۩۞۩ ملـتـقى طــلاب وطـــالبات إيــــرلـندا ۩۞۩

اريش الله يجزاك الف خير
انا بصراحه عندي سؤال انت نصحتني بكورس اكاديمك وجنرال بس مافهمت والموقع مافهمت
يعني هل اخلص جنرال اوردي وادخل اكاديمك
اذا كذا حلو مرة لانه انا احتاج جنرال لانه لغتي مش تمام والكل نصحني اني اشد نفسي باللغة واخذ رحتي وبعدين اخذ الماستر تكون سهله علي
فبليز ماني فاهمه كيف اكاديمك وجنرال؟
وكم مدتة

وبليز ياريش ادري اني طفشتك لكن ارسلت لك مسج مارديت علي

في المسج قلتي " رد ع موضوعي "
وهذا انا هون ..
اوكى اسمعي ، دام لغتك مش تمام
انا انصحك تدرسين جنرال اوكى .. لمدة 6 شهور ،،
وبعدين خذي الاكاديميك لمدة 6 شهور
وبكذا تصير دراسة اللغة سنة كاملة ،،
آخر شهرين في اللغة ،، خذي كورس إعداد آيلتس < يعني وانتي تدرسين جنرال
الكورس هذا مدته 5 اسابيع اعتقد ،،
ومن بعدها ادخلي الاختبار وبتجيبي الدرجة المطلوبة ،، 6


* الكورسات الاكاديمية ، وكورس اعداد الايلتس
ما تقدرين تدخلينهم الا لما تكون معاك الاساسيات في اللغة
والاساسيات ما تاخذينهم الا في الجنرال ،،
معناها ، كورس الجنرال شي لابد منه بالنسبة لك

السلام عليكم ورحمة الله وبركاته

بصراحه احب اشكرك على موضوع الرائع والضخم (ينفع يصير مجلد للمبتعثين لإيرلندا)
بغيت اسألك :-
1- انا ابغىأدرس ماجستير في ايرلندا تخصص تسويق او تخصص مشابه له معدلي 3.36 , بس والله تعبت وانا ادور مكاتب تجيب قبول من جامعات في ايرلندا , هل تعرف مكتب معين ممكن يجيب لي قبول او شخص ممكن يجيب قبول ؟

2-هل صحيح ما سمعنا عن ايرلندا انه شعب محافظ شوي مو مثل بريطانيا منفتحين بالنسبه للإمن كيف عندهم ؟
ولك من جزيل الشكر والتحية والتقدير ....والخ
أخوك أبو سالم

عليكم السلام والرحمه والاكرام ،،
العفووو ياخوي ، واهم شي الموضوع ينفعكم ،، ويفيدكم ..

ما يحتاج تدور مكتب يجيب لك قبول
تخصصك موجود بالـ DCU
التقديم عن طريق موقع الباك
واذا تبي مكتب يساعدك ،، اعرف مكتب بالرياض .. في مخرج 12 قريب من بنك البلاد
اتذكر قبل سنة ونص تقريباً كنت عنده ،، اسمه هشام او هاشم < سوداني
روح له بس اشترط عليه ان يقدم لك على هذي الجامعه او UCD
هو متعاقد مع كلية تانيه ،، بس مو زينه أبد ، انتبه منها ...


أيرلندا بلد محافظ ؟ < وضح لي كيف ..
فيه مسلمين إيرلنديين ، لكن قليل ... والشعب بشكل عام مسالم .. ما معهم أي تعصبات او تحزبات لأحد
الأمن ،،، تصدق عاد ان البوليس ما معهم سلاح !!

بالتوفيق

يعطيك العافيه على تعاونك معي , لكن قرأت في منتدى ان معهد اللغه لجامعة DUC غير جيد هل هذا صحيح؟
وش رايك في مدينة لمريك والجامعة والمعهد اللغة اللي فيها ؟
وقصدي بمحافظة يعني ما فيها التعري والتحرش بالاخرين في الاماكن العامة اللي تشوفه في بريطانيا , طبعا دبلن وكورك يمكن تشوف الشيء حسب كلامهم , هذا لكن يقولون في المدن الثانيه مثل لمريك محافظة , بصراحه ما ادري صحة هذي المعلومات لكن هذي اللي قرأته
وتقبل شكري وتقديري

في رأيي ان معاهد الجامعتين DCU , UCD أفضل بكثير من المعاهد العامه في السيتي سنتر
معاهد الجامعات لها كورسات معينه تبدأ في اوقات معينه ومحدده ،،
لها اختبارات للدخول في الكورس ، وتحديد مستوى الطالب ،،
تعمل واجبات بشكل يومي ونظامي ،، وكذلك اختبارات اسبوعية تقيس مستوى الطالب ،،
بعد كل 3 أشهر هنالك اختبار لكي يحددوا ما اذا الطالب مؤهل للارتقاء للمستوى الذي يليه

معاهد السيتي سنتر ، كل اسبوع تجد طالب جديد ينضم للمجموعة
في الجهة الاخرى تجد طالب يرحل ، وهكذا حتى نهاية دراستك في المعهد

أي النظامين أفضل برأيك ؟ معاهد الجامعات ام المعاهد العامة ؟

التحرش في الاجانب غير موجود في ايرلندا بشكل عام ،،
أم من ناحية التعري وما الى ذلك .. ألخ
فهذه دولة اوروبية منفتحه ويأكلوا ويشربوا ويلبسوا ويقولوا ويفعلوا ما يحلوا لهم
كذلك الحرية لك ،،

لم أتجول كثيراً في ايرلندا ولكن زرت Galway , Kellarny , Dingle , Dublin
دبلن عاصمة وفيها أكثر من جنسية مختلفة وتسمع أكثر من لغة في الشارع ،،
جالوي ، منطقة سياحية جميلة ،، اما ليمريك فلم تحصل لي الفرصة لزيارتها ،، ولا اعرف شيء عنها
ربما محافظة ، الله أعلم ،، لكن هذه منطقة اوروبـــية في كل الاحوال ، الزين والشين موجود بكل مكان



بالتوفيق

>>>>>>>>>>أدري بتقول جت هالعلة بس ماتنلام

انت تنصح بالمعاهد التابعة للجامعة صح؟ صح
طيب هل معهد الجامعة يقدم كورسات جنرال واكاديمك واعداد للايلتس
وهل قبل مادخل الجنرال لازم اختبر تحديد مستوى وهل ممكن اعمل تحديد المستوى وانا هنا بالسعودية وين ممكن وهم يحددون انا ابدا من اي ليفل
وهل الاكاديمك بعد فيه تحديد والا لا؟

شدعوووه ،، ما قلت انا شي ،،

حياك بأي وقت ،،

أنا انصح بمعاهد الجامعه لما يكون مستواك Pre Intermediate
وكل كورس تبينه ، له اختبار تحديد مستوى ، إيه نعم ،،
معاهد الجامعات فيها كورسات اكثر من المعاهد العامه
وامس كتبت كورسات الـ DCU في احد الردود
General English هذا الجنرااااااااااال
Academic Year Programme 1 وهذا الاكااااديمي
English for Academic Purposes وهذا EAP ويسمى Pre-sessional

كل كورس له اختبار تحديد مستوى
وبعض الكورسات تطلب اختبار آيلتس


نصيحتي .. انتي تقولي لغتك مش تمام ،، لا تشيلي هم هالاشياء هذي الحين
انتي ادرسي اول كورس عادي .. في معهد عادي .. ولما تشوفي نفسك وصلتي مرحلة متوسطه
انقلي الى معهد جامعه ،،وتوصلين intermediate level خذي الاكادييمك
وبعدين لما تسوي الايلتس وتجيبي 5 مثلاً خذي البري سيشونال ويمكن ما تحتاجينه اساساً

بالنسبة لأختبار تحديد المستوى ،، ما عندي عنه اي فكرة اذا تقدرين تسوينه بالسعودية

تبي تجربي حظك الحين تختبري واحد online

الموقع :
http://www.francesking.co.uk/test/default.asp
ملاحظه : يجب ان تدخل بياناتك بشكل صحيح [ الاسم و الايميل ] ترسل النتيجه على إيميلك

تحياتي للجميع بالتوفيق

هلابك اخوي ايرش

اعذرني ما وضحت في سؤالي لك انا بدرس ما ستر على حسابي الى ان التحق بالبعثة انشاء الله

فلو راسلت الجامعة ممكن يعطوني قبول ولا هم ما يقبلون احد الا عن طريق موقع الباك مع العلم انه التخصص اللي ابيه في هالجامعه بس

يعطيك العافيه

اها
فكرت بكالوريوس ،، لان الوزاره تجيب لهم ،، بس الماستر لااا

دامك ع حسابك ،، الله يسهل عليك وتلتحقي ان شاء الله ،،،

لازم عن طريق الباك
وهذي الجامعه الله يسلمك قدمت انا عليها عن طريق باك
واللي قاهرني ،، للحين ما ردوا علي ... طيب ارفضوني بس قولوا على الاقل قراركم
علمأً ان دراستهم للماستر تبدأ في اكتوووووووووبر

اممم انا اقولك راسلي الـ Admission قسم القبولات بالجامعه ..
جربي حظكـ ،،
او فكرة تانيه .. راسلي مسؤول التخصص حقك .. course coordinator