السفارة ماترد على التلفون ..... وش العمل وش الحيلة؟

شوف يالغالي انا بقلك وش صار معي بالضبط انا بعد ما دفعت رسوم المعهد ارسلوا اوراق القبول كامله عالايميل وانا طبعتها والاوراق الاصليه اخذتها من المكتب اللي كلفته بجلب القبول ورحت السفارة وعند الموظفه في السفارة قلت لها تبين الاصل والا الصور قالت اعطيني الصور والاصل باقي معي للحين ما اخذوه عشان كذا اقلك اذا تقدر تاخذ الاصل معك للاحتياط خذه والا هم ما ياخذوا الا الصور وهذا اللي صار معي وراح تطلب منك شهاده بنكيه ويمكن تطلب كشف حساب لاخر ستة اشهر وصورتين مكشوفة الرأس مقاس 4×6 وبدون نظارة وطبعا جواز سفرك هو الاهم
وترى الامور سهله انا سافرت للرياض وقدمت اوراقي يوم الاثنين الصبح لانهم يستقبلوا الاوراق من الساعه 8ونص للساعه 10 ونص ولو تتاخر 5 دقايق ما ياخذو منك ولا ورقة وابشرك يوم الثلاثاء استلمت التاشيرة ورجعت لمكه^_~
**ملاحظه اوراق القبول بيكون فيها خطاب للسفارة وايضا الفاتورة التي تبين انك دفعت المبلغ حق الدراسه والسكن
والله يوفقك ويكتب لك اللي فيه الخير

شوفي يا اخت اماني اناتكلمت عن تجربتي الخاصة ولكن المعهد مستحيل يرسل خطاب القبول وخطاب السفارة الا اذا دفعتي اقل شي مبلغ الكورس وعاد السكن براحتك تبينه يوفرونه لك او توفرينه بنفسك بس تقريبا لو تدفي سعر الكورس والسكن بيكون اوفر لك وطبعا على حسب المعهد اللي بتتعاملي معاه لكن الشي المهم انه القبول النهائي ما راح يجيك الا اذا دفعتي المبلغ حق الدراسةوعشان تاخذي تاشيرة طويله تدفعي مبلغ حق دراسة اكثرمن 90 يوم وانا دفعت حق 14 اسبوع عشان اخذ تأشيرة نوع D
فيه طريقة ثانيه تقدري تجيبي فيها القبول ولكن طبعا شبه مستحيله وهي اخذ ضمان مالي من الوزارة ولكن ما يصرفونه الا للمبتعثين من الحكومة
واسف عالتأخر في الرد واي استفسار انا حاضر
واسأل الله انه يوفق الجميع ويحقق لهم امنياتهم

ايه اكيد راح يعطوكي قبول نهائي وهذا اللي انا سويته وبعد ما يرسلوا القبول النهائي وخطاب السفارة والفاتورة اللي تثبت انك دفعتي رسوم ال16 اسبوع تاخذي هالاوراق وتطلعي كشف حساب لاخر 6 شهور وشهاده بنكيه وكل ما زودتي المبلغ في الرصيد راح يكون احسن وصورتين مقاس 4×6 وراح تخلص امورك بسرعه انا من خارج الرياض وسافرت للرياض خلصت اموري في يومين

هلا اختي afoo حاولي تتصلي عالسفارة في الصباح من الساعه 10 ونص للساعه 1 الظهر وان شاء الله يردوا عليك لاني مرتين اتصلت بهالوقت والحمد لله يردون علي عالتحويله 226
واما عن موضوع الضمان المالي فانا بصراحه ما اقدر افيدك فيه لاني انا ما اخذت التاشيره عن طريق الضمان المالي لاني طالع على حسابي والضمان المالي يعطى للطلاب المبتعثين فقط ولكن اتمنى من الطلاب المبتعثين والذين حصلوا عالتاشيره ان يفيدوك في هذه المسأله وهل الاصل معهم ام ان السفارة اخذت الضمان المالي من جميع الطلاب ولم ترجعها لهم وان شاء الله انه مافي ضرر طالما الصور معك واذا احد سأل عن الاصل علميه انه الاصل عند السفارة
والله يوفقك ويحقق لك طموحاتك