المشاركة الأصلية كتبت بواسطة طالب طمووح
اهلين بالاخ ايرش اللي الشكر والكلمات تعجز ان تعبر عن مدى ما افدتنا وخدمتنا في موضوعك ،،،،،
انا صراحة ليس عندي سؤال محدد ولكن طلب سيتعبك قليلا ،،،،،،
لا اريد الاطالة عليك ولكن اذا طاب لك الاجابة ففعل ولا الصمت خيارك ومشكوووور والف شكر لك ،،،،،،
انا في هذه السنة وضعي من وضعك فيما سبق ولكن اريد ان تفيدني من تجربتك بما يجول بخاطري ،،،،،،
اريد ان تحكي لي ولو بشكل مبسط ما هي رحلتك من بداية المطار والرحلة لايرلندا وصولا لابواب الكلية الملكية والدراسة فييها،،،،،
تحكي لي فيها عند وصولك هل كان السكن مرتب من قبل الوزارة ولاكيف كان الوضع ؟؟؟؟
هل هناك اجراءات يجب ان تقوم بها للحكومة الايرلندية مثل اصدار بطاقة شخصية وما شابه؟؟؟؟
كيف يتم صرف المكافأة لك؟؟ << عن طريق حساب بالبنك او تستلمه نقديا واذا كان عن طريق حساب بنكي ماهي الاجراءات التي تبعتها وكيف تقوم الملحقية بمعرفة هذا الحساب وارساله لك ؟؟؟؟
متى بدأت الدراسة بالنسبة لك بعدما وصلت ؟؟؟
هل الوزارة قامت بحجز مقعدك في كلا ITT & RCSI ؟؟؟؟
ماهي المواد التي قمت بدراستها خلال الست شهوور في ITT << وهل هي تعطيك مايعرف ب Leaving certificate ؟؟؟؟
وعند الانتهاء هل انت من تقوم بالترتيب والحجز لاختبار الايلتس وهل درجة الايلتس لهذه السنة شبيهة للعام السابق وهي 6،5 ؟؟؟؟
خلال وجودك في RCSI ماهي اكبر صعوبة واجهتها اوهناك شيء تمنيت لو انك اتممته من قبل او حسنت من نفسك فيه قبل الدخول اليها؟؟
هل هناك نصيحة توجهها لي كأخ قبل الوصول الى ايرلندا؟؟؟
وهذا فقط وآسف وادري اني طولت بس اتمنى انك ماتقصر معي وذلك لاني ما وجدت من يمد يد العون لي ويساعدني في استفساراتي وذلك نظرا لقلة الطلبة المبتعثين لايرلندا والشكر لك ومسبوق و يعطيك الف عافية ،،،،،،،
العفوووو والله ،، انا في خدمتكم هون اليوم وكل يوم ، وحتى لو رجعت السعودية
انت ما طلبت شي ، ولاهو تعب ولاهو شي ،،
بس انت خيالك وتفكيرك واسع .. ياليت اللي ذكرته يصير كان تمام والله
الحين احكي لك وبتعرف شنو اقصد بالضبط ،،
قبل أطلع من السعودية بإسبوع .. غيرت رأيي .. وقلت ما ابي البعثه
علماً بأن الاوراق والجواز والفيزا والتذاكر والقبول في يدي ،،
لكن جاني شعور غريب .. غربة و بعد عن الاهل و .. الخ ،
لكن قبل الرحلة بـ 8 ساعات رجعت لرأيي وحزمت امتعتي < يعني رتبت الشنطة هههه
ودعت الأهل < وكانت لحظات صعبه والله ،، وبالمطار حسيت رجولي ما شالتني !
بالطيارة الحمدلله كان في واحد سعودي بيروح امريكا وهو مبتعث وصار له سنة في ذاك الوقت
وانا ما صار لي الا نص ساعه متغرب في طيارة عن الاهل .. هههه
بصراحة الراجل خفف علي .. وهونها ، وقالي بس فترة وتتعود ،،
ارتحت كثير وسألته أسأله ما لها أول من تالي هههههههه
وصلت مطار امستردام ، وانتظرت ساعتين وبعدين وصلنا دبلن ،،
في المطار استقبلني شخص ، انا دافع فلوس له من السعودية عن طريق مكتب
لأن ما فيه شي اسمه ( الملحقية او السفاره تستقبلك ) لكن .. يمكن مستقبلاً يصير هالشي
الرجال كان واقف ومعه حاجه عليها اسمي .. رحت له واخذ الاغراض وركبنا بالسياره
وصلنا لبيت العايله .. اتذكر اني ما كنت نايم يوم او اكثر !!!
وصلت البيت بس ابي الفراش .. نمت ساعتين بس وجلست ابي الانترنت ،،
دخلت النت على طيراااان الاتحاد احجز تذكرة عوده < حسيت بالغربة من جد
لكن أبو العايله خفف علي وقالي شووو بك ؟ < بالانجليزي هههههههههه
بعد فترة رحت الكليه والتقيت بطالب سعودي .. من شفته .. حسيت ان ألم الغربة كله راااح
المقصد ،، انك من تشوووف واحد من ديرتك خلاص .. كل شي يهووووووووووون
اول ما توصل بلد البعثه ،، حمل ملف من موقع الملحقية ،،، من قسم الاستمارات
اسمه : استمارة فتح ملف لطاالب مبتعث جديد
وارفق قبولك وصورة الجواز والختم حق الدخول لإيرلندا وأي اوراق تتعلق بك
وارسلها بالبريد ،، الى الملحقية في بريطانيا وانتظر منهم إتصال او انت اتصل بنفسك
بالنسبة للحساب في البنك ، بعد فترة الكلية تعطيك ورقة تفتح عن طريقها حساب بنكي
وترسل معلومات الحساب الى الملحقية ، وبكذا تستلم راتبك كل شهر .. 1798 يورو
بدأت الدراسة بالنسبة لي بعد اسبوع تقريباً لأن كانت اجازة في ايرلندا ( الايستر - عيد الفصح )
لكن أي طالب جديد يوصل ، يبدأ في اليوم الذي يليه .. او الاثنين ،،
وهذا اللي صار مع طالب هنا ، طيارته الخميس واختبر الجمعه هههههه توه واصل واختبار هههه
اختبار تحديد مستوى من شان يعرفون في اي مستوى يحطووونك وتدرس ،،،
انا طالب ماجستير حاسب ، وليس طب ،، لذلك ما اقدر افيدك بأسئلة ITT , RCSI
لكن ، الوزارة توفر لك القبولات ان شاء الله ،،، لا تشيل همها ..،
بالنسبة للايلتس ، فهو يعتبر اختبار يعتمد على المهارات اكثر من اللغة
يعتمد على كيفية التحكم واستغلال الوقت في فترة الاختبار ،،
تقدر تدرس كورس اعداد ايلتس لمدة 5 اسابيع ( يومين بالاسبوع ) ونصيحة لك ادرسه
لا يروووح عليك ، لأنه يساعدك انك تجتاز الاختبار بالدرجة اللي تبيها ،،،
تقدر تحجز أختبار الايلتس بنفسك ، وفي اي مكان بالعالم تقدر تسويه .. انت حر
نصيحتي لك ،،
أول ما توصل بالسلامه .. اسبوع واحد يمكن تذوق ألم الغربة لكن بعدين راح تتعود
يعني لا تفكر في هذا الشي نهائياً ،، راح تشوف من يساعدك وتتعرف على اخوان جدد لك
نصيحيتي للغة ، حاول تستخدم الكلمات الجديدة اول ما تتعلمها ..
حاول تحفظ الكلمات في جمل . وليس كلمة كلمة ،،
حاول تحفظ عائلة الكلمة ( الفعل - الاسم - الصفة - الحال .. )
وبهذي الطريقة راح تخلص اللغة في فترة ( ربما أقل من سنة ) ،
بالتوفيق .،
Irish October 16th, 2009, 11:46 PM
LinkBack URL
About LinkBacks
وانا بنتظرك