۩۞۩ ملـتـقى طــلاب وطـــالبات إيــــرلـندا ۩۞۩

كان ودي لو لقيت اجابه عنها لاني بحثت كثير عنها ومالقيت اجابه لكن الحمد لله على كل حال

شكلي بعزم امري ياعلى جالوي او كورك حسب التخصص المتوافر

ومشكور اخوي آريش والله يوفقك ويوفقنا جميعا ان شاء الله

...مــــــا شاء على التعاون والتكاتف ...

.. أشكرك يا كاتب النص مو الرائع أناملك الرائعة ..
الاستفسار لك وللجميع .. اللي يعرف لو معلومة يساعدني ..وأبي أطول عليكم شوي

انا طالب خريج ثانوية نسبتي فوق 95ولله الحمد وطموح أكمل طب بشري على البرنامج

بس ما يسر الله والحين أبي أطلع على حسابي بوعن الله وعندي عدت أسئلة :
1: هل الإلحاق بالبعثة يطول ..تقريبا..
2:القبول الجامعي يطول (يعني يمديني ألحق في هالشهرين قبل يناير ) وش أفضل جامعة برأيكم .
3:والفيزا تطول كثير (زي أمريكا لي شهرين وأنا أنتظر ماجاء شئ لين النفس طابت )خيرة.
4:السكن ورسوم معهد اللغة شهري أو أدفع ترم ..المعيشة بشكل عام .
5:كم المبلغ اللي يكفيني شهريأ ..

أنا داري أني طولتها لكن بالحيل لكن ياأخواني وأخواتي أني محتارررر بالحيييييل ولا راح أتنازل عن طموحي مهم يكون ..
..وأخيراً اللهم أجعل الجنة دارنا أجمعين .. وفرج على من يساعدني كربة من كرب يوم القيامة .
عـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــاجــــــــــــــــــــــــــــــــــــــــــــــ ـــــــــــــــــــــل

أخوكــــــــم : محتــــاج

بالنسبه للاخ محتاج

ياخذ من شهر الى سنه وانت وحضك بالنسبه للالحاق
الفيزا في خلال يومين
دراسه الطب دائما في سبتمر يعني السنه الجايه ان شاء الله تبدا الدراسه
ومافيه الا الكليه الملكيه للجراحين اذا تبي تدرس طب

ايه بس ماهو من اولها اختلاط.......... لين نتعود شوي

لان الاختلاط شيء ماتعودنا عليه وماهو من الساهل نتأقلم

مشكور وماقصرت

هلا اخوي
اذا طبقوا الشروط عليك بالضبط ... راح تاخذ فترة طويله عشان تلتحق
لأن يقولون لازم تدرس 30 ساعه في تخصصك بالجامعه < يعني سمستر كامل !!

لكن اذا تساهلوا معك ممكن تاخذ من شهر الى شهرين ..،
عموماً الله يوفقك وتلاقي مكان بالبعثه .،

الفيزا على حسب اوراقك لازم تكون كامله

الدراسة ،، ما ادري الطب كم يكلف ،،
لكن في الشهر لمعيشتك انت تحتاج 10000 ريال ،، من غير الدراسة !

شوف مكتب نهج بالرياض يمكن يساعدك ، انا ما دري عنه
بس اسمع ان هذا المكتب هو الوكيل حق معهد تريلي وبرنامج الطب للرويال كوليج
واذا تبي ايميلهم اعطيك اياه ع الخاص ،،

الاخت افو

ان شاء الله راح نحصل فصول غير مختلطه
لكن نبي على الاقل 7 بنات الى 10 بنات وان شاء نحصل لكم فصل في كورك او قالوي او دبلن او وين مابغيتم
لان فيه بعض المعاهد تقول ممكن تفتح كلاس بشرط توفر 7 الى 10 طلاب وطبعا راح نكلهم انه مايسمح الا لغير البنات

وبالتوفيق

الله يعطيك العافية على هالمعلومات ..

بس سؤال أخر هل ممكن أقدر أدبر قبول بدون مكتب يعني من موقع الجامعة (أون لاين ) وكيف لأني أسمع به .
وعلى كلام الأخوان في موضوع ثاني أن الدراسة تبدأ في سبتمبر (يعني السنة الجاية ) أطلع بقبول معهد لغة ولا وشلوووون وأكرر شكري لك وأسف على كثر الأسئلة .

الله يعطيكم العافيه ..
للي عنده علم عن الدبلوم ..
مرافقي معاه دبلوم اداره مكتبات ويبي يكمل البكالوريوس معي يعني السنتين الباقيه مع معادله الشهاده
فيه بإيرلندا جامعات تعادل الشهاده !!!!
ياليت اللي عنده خبر وعلم اكيد يفيدني / مهم اعرف
ومشكورين ..

السلام عليكم ورحمة اللة وبركاتة
انا اول مرة اشارك في هذا المنتدى المفيد والقيم وكنتت ابحث عن هذا المنتدى منذ فترة طويلة والحمدللة انني توصلت الية ..
انا تقدمت للابتعاث في المرحلة الخامسة الاخيرة وشروطي مطابقة للشروط التي وضعتها وزارة التعليم العالي وارغب في دراسة الماستر في تخصص المالية والتمويل بحكم انني حاصل على بكالويورس في تخصص المحاسبة وبمعدل جيدجدا.
اخترت ثلاث دول لدراسة الماستر وايرلندا هي الرغبة الاولى لي لانني سبق ودرست في بريطانيا من قبل وايرلندا لها نفس الصفات التي تتمتع بها بريطانيا ولكن بصراحة انا ليس لدي الخلفية الكافية عن ايرلندا من حيث طبيعة الشعب الايرلندي وتكلفة المعيشة هنا وايضا مستوى التعليم في ايرلندا ولا اعرف هل هي دولة مثل انجلترا غالية نوعا ما او لا .....ارجوا منكم اعطائي خلفية بسيطة عن ايرلندا في المجالات الثلاثة تكلفة المعيشة وهل التخصص الذي سوف ادرسة متوفر في ايرلندا وكذللك هل مكافأة البعثة كافية لمواجهة المصاريف من سكن وموصلات والاخرى
شكرا واتمنى الرد على استفساراتي

الله يعطيكم الف عافية

انا بغيت اسأل افضل معاهد اللغة في كورك غير معهد الجامعة لانه حسب ماسمعت مايقبل مبتدئين

والله تعبت وانا ادور على المعاهد المعترف فيها وابغى معهد حلو
وابشروا بدعوة بظهر الغيب