۩۞۩ طريقة البحث عن سكن في إيرلندا ( DAFT ) ۩۞۩

والله ياإيرش ماادري كيف أشكرك على المعلومات المفيدة اللي بتعطينا هيا وجزاك الله ألف خير يعني ماشاء الله عليك مسهل الامور لنا بشكل رهيب الله يجعلها في موازيين حسناتك

الله يعطيك العافية ياإيرش والله مجهود أكثر من رائع

شاكر لكم مروروكم ..


وان شاء الله المعلومة فيها فايدة للجميع .،

ايرش الله يوفقك ويحقق امانيك

مرحبا ايرش عندي سؤال بالنسبه للسكن

ايش تفضل السكن مع عيله ولا في شقه خاصه

خاصه وانه المحرم راح يجي يجلس معي شوي ويروح

المعهد اللي اخترته هو dcu واللي عرفته انه هو في النورث جنب المطار
ايش رايك بالمنطقه هناك هل هي امان اقدر استاجر شقه هناك وكيف سكن الطلاب والطالبات هناك

اذا هو سئ ممكن اخذ شقه بالساوث بس هل هي بعيده عن المعهد ؟؟؟

ياليت تجاوب على اسئلتي واكون شاكره لك

تقدرين تسكني في اي مكانه تبينه في دبلن
ترا مو بعيد مره انك تسكني في الجنوب وتداومي في الشمال هههههه
ترا دبلن صغيرونه مو مثل الرياض وجده !


معنا طلاب ساكنين جنب اليو سي دي في الجنوب ،، ويداومون في الدي سي يو بالشمال
والباص ياخذ من وقتهم نص ساعه ويوصل !


في سكن قريب من جامعه الدي سي يو ، لكنه ما راح ينفع لك لأن كل شقة فيها 4 غرف
والسكن بيكون مختلط !

لكن راح تلاقي شقة غرفتين وحمام ومطبخ وصالة ، 1050 يورو بالشهر ..
اسكني في دبلن 2 ،، قريبه من السيتي والجامعه

أخوي أيرش كل عام وانت بخير
انا بصراحة جاي ومعي زوجتي وبنتي
و ابي منك نصيحة عن السكن
1- هل تفضل السكن في بيت town house ام السكن في شقة من ناحية الامان والارخص
2- انا أفضل السيارة لان معي بنت صغيرة وماأبي اروح واجي بالباصات صعبة شوي
لذا وش أفضل منطقة حتى لو كانت شوي بعيدة لان معي سيارة مثل ماقلت وش رايك
3- كم الاسعار لشقة مكونة من ثلاث غرف وهل الاثاث عليهم او علي وش الافضل اني انا أجيب الاثاث ام المكتب

أدري طولت عليك يس صدقني محتاج أجابتك جدا جدا وشكرا

كل سنة وانت طيب ،،
1-
السكن في شقة افضل ..
يعتبر ارخص واسهل ..
البيت ممكن تلاقي العقد سنة كامله !!
لكن الشقة عادي ممكن تحصل عقد 6 شهور وممكن 3 شهور
انت ما تدري يمكن تسكن وما يعجبك لذلك اذا اخذت مدة قصيرة مثل 6 شهور بتكون افضل من سنة !
العيوب ما تعرفها الا بعد ما تسكن .. لذلك خذ لك طله ع البيت او الشقة قبل تاخذ القرار انك تأجرها ،،

2-
بما انك تملك سيارة .. ما راح تفرق معك وين تسكن ...
لكن انا ارشح لك السكن يكون قريب من المدرسة للبنت ..
والمدارس في دبلن 2 .. وحده في دبلن 14 قريبة من المسجد ..
ولو كان حظك حلو .. ما راح تحتاج توصل البنت كل يوم .. لأن المواصلات هنا مرتبه بشكل حلو كثير

3-
اسعار الشقق تتفاوت ..
ممكن تلاقي الشقة اللي انت طلبتها بسعر 1500 يورو بالشهر
وراح تدفه 1500 ديبوزت .. عربون .. اممم وترجع لك لما تنتهي المدة ..
ممكن تلاقيها اقل من كذا بشوي .. بس 1500 اشوفها مناسبة على شقة مكونه من 3 غرف
كذلك .. الشقق كلها مفروووشة من والى .. ما عليك الا تشتري اغراض البيت حق الاكل ، والغسيل ..الخ

الفرن - الغساله - الميكرويوف - الثلاجة << منها وفيها ..
احيانا تلاقي تلفزيون وانترنت .. واحيانا لا .. انت توفرهم بنفسك !


بالتوفيق

السلام عليكم ،، كل عام والجميع بخير وصحة وسلامة وعساكم من عوادة
اخ ايرش بالنسبة للسكن بدبلن انا اخذت لمحة سريعة بالموقع تبع السكن وشفت شقق قريبة من الجامعة تتكون من غرفتين ومطبخ وحمام وانت بكرامة وسعرها من 600 الى 700 يورو بالشهر !! واشوف السعر منااسب جدا بس اللي ابغى اعرفة هاذا السعر حقيقي ولا كلام بس
وبالنسبة لهاذي الشقق لازم يكون في دفعة اولى او عربون ؟؟ وشكراً لكـ

الاسعار طبيعيه ، لكن اذا رحتي شفتي الشقة .. يمكن ما تعجبك !
صحيح السعر حلووو .. لكن نصيحة ، شوووووووفيها قبل تاخذينننننننننها ..
يمكنها صغيرة ،، يمكنها مو مفرووشه .. الله اعلم



اممم ..
دايما .. الدفع يكون بالطريقة هذي :
لو الشقة كان سعرها مثلاً 1000 يورو
اول شي لازم تدفعين عربون = 1000 يورو
وتدفعين ايجار شهر واحد = 1000 يورو
المجموع كله بيكون عليك 2000 ،،

بالعربي اول مره لازم تدفعي دبل " ضعف السعر " ،،
وعلى فكرة العربون يرجعووون لــك .. '