استفسار دبــلــن ــــــ مــهــم ــــ ضــروري

نصيحه لوجه الله ايرلندا بلد فاشل تعليميا
روح لامريكا فيها خيارات اوسع هنا انكبنا فيها معاهد زفت ونظام تعبان

أفااااااااا ليش وش المشكلة انا جاني قبول على امريكا بس قاعد ابحث واشوف ودي احول ايرلندا يعنى اللي اعرفة انه مافي جامعات كثير و مؤخراً سالفة ازدحام بعض معاهد دبلن بس والكل يمدح في ايرلندا هل في مشاكل مانعرفها ياليت تقولينها اختي لو في مجال.....

يعطيك العافيه سلتينو ع الرد

ما قصرت

بس انا ابي اجوبه عن ايرلندا عشان افرق بين ايرلندا والخيار الثاني؟





هل ايرلندا منظمه قانونيا؟

السبب الي خلاني اكرها
مافي معاهد على مستوى
اغلب العاهد ماهي كفء بكل صراحه
وثانيا الجامعات قليله والقبول فيها سنوي كل سنه مره
والاعداد كبيره من عرب وغيرهم
الافضل امريكا شعب مهذب وودود تعليم قوي جامعات كثيره فرض للقبول اكثر
ولكن اريلندا فااااااااااااااشله وبقوه

يا ليت اختي تحظي السلبيات والايجابيات الي تقدري عليها؟

الايجابيات
1_الجو رائع غالبا
2_الشعب الاصلي ودود
3_فيها احترام للمسلمين
هذا مايحضرني
السلبيات
1_ معاهد سيئه
2_ جامعات قليله
3_ تخصصات قليله وقديمه
4_ نظام برامج الماستر اغلبها بارت تايم وهذا غير مقبول في معادلة الشهادات
5_هاديه تجيب الطفش احيان

اشكر الاخت سلتينو ع الجابات الرائعه

وانتظر اجابة بقية الاسئله من الاعضاء

بالتوفيق

بالنسبة لي لسه مادخلت جامعة .. حاليا في معهد بس بحط لك كم شغلة
السلبيات :
1- الجو بارد جدا ،، يعني ماصار معتدل غير هالشهرين واعتقد خلاص الشتاء راجع ،، وغير كذا على طول امطار ومافيه شمس يضيق الخلق
2- البلد غالية مرة .. شقق ام غرفة اقل شي 900 يورو .. وام غرفتين إذا تبغى شقة محترمة من 1300 وطالع ،، الحضانات غالية مرة مو اقل من 800 يورو شهريا " بينما الملحقية تعطيك على كل طفل 300 يورو فقط "
3- المطاعم الحلال قليلة
4- الجامعات قليلة والتخصصات محدودة وزي ماذكرو الاخوان القبول سنوي وليس فصلي
5- بالنسبة للمواصلات ،، الباصات متوفرة بكثرة واسعارها اوكي ،، القطار متوفر لكن ماتقدر تستخدمه حتى تروح كل مكان ،، التكاسي غالية مرة وعدادها يبدأ من 4 يورو تقريبا ..
6- مافيها اماكن تروح وتجي .. اوكي جاي لدراسة .. بس بعد تحتاج تغيير جو

الايجابيات :
1- الشعب ودود ولطيف جدا
2- بلد خضرة وطبيعة

ايرلندا اذا تبي تدرس فيها افضل شي بس الطب وهذا على افتراض انك مبتعث لان المقاعد محدوده جداً وتقدر تقول محجوزه بس للمبتعثين تبع برنامج الملك عبدالله

اما فيما تبقى البلد غاليه جداً في كل شئ , بــارده .مستوى المعاهد سيئ ولا يرتقي لمستوى ايلتس وغيره
جامعات قليله 6 فقط ومقاعد محدوده جداً
المواصلات فيها باصات وبطيئه وزحمه واهل البلد نفسهم يشتكون منها
بالنسبه للنظام اللي اشوفهم يهتمون فيها نظام السير اما غيره لانظافه ولا شئ
طبعا فيها عرب كثيرررررر وسعوديين وخليجين
فيه احترام من البعض للمسلمين لكن من البعض الاخرين تلقى استهزاء عيني عينك

بشكل عام بالنسبه لي لو تطلب رأيي ايرلندا ليست الخيار الافضل أبـداً ماانصح فيها

وموفق يارب