۩۞۩ ملـتـقى طــلاب وطـــالبات إيــــرلـندا ۩۞۩

عندي سؤال مهم لجميع المبتعثين الا وهو
هل بامكاني اني اغير التخصص بالكامل
مثلا من طب لهندسه او من هندسة لحاسب

السلام من جديد .. يعطيك العافيه اول شيء ,

وثاني شيء صح انا عارفه البعثه مضمونه

لكن خايفه من التحويل لبلد ثاني , الخوف مو إني ماارتاح بايريلندا .. بالعكس انا ماابي الا هي

لكن هم قالوا اللي يجيب شهادته الاصل يبتعث لكن لأي دوله متاحه مو لازم الدوله اللي يبيها.! وهذا الي خوفني

ثاني شيء ماشاء الله وضعك تمام وباين انك مرتاح هناك يعني مااعتقدت ان بادئ الامر كان بهالسوء فتشجعت اكثـر

مو الخوف من الايتلس الخوف من الدراسه اكيد هي برا اصعب بمراحل.! والطب بلاشيء من اول به صعوبه

يعني شوف واسمح لي اذا كثرت هذره عليك

حنا بمدارسنا بالسعوديه مناهجنا شف وش ندرس فيهـا.!!
يعني مو شيء قدام اللي بنشوفه بعدين , بالعربي مناهج غير صالحه للتدريس او ماهي بالمستوى المطلوب
ولما ننتقل على الجامعه ( الفيصل مثلا ) بنشوف اشياااء ثاااانيه تخرّع !
يعني مقارنه بالمدارس بنشوف اشياء غير غير ويمكن ننهار من بادئ الامر واعرف وحده من المتفوقات جدا بالمدرسه ودخلت بالفيصل تخصص هي تحبه وتعشقه وهو الرياضيات لكن من الخرعه انسحبت من اول شهر وتركت الجامعه خير شر .!

فهذا اللي بيصير لما نشوف المناهج اللي عندنا هنا مع انها لاتقارن بشيء ايضا امام الخارج

فالنقله من مدرسه هنا لجامعه هنا فيها شيء يخوف من اختلاف الدراسه ومستوى الصعوبه و و و
كيف النقله من هنا الى جامعه بالخارج.!!
احس انها صعبه وانا متخوفه من هالناحيه في الدراسه
يعني وش بشوف في التدريس! في المناهج.! في المعلومات والشغل..

فانا اسئل هل الدراسه هناك اصعب جدا جدا بمراحل تُذكر يعني باالنسبه لهنا؟
او انه نفس الشي اذا كانت المرحله بكالريوس.!

بعضهم يقول لي ادرسي هنا بكالريوس وكملي برا عشان تكوني تعودتي على الدراسه والطب وكذا
ماتروحي وتخترعي وماتفلحي

اخوي ايرش مشكور

على تجاوبك مع الجميع لكن عندي سؤال


ابغى اسال هل تعرف معهد لغة في جالوي

وياليت موقعه عشان اجيب قبول منه


وابغى اسال عن الحضانات في جالوي كم سعرها؟ انا عندي طفل عمره سنتين ونص؟

وابغى اسال هل الحضانة يدرسون الطفل يعني ابغى طفلي يتعلم لغه كيف؟ وخايفه انهم مايفهمون عليه في البداية لانه يادوب يتكلم

ولا وعربي يعني خايفه ما اكون مرتاحه عليه؟

عليكم السلام أحلام ملونة ..،

كلامك صحيح ..كتبنا ومناهجنا عليها السلام < طاش ههه

عموماً ، دراسة الجامعه دائما شي مختلف تماماً ،

اتذكر اللي كنت ادرسه في المدرسة في فصل دراسي واحد

صرنا ندرسه في الجامعه في محاضرتين < بالسعودية طبعاً ،

اممم انا ما بقولك احكمي على شخص واحد من خلال تجربة هو/ هي مرت فيها ،،

وما راح اقولك تعالي ايرلندا ،، وما بقولك كنسلي البعثه ، هذا القرار لك يا اختي ،

بس بعطيك 3 حلول ،
الاول - تعالي ادرسي سنة اللغة ، وفي هذي السنة روحي الجامعه قولي لهم ابي احضر محاضرتين اجرب كيف دراستكم
ما اعتقد راح يردونك ،، اذا عجبك وضعهم كملي دراسة هنا ، وجلسي 7 سنوات في الطب

