۩۞۩ ملـتـقى طــلاب وطـــالبات إيــــرلـندا ۩۞۩

الله يجزاك الف خير دخلت الموقع واختبرت بقولك عالنتيجة

ايرش هل حصلت تخصص علوم حاسب في ايرلندا لاني تعبت وانا ادور في المواقع حقت الجامعة مالقيت الا شي دقيق تحليل ومعالجة صور او شبكات او سوفت وير وانا ابي تخصص كمبيوتر ساينس عام

معليش احس اني كثرت عليك بس والله محتاجين معلومات:-

انا اليوم رحت المكتب اللي عطيتني وصفه وقابلة هشام السوداني رجل محترم وطيب
بس طلعت لنا مشكلة الفيزا يقول لازم ضمان مالي اذا تبي تروح على حسابك الخاص
لازم يكون فيه 100 الف ريال , هذي مو مشكلة اللي اصعب منها يقول لازم يختبرونك وتجيب في الايلتس درجة معينه ما ادري 5 او 3 , المشكلة اني في الانجليزي بدائي اعرف بعض القواعد فقط
وقالي عن طريقه ثاني انك تجيب ضمان مالي من جهة حكومية او مؤسسة , ويكون ضمان صوري الهدف منه الحصول على الفيزا , ويقول يسهل امورك
اكثر في طلب الالحتاق بالبعثه بعدين.
بعد عرض هذا المحادثه وش رايك في كلامه , وهل من السهل الحصول على ضمان مالي (صوري) من جهة حكومية , ياليت تكفى تفديني في هذا الموضوع
والله يكتب لك الاجر والمثوبة على تعاونك معنا ومساعدتك للإخوانك

اذا تبي ماستر ،، هذا الرابط فيه ماستر علوم حاسب آلي

ok
تمام التمام ،،، واهم شي لا توافق انك تدرس في DIFC < حكايتها حكايه هههه

انت روح مره تانيه له ،، وقوله طالما انهم طالبين مني الايلتس ، وانا لغتي مبتدئ
قوله انك تبي تدرس لغة انجليزي اكاديمك ، في نفس الجامعه ،، DCU مثلاً ،
وبكذا قوله ابي قبول لغة + قبول مشروط في التخصص

بخصوص الضمان المالي ،،انا افتكرت انت مبتعث !!
لو انت مبتعث ، كان صار أمرها سهل ..
لكن انت تبي تطلع على حسابك .. لازم يكون معك المبلغ اللي قالك عليه
او ان جهة عملك تعطيك الدراسة على حسابها وهذا يسمى ضمان ،،

هلا اخوي سالم المسالم

فيه تناقض بكلامك كيف جهة حكوميه تعطيك ضمان صوري وكيف تسهل امورك في الاتحاق بالبعثه؟؟

اذا بتعطيك ضمان ليه ما تبتعثك ؟وكيف بيوافقون على الالحاق بالبعثه ومرجعك معطيك ضمان مالي

انا مثلك افكر اطلع على حسابي ادرس ماستر بس استغربت من سؤالك

ايوا كلام فلوه صح .،
ممكن الاخ كان معه فهم خاطئ لمعنى الضمان المالي ،،
الضمان المالي : ورقة تثبت ان الجهة الحكومية متكفله بدفع تكاليف الدراسة
وبكذا لو حصلت عليها ، تكون مبتعث عن طريقها
تقدر تحصل هذي الورقة عن طريق وزارة التعليم العالي لو انت مبتعث ،
لكن حسب ما فهمت من كلامك انت تبي تطلع على حسابك ،،
وبكذا انت راح تدفع كل التكاليف ، واذا التحقت بالبعثه .. راح يتم تعويضك ،،
الالتحاق له شروط وضوابط < ياليت ترجع لها من موقع الوزاره وتقراها ،،

انت قلت
طالما هذي سهله ،، أجل ابدأ في امورك من الان ، اذا ما تقدر تطلع للدراسة عن طريق اي جهة حكومية ،،
بالتوفيق ،،

حياكم الله هلا بكم وزد , اللي ذكرته عن الضمان من جهة حكومية هذا مو كلامي هذا كلام الاخ السوداني اللي في مكتب يجيب قبولات من ايرلندا , فهو مو كلامي كلامه هو وانا أسأل عن صحة هذا الكلام؟؟؟
واللي فهمته من كلام الاخ السوداني , يقول انه فيه بعض الشباب يجيبون ضمان مالي من جهات حكومية عن طريق الواسطة بس عشان يحصل على الفيزا وبعدها يخلص اموره ويسافر الى بلد الابتعاث ثم يقدم طلب التحاق بالبعثه ثم اذا ضم في البعثه يصير الضمان المالي حق الجهة الحكومية ما له لزمه وهو في الاسأس الهدف منه الحصول على فيزا بس
حتى ان بعضهم اذا ما توفق في ضمه للبعثه وهو له شهر رايح او شهرين يرجع الى بلده (والدار ما دخلك شر)
اتمنى ان تكون الصورة وضحت هذا اللي فهمته من كلامه


حياك الله اخوي Irish واشكرك على تجاوبك على مشاركتي , انا عندي خلفية عن موضوع الضمان المالي وقبل ما اسجل في هذا المنتدى كنت اراجع موقع والوزاره وعندي مطويات عن كيفي الالتحاق بالبعثه , الموضوع اللي كان جديد علي اللي هو الاختبار قبل ما تطلع لك فيزا وخاصة اذا كنت مقدم انك تبي تدرس على حسابك ثم بعدها تقدم طلب التحاق بالبعثه.
بهذا الوضع لازم ادرس في الرياض لمدة ثلاثة شهور على الاقل ويالله تكفيني واجيب المعدل المطلوب في اختبار الايلتس عشان احصل على فيزا ثم اسافر بلد ابتعاث واقدم طلب الالتحاق بالبعثه يعني (ردد يالليل ما اطولك) وتكفون وووش الحل في هذي المشكلة , واعتذر الاطالة ولكم مني جزيل الشكر

Computer Science هذا مكتوب عنده هاير دبلوما يعني مو ماستر
Advanced Software Engineering وهذا هندسة برمجيات
Forensic Computing and Cybercrime
Digital Investigation
Digital Investigation
Computer Science (Negotiated Learning
انا شكيت بالاخير لكن مافهمت وش المقصود (Negotiated Learning

فمادري وش الحل كل مادورت مالاقى هذا التخصص
الله يجزاك الف خير

ايرش ممكن تساعدني الله يخليك

تعبت وانا ابحث وماحصلت ابغى تخصص ماستر تقنية نانو

بجامعات ايرلندا وما حصلت تكفى ساعدني

طيب ليه ما تدرس برا لغه وتجيب الدرجه المطلوبه وانت هناك ؟

وكيف لازم اختبار عشان الفيزا تطلع ؟