف معهد دبلن للتكنولوجيا ؟؟ تعرف احد يدرس فيه؟؟

وبعدين تقولون السكن غالي وهذا سمعته اكثر من واحد ،، يعني مثلا شقة بغرفتين ،، كم تسير ؟؟

وهل دبلن مدينة مناسبة للعائلة؟؟ ولا مليانة سياح ؟؟

وهل حصلت لكم مشاكل في الجامعات والمعاهد مع الملحقية ولا اموركم تمام؟؟

اعذرني اسئلتي كثيرة بس لان اللي يدرسون بايرلندا قليل ،،، فبنستغلك !!