مساعدة هل رفض الفيزا الكنديه يؤثر على الفيزا الايرلنديه؟؟؟؟؟؟؟؟؟؟؟

مرحبا ،،،

اولا لازم نعرف ان كان الله كاتب لك الابتعاث الى ايرلندا راح يتم هالامر باذن الله الحي القيوم

ايرلندا من الدول الاسهل في اجراءات الفيزا بشكل ما تتخيليه، احنا مشكلتنا للاسف ان امريكا و اجراءاتها و بهذلتها عكـّرت المزاج العام

عموما لعل الله كاتب لك الخير و النجاح بايرلندا افضل من كندا والخيره فيما اختاره الله سبحانه،،

انا راح اجاوبك على الاسئلة 3 و 4

3/ بالنسبه للفيزا كيف اسدد الرسوم وكم هي لي وللمرافق؟

الرسوم 360 ريال للتاشيرة نوع (المفرد) يعني خلال ال 3 شهور من ايتعاثك الى ايرلندا لا يحق لك السفر الى السعودية الا بترتيب معين،
او
600 ريال للتاشيرة نوع (المتعددة) واللي يحق لك السفر خلال ال 3 شهور من ابتعاثك

لان الفيزا الايرلندية مدتها 3 شهور فقط ، وبعدها يتم التجديد لك هناك وانتي بايرلندا

السؤال الرابع بخصوص رفض الفيزا، انا دايم انصح بالصدق والصراحة، خليك صريحة و توكلي على الله وراح يفرجها ربك
اكتبي نعم تم رفض الفيزا واكتبي الاسباب واسالي الله التيسير وربك ييسرها.

ولا تنسي دعاء الاستخارة وربك كريم و عسى الله يكتب لك اللي فيه الخير

لو ما فيه اي ختم في الجواز يوريك انه الفيزا انرفضت

حطي لا
موب فاضيه حق الاسئله و ليش
وش دراهم انها انرفضت ولالا
واحد من اصحابي كان معه جواز قديم
وكان فيه سوال هل يوجد لديك جواز قديم كتب لا
الصراحه موب فاضي يجيب لهم الجواز القديم
خلاص الجديد قدامهم ووش دراهم انه معه واحد قديم

انا برأيي اكتبي لا فقط اذا مافيه اي ختم من السفاره الكنديه على جوازك انه رفض
لكن اذا ختموا اكيد اكتبي نعم

وش اللي ما يرتاح ضميري بنيت مستقبلي على كذبة .. !!!؟؟