الثاني - تعالي ادرسي سنة اللغة واذا حسيتي ان الدراسة سيئة وصعبه جداً ، ارجعي لجامعة الملك فيصل بعد سنة

الثالث - كنسلي البعثه ، وافتحي مجال لغيرك .. وما ودي هالشي يصيـــر .،


اختي ، ما فيه شي مستحيل .. وما في شي صعب ،
كل شي صعب ممكن يتسهل ..
تعتقدين دراسة المواد بالانجليزي بتكون صعبه ؟؟
بعد مرور سنة او سنه ونصف في دراسة اللغة
وبعد مرور سنة تانيه لدراسة السنة التحضيرية ..
كم صاروا الحين ..؟
سنتين ونصف تقريباً < قبل دراسة الطب هالكلام !
راح يصير في راسك مترجم ،، وما راح تكون دراسة الفيزياء والأحياء بالانجليزي صعبه ،،


الله يوفقك وين ما تروحي ،،
مشكوره ع المداخله ،،

اممم اختي ..
بالنسبة لجالوي ..
ما ادري عن معاهدهم لأني في دبلن

لكن من خلال بحثي في الانترنت
حصلت لك هذا المعهد
Galway Language Centre - Learn English in Galway


يعطي هذي الكورسات

- General English
- English for Business & Professional Use
- Specialist English
- Private Tuition
- Cambridge Exam Preparation
- Part Time Courses
- TOEIC, TOEFL, IELTS, BEC Exam Preparation
- TEFL Teacher Training courses



هذا العنوان
Galway Language Centre
The Bridge Mills
Galway
Ireland


واي خدمة انا حاضر بس مو الحين ، لأني بقوم أحضر الفطور هههه حياكم الله

يعطيك الف عافبيه

مشكور وماقصرت

لكن ماتعرف عن الحضانات في دبلن

الف صحة عليك الفطور

وعقبال مانكون هناك ونعزمك عالفطور

مشكور أخ أيرش على مجهودك الجبار و إن شاء الله إذا جيت إيرلندا نتقابل و يكون لنا أوقات سوية

حضانات دبلن !
اممم معي صاحب هنا كان كل يوم الصبح ياخذ ولده للحضانه
لكن الان هو خلص دراسته ورجع بالسلامه للسعودية

حسب ما عرفت انه بعيد عن الانترنت وقريب من الاهل وفرحتهم به
وان شاء الله اقرب وقت يكون معي كلام وياه < راح اسأله عنها ، أبشري بالخير ،



اخوي تعرفت على البعض عن طريق المنتدى قبل يجون هنا
والحمدلله الان بينا عيش وملح ، وان شاء الله تكون معنا الفرصة ونلتقي


بالسلامه يا غوالي ،

الســــــلأمـ عليكمــ..

مســأء الخير عزيزي آيرشـ..

بغيـــت اسألكـ عن مدى قوووة كلية ترنتي في دبلين.. من حيث تدريس الصيدلــه..؟

وعن افضلـ المعاهـد في دبلـن لتدرس الانقلشـ.. وهلـ المعهـد تبع الجامعـه كويييسـ..؟

وبالنسسبـه لدراسـة بكالوريوس صيدلـه.. وووشـ تحتأج من شروطـ.. هل فيه سنـه اعداديـه.. ولا بسسـ يشترطوون اللغـه..؟ وكمـ مدة الدراسـه..؟

تحيـــآتي.. وأشـــوآقي.. وقبـــلآتي..