إلى الجميــــــــع.. إذا المكافأة لا تكفي .. ادخل هنـــــــا

الطمع شين وشوفوا غيركم كيف عايش ...! وقولوا الحمد الله

امل نظره على الشعوب الاخري التي بتدرس وتشتغل في نفس الوقت وبلاش تبذير

والله المكافأه معقوله وشكرا لابومتعب

ودام الله عليك ثوب الصحه والعافيه

إن لقحت ..

ولا ما ضرها الفحل !

تراه ماهو مال أبونا .. والدولة إذا عطت بتعطي بارتياح , ما فيه شي غصب ..

ترى غيركم جاي مع زوجته أو أخته وعليه قسطين أو ثلاثة من البنوك وراتبه موقف أو مسلوب البدلات أو مقصوص من النص ..

الإنسان لا يكون تفكيره في ظروفه بس ..

غيركم جاي ومخلي أهله وأطفاله .. لازم يرسل لهم ..

أنا الحين متوهق كيف أرجع في إجازة رمضان !

رايك مقبول
لكن الوزاره تصرف مصروفك لك
موب عشان تسدد فيها اقساط

بعدين الحمد لله انا كل شهر اوفر 600 يورو تقريبا
الصراحه ما اروح السينما الا مره كل 4 شهور

الي يبي يوفر راح يوفر
يعني لو واحد مبتعث مع اخته او زوجته ويبي يوفر مبلغ رائع
يقدر ياخذ غرفه وحده فقط مع صالة
سعرها 800 يورو ويبقى له 2000 يورو عاد مصاريف كهرباء وانترنت خليها 300 والاكل اذا يطبخون اقدر اقول ما يكلف اكثر من 150 يورو شهريا حسب خبرتي

والي يبي يبذر كمان ويروح سينما وما وراه اقساط
يسوي الي يبيه وياخذ بدل الغرفه 3 غرف على كيفه
لكن لايجي اخر الشهر يقول والله طفرانين
كل المبتعثين من دول الخليج مكافاتهم 1800 تقريبا ا
ولا تقولي مثل الهبل الي اسمعهم احيانا يقولون طلاب دول الخليج ياخذون 4000 يورو
انا في جامعه فيها طلاب من كل دول الخليج واعرفهم كثير منهم
والجميع يستلم نفس المبلغ تقريبا

الدعوة موب دعوة مال ابونا او مال جدنا
الدعوة دعوة لا يملأ فم ابن ادم الا التراب

يا اخي تبي ترجع في رمضان ارجع توكل على الله
يعني اذا منت موفر ولا شيء من يوم جيت كيف تبي تعيش
ارجوك لا تقعد تشرح لي الغلاء ومدري شنو انا لي في ذي الدولة سنتين وداخل في الثالثه
اعرف ناس ما شاء الله اخر الشهر وباقي معه فلوس تكفيه حق الشهر الثاني
وناس نص الشهر ويقعدون يتشكون المكافئه ماتكفي


عندك تذكره مجانيه او تقدر تشتري من مكافئتك الي المفترض توفر شوي منها تحسبا لاي امر طاري
اتوقع انك رجل تعرف تدير امورك

ما اعرف اذا عندك ضروف او غيرها
لكن الواحد يمشي على الي عنده
يعني انا ما عندي تذكره مجانيه ولا عندي فلوس تذكره
وش الحل؟
الحل انك تبقى في ايرلندا وهذا درس يخلي والواحد يوفر شويه فلوس للازمات
وانا قلت لك اوفر 600 يورو كل شهر واحيانا 400 يورو واحيانا تجي ظروف ولا اوفر ولا شيء ولكن عندي تحسب لاي طاري من المبالغ الي اوفرها
غرفه 600 يورو اكل 400 يورو كهربا 50 يورو انترنت 40 يورو واغراض عامه
وفرنا 600 يورو


ماعندي اي شيء ضدك لكن الحق ينقال
المكافئة تكفي وتزيد
والحمد لله سفرت امي مرتين كمان على حسابي على فرنسا مره و مره بريطانيا
ودفعت تذاكر طيران دولي من السعوديه و فنادق 4 نجوم و مشواير من مكافتي الي تقول انها ما تكفي
اللهم لك الحمد على ما اعطيتنا

أنا انصح اذا كان فيه أحد يبي يسوي حمله
فلا يسويها عشان زيادة المكافأه لأن الكل ماقصر ووضح ان المكافأه تكفي ولله الحمد

الأولى اننا نطالب براتب مقدم للطلاب الجدد قبل مايجون لدولة الابتعاث
اما يكون هالراتب راتب مقدم لأول شهر ومايقتص من الطالب بعدين أو على الأقل يعطونه هالراتب وياخذون منه مبلغ بسيط بعدين من كل راتب لين يوفيه كله

بصراحه الوضع صعب لكثير من الطلاب أول مايجي

انا ولله الحمد الوالد ماقصر علي من اول ماجيت لين استلمت أول راتب رتبنا كل امورنا ومشاويرنا وسكنا واكلنا وكله

لكن فيه كثير ماعندهم امكانيه يوفرون مبلغ يدبرهم اول مايجون وعوائلهم ضعيفة الحال وماعنده أي طريقه تدبر اموره

هذا الاولى اننا نطالب فيه مو زيادة المكافأه!!

فعلا المكاءه تكفى الي ما عنده اطفال خلونا نحسبهااا اذا كان الواحد عنده طفل الايجار 1000 يورو والباص 150 يورو تقريبا والحضانه 1000 يورو والكهرباااء والهيتر تقريبا400 يورو طيب والاكل كم والملابس كم كلن يحط السعر اللي يكفيه بالشهر مع انه المكافاءه 3000 تقريبا وغير الكتب وغير وغير وش رايكم ؟؟؟؟؟؟

والله صادقه من ها الناحيه
احيانا الواحد يجد صعوبه اول ما يوصل ان يجيب مبلغ كبير جدا
خصوصا انه لازم يدفع الايجار مقدم وكذلك التامين

’’’ بالتووووووووفيق للجمييييييييع ‘‘‘

اقتراحك جيد وفعلا المصاريف اللى صرفتها اول ماجيت جدا كثيره ... والحمد الله الوالد وفرها لى
بس مثل ماقلتى مو الكل يقدر يوفر هالمبلغ اول مايجي ... واقتراحك حلو .. اقلها يدفعون راتب اول شهر كمقدم
اتوقع لو فيه احد اقترح عليهم هالشى ممكن يشوفون الموصوع وينفذونه

المكافاه تكفى وانا مع الاخ القيصر
انا اوفر منها كل شهر تحسب لاى طاري وبصرف بنفس الوقت براحتى ...

فعلا (أمل رغم الصعوبات) حطت إيدها على الجرح . خاصة و إن جيتي بعد شهر و مدري وش راح أسوي , أحس إنها صعبة إنتي أنتظر شهر كامل لين تجيني المكافأة و صعبة بعد إني آخذ مبلغ كبير معي

هذا راي جدارائع وانا اؤيده وبشده