مساعدة دراسة الطب في أيرلندا

اهلين

اللي اقدر افيدك فيه ان ايرلندا كدوله مره حلوه.. يعني حقت دراسه مافي شي يلهيك كثير..

اما طبيعة الدراسه للطب فلا اعلم

حتى انا سألت نفس السؤال ومحد جاوبني..
اذا عرفت شي خيوو اتمنى تفيدني..

me too i face a problem with no replying in these questions

وانا بعد سئلت الاسئله هذي ومحد جاوبني ؟

السلام عليكم جميعا ..

شدني الموضوع فحبيت أرد مع إن سفري باقي له شهر تقريبا .

طبعا في البداية أهنيكم كلكم على رغبتكم في دراسة الطب , أنبل الدراسات بعد العلوم الشرعية , و أهم التخصصات على مستوى العالم و أكثرها طلبا بدليل إن قبول الطب قد يكون من سابع المستحيلات في كثير من الدول .

نجي للمهم .. أنا بصراحة خلال الأيام هذي دخلت مواقع كل الجامعات المعترفة من الوزارة و الي عندها تخصص الطب , فلقيت خمس جامعات (مدري إذا كان فيه سادس):

ترينيتي (الأقوى), الرويال سيرجن (المتخصصة بالطب), جامعة دبلن, كورك وأخيرا ليمريك .

بس خليني أعطيكم نصيحة (من واقع تجربة) : أنت الي يهمك المستشفى الي تقدم الرعاية الصحية المتكاملة ابتداءا من البرايمري و انتهاء بالتيرشري حتى تقدر تمارس الطب بأفضل و أكبر صورة ممكنة , فأي كلية طب في العالم تنقسم إلى 3 مراحل أو 4 إذا حسبنا الإمتياز.
الأول : هي المرحلة التحضيرية , إنجليزي لغير متحدثينها , كيمياء و فيزياء و أحياء و أحياء دقيقة و مصطلحات طبية ... إلخ
الثاني : تبدأ تدخل كلية الطب لكن لايزال التركيز على الجانب النظري , التشريح و الفسيولوجي و الباثولوجي و الفارماكولوجي و البايوكمستري ... إلخ

لاحظ معي إن المرحلتين السابقتين ما تختلف معك لو أخذتها من الهند و لا من بنجلاديش و لا من السعودية و لا من أمريكا , هي في النهاية تعتمد عليك و على تحصيلك و مدى مثابرتك و حرصك.

نجي للمرحلة الثالثة : و هي المرحلة السريرية أو الإكلينيكية أو سنوات المستشفى و هي مربط الفرس , و الي أكيد تعتمد على المستشفى الي راح تطبق فيه .

--- أعرف أعرف الحين راح تقولون هذا ليش قاعد يتفلسف وش دخل هذا بالموضوع !!!

الي أبغى أوصل له هو إن دراسة الطب في إيرلندا شيء كبير و مميز و إذا عندك القبول الآن حياك و كلنا راح نوقف معاك , لكن الي ما زال ينتظر أحب أقول له إن البكالوريوس كما شرحت و تعبت فوق إنك تقدر تاخذه من أي مكان معترف و يملك مستشفيات مؤهلة , لأن الطب في إيرلندا إذا جمعته مع اللغة و السنوات التحضيرية و لا تنسى الريسك العالي قد يصل عدد السنوات الي راح تدرس فيها مالا يقل عن 9 سنوات.
يعني وش المانع إنك تدرس هنا باللمملكة خاصة إن التخصصي و الحرس مستشفيات وصلت خدمتها إلى التيرشري و أصبحت سمعتها معتبرة عالميا (و بدون مبالغة), و راح تتعلم و تستفيد و تضمن لك مكان في المستشفى أفضل من إنك تجي من برة بعد 9 سنين و توك تقدم..

و ثق تماما إن كل الدارسين بالمملكة مكانهم ووظيفتهم راح تكون أضمن و أفضل من غيرهم كون الاستشاريين عارفينهم و مكونين مع بعض علاقات قوية , و راح يكونون طبعا مؤهلين لإكمال الزمالة و التخصص في الخارج و أكيد إنك تاخذ الزمالة و التخصص بأسرع وقت ممكن و من الخارج هو الأفضل بدون شك .

أما إذا كنت مخير ما بين إيرلندا و دولة أخرى , فأكيد أمريكا و كندا مفضلتين و لكن و للأسف مافيه قبول للطب في تلك الدول .

عموما أي سؤال أنا حاضر لأني كنت قبل فترة مثلكم و حاس في الي انتو حاسين فيه تماما. و ما عندي مانع نفتح موضوع حول دراسة بكالوريوس الطب في الخارج

و بالتوفيق للجميع

شكرا أخ (( مبتعث إلى أيرلندا )) هل يحتج التوفل للإبتعاث و ككيف تسعة سنوات؟؟ وشكرا على التفاعل