مساعدة كم المده إللي أجلسها ثم التحق بالبعثه .. تكفون ,,

السلام عليكم ورحمه وبركاته

اخوي دراسه اللغة في ايرلندا تكلف تقريبا 7000 الى 10000 للشهر الواحد للسكن وكل الاكل وكل شيء
والتذكره تقريبا 2500 الى 3000 على الخطوط التركيه

والالحاق ياخوي ودي اقلك سهل
ولكن ما اعرف اي شخص درس 6 شهور والحق

ولكن الله يعينك ويوفقك

الله لا يهينك يالغالي على هذا الرد ,,

لكن ياليت لو تتأكدلي يالغالي من الإلتحاق ,,

وشكرا لك أخوي ,,

متأكد أخوك الاسعار كذا؟ ان شاء الله يساعدونك الاعضاء ...

بتوفيق

مشكور أخوي الغالي HuSsAiN-221 على مرورك ,,

وبإنتظار البقية ,,

اللي اعرفه لازم تخلص عدد معين من الساعات وتلتحق بالبعثة.
اتمنى لك التوفيق

الالتحاق بالبعثه باايرلندا سهل باذن الله انا سألت بالوزاره بس اهم شي تجيب قبول جامعه او ايلس اذا كان مشرووط
انا ببريطانيا سنه وما الحقوني لحد مااكمل 30 ساعه لاني بكالوريوس وحولت ايرلندا وقالوا لي انه سهل بس مااظمن والله
الرزق على الله بس... مثل ماقلت لك ان الي بالوزاره يقول لي اهم شي قبول جامعه لاني الطلاب قليل ماهم مثل الدول الي قفلوها
بس اهم شي لوجه الله انصحك هنا بدبلن الفلووووووووووووووس تراها اغلى من بريطانيا انتبه والله يوفقنا وااياك..!

اعرف اكثر من طالب في دبلن درسوا سنة كاملة ولم يلحقوا بالبعثه الى الان

بالنسبة للمصاريف ما اعتقد ان فيه أحد يقدر يعيش باقل من 7 الاف ريال مصاريف بس غير رسوم الدراسة

الاتحاق سهل
لازم توصل لمستوى معين في اللغه ويحولك مبتعث بأذن لله

انا سالت الملحقيه قبل كم يوم وردوا علي ع الايميل

1) هذا ايميل من
مشرفة الدارسين على حسابهم الخاص Nezha Bettahar

السلام عليكم و رحمة الله و بركاته،،،

تشترط الوزارة بالنسبة لطلبة البكالوريوس إنهاء سنة جامعية و تزويدها بالنتائج لتتمكن في النظر في إمكانية الإلحاق.

مع تمنياتي لك بالتوفيق إن شاء الله ،،،

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
2)وهذا ايميل ثاني

وعليكم السلام ورحمة الله وبركاته:

س :هل بعد وصولي الى ايرلندا ودراستي على حسابي الخاص وتقديمي الى الملحقيه هل بامكاني الانضمام للبعثة؟
ج: فقط ادارة الابتعاث في حي الغدير بالرياض لديها الاجابة عن أخر المستجدات في مسألة الابتعاث.

س: وما هي المتطلبات لو اموري سليمه من هنا السعوديه ؟
ج: بالنسبة للملحقية سيكون دورها فتح ملف على حسابك الخاص ويمكن ارسال أوراقك من ايرلندا دون الحاجة للحضور الى لندن وذلك بعد تعبئة استمارة على الرابط الأتي:
http://www.uksacb.org/pdf_decs/open_...nt_student.pdf
ويوجد جميع الأوراق اللازم احضارها.

س: هل احتاج موافقه مبدئية للبعثه ؟؟
ج: بالنسبة لأنظمة الوزارة فأنه بمجرد فتحك للملف في الملحقية تعتبر موافقة على دراستك على حسابك الخاص وبعد انهائك لفترة اللغة وسنة من البكالوريوس على حسابك
الخاص يتم ارسال أوراقك للوزارة للنظر في موضوع الحاقك .

علماُ بأن الالحاق في الفترة الحالية موقف الى بريطانيا (وليس الى ايرلندا) بسبب تكدس الطلبة وكم أشرت في مقدمة الرسالة فأنه يفضل التواصل مع الوزارة لمعرفة أخر المستجدات بشأن الالحاق .

وربنا يوفقك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ


هذي ايميلات وصلتني من الملحقيه


واذا تبيها من ناس سالتهم نفس هالسؤال واجوبتهم كانت:

تقدر تلتحق عن طريق 3 طرق

الاولى اذا كان عندك واسطه تقتدر تلتحق من اول يوم

الثانيه تنتظر مكرمه ملكيه وهذي اغلب ماتصير بوقت الميزانيه في شهر 11 هجري (وهذي مو مضمونه)

الثالثه لازم تخلص اللغه وبعدين تدرس 30 ساعه في مرحلة الباكالوريوس وبعدين يضمونك نظاميا يعني غصب عنهم


واتمنى اني اكون افدتك ما صدمتك