اختبار الـكلية الملكية للجراحين .. (تحديث8) وصلنا إلى إيرلندا .. نهاية القصة

يا جماعة هل لازم نختبر هذا الاختبار للقبول بهذه الكلية ونحن لم ندرس بمعهد اللغة؟
يعني صعبة الواحد يختبر إختبار كله إنجليزي و مو إختيارات و والوقت قليل و...
والله كل ما يجيلهم يصعبونها

الله يكون بعونكم
خلاص المفروض يعطونكم بطاقة عائلة والجنسية الايرلندية
9 سنوات ياربي بكون في اوساط الثلاثينات
وانا سنتين احس نفسي بموت الله يسدد خطاكم وترفعون راس اهاليكم يا اطباء المستقبل

الله يوفقكم ويسعدكم,,
انظروا لطول المده من نواحي اخرى ولاتقارنوا انفسكم بمدن درسوا في السعودية بالنسبة لعدد السنوات فهم لم يحتاجوا سنة اللغة+السنة التحضيرية للثانوية الايرلندية وهذا مشوار سامي احييكم على اختيار هذا المجال لتهدوا نصف حياتكم لخدمة الطب بعد التخرج
من جهة اخرى انتم اقل في عدد السنوات من اخرين يدرسون في الولايات المتحده الامريكية وكندا حيث تطول مدة الدراسة الى 10-11سنة للحصول على بكالريوس الطب الباطني والجراحي

وفقكم الله لما يحب ويرضى

المدة ليست المشكلة
لو فرضنا عمر الطالب لمن يتخرج من الثانوية 19 + 9 سنوات طب = 28 سنة
لكن هنالك مشكلة وهي أن الطالب إذا حب يكمل مايقدر لأنه لا يستوفي شروط البرنامج:
برنامج خادم الحرمين الشريفين للإبتعاث الخارجي:
أولاً: أن يكون المتقدم سعودي الجنسية.
ثانيا: ألا يكون المتقدم شاغلاً لوظيفة حكومية.
ثالثاً: يجب أن تتم الدراسة بالانتظام و التفرغ و الإقامة في بلد الدراسة ، و أن ينتظم الطالب في الدراسة انتظامًا كلياً.
رابعاً:
• لا يزيد عمر المرشح على 22 سنة لحملة الشهادة الثانوية العامة (لا يقبل من ولد قبل تاريخ 23/10/1407هـ).
• لا يزيد عمر المرشح على 27 سنة لحملة البكالوريوس (لا يقبل من ولد قبل تاريخ 28/8/1402هـ).
• لا يزيد عمر المرشح على 30 سنة لحملة الماجستير (لا يقبل من ولد قبل تاريخ 25/7/1399هـ).
وش الحـــــــــــــــــــــــــــــــــــــــــــــــ ــــــــــــــل

سلام
ايش سدة النفس مع الصبح من قلك ان الدرسه 9 سنوات ومن قلك اعمارنا 19 اغلب الشباب 18 وبعدين ويش 1402 امكن ابوي من مواليد هذا السنه اغلبنا من مواليد اوخر عام 1991 م وتري في اترام صيفيه احنا رح نلتحق الجامعه بدبلن في سبتمبر 2011 ومدة الجامعه 6 سنوات ورح نتخرج ان شاء الله 2017 الان ندرس tralee حولي 3 اترام كل ترم 4 اشهر ورح نكون ان شاء الله في 19 رمضان في السعوديه ونجلس شهرين ونرجع للسمستر الثاني والحياه هنا ممتازه والحمدالله واوضاعنا تمام والله يوفق الجميع انصح جميع الشباب والشابات الي في الثانويه انهم الان يركزو في الاختبارات الثانويه والقدرات والتحصيل والله يوفق الجميع

ادخل معهد للغه وحاول تحفظ كل يوم 20 كلمه جديده اشتري قاموس اطلس وترجم كتاب اللغه الانجليزيه حق الثانويه ورح يكون مستوك ممتاز المهم اجتهد والباقي اتركه علي الله انا دخلت معهد للغه وكنت ادرس خلل 3 اشهر من الساعه 8 صباحا الي الساعه 8 مساء للغه وخلصة المستوي الخامس في السعوديه وافدتني في ايرلندا والحمد الله

يا غالي مده الدراسه كلها حتى تتخرج هي 9 سنوات
صح 6 سنوات بالكليه + سنه امتياز .. يعني 7
وسنتين راحت بتريلي
يعني المجموع كم ؟؟؟

منو الي قالك فيه اترام صيفي ،، الترم الصيفي يخفف مواد وليست شطب سنه او ترم

وشكرآ

هلا اخوي الحبيب
تعتبر مرحلة دراستنا في تريلي سنه ونصف تحضيريه لغه انجليزيه ومهارات الاتصال والتعلم بالاضافة الي العلوم الاساسية كالبلوجيا والكيمياء والفيزياء ومن يجتاز هذا المرحله ويحصل علي الايلس ينتقل الي خمس سنوات في الكليه الملكيه للجرحين وتنقسم البرنامج الطبي في الكليه الي ثلاث مراحل
المرحله الاولي ما قبل المرحله السريريه ومدته سنه ونصف ويدرس الطالب العلوم الطبيه الاساسيه مثل اجهزة الجسم مثل الجهاز التنفس والعصبي وغيره ومعرفة وظائفه وتدعم الدراسة بحالات سريريه لتطبيق العملي بالنظري
المرحلة الثانيه مدته سنه ونصف ويدرس الطالب فيه المود الاساسية علم الامراض وعلم الميكروبات والطفيليات ومقدمة في العلم الباطني والجرحه ووسائل الاتصال واخلاقيات المهنه الطب
المرحلة الثالثه وهي تستغرق عامين تتم في المستشفيات من خلال العمل مع الفرق الطيبيه في المستشفيات في تخصصات الطب والجرحه وطب الاطفال والنساء والتوليد والنفسيه ويعمل الطالب كفرد من المجموعه الطبيه يعني شغل عملي بحت ويتابع حالة المريض من الدخول الي خروجه من المستشفي تحت اشرف من الاختصاصي المشرف علي الطالب وكذالك يقوم الطالب بحضور بعض المحاضرات في الجامعه
فتره اختياريه لمده لا تقل عن اربع اسابيع ولا تزيد عن ثمانيه اسابيع في اي مستشفي دولي معتمد يعني مدة الدراسه حولي سبعه سنوات
اما مرحلة الامتياز فهي مرحله منفصله تماما عن مرحلة البكالوريس يعني بعد مانتخرج من الكليه الملكيه للجرحين ونستلم الشهاده منها يكون لكل حادث حديث
اخوي انت تدرس معنا في تريلي
وتقبلو تحياتي

السلام عليكم ...

كيف الامتياز منفصله ؟؟
دام انك ما تقدر تتوظف او تكمل دراسه بدون هالسنه فانها تعتبر عليك ،، يعني وش الفايده تقول منفصل او متصله

غير كذا الطلبه في هولندا - المجر - بولندا ،، دراستهم ٨ سنوات مع الامتياز ...

طلبه السعوديه ٧ سنوات مع الامتياز
الي زاد علي طلاب ايرلندا انه فيه فاوينداشن بالرويال وبرنامج تريلي تحضيري فقط له

يعني الي يدرس بايرلندا يتخرج مع الي بيدرس طب بالسعوديه وهو حاليا بثاني ثنوي

يعني تدرس بتريلي ( سنه لغه + سنه تحضرك للتحضيريه ) + سنه تحضيريه بالرويال ،، بعدين يدرسون طب

سنة الامتياز نخذها بعد التخرج وناخذه في السعوديه انت الان تدرس معنا في ترلي او تدرس في الكليه الملكيه علشان تعرف نظام الدرسه عندنا وتوقع مافي وجه مقارنه بين الدرسه في ايرلندا والدرسه في اي جامعه طبيه سعوديه او في دوله غير ايرلندا من ناحية الاستفاده والخبرات الي رح نكتسبه من خلال دراستنا في الخارج وخاصه في بلد زي ايرلند دراستنا كله باللغه الانجليزيه من الزيرووو وكذلك في المرحلة التعامل مع المرضي باللغه النجليزيه ارجو عدم المبالغه وتهبيط المعنويات وتري لو نجلس 16 سنه ندرس في ايرلند طب مارح نطفش اونزهق او نتضايق لانه لدينا هدف نريد تحقيقه لخدمة الوطن والمواطنين بل الانسانيه اجمع في اشرف مهنه علي وجه الارض اتمني منكم الدعاء لنا بالتوفيق والثبات علي الحق وتحقيق احلامنا كم ندعوالله العزيز الحكيم ان يوفقكم في دراستكم ويسهل امورنا واموركم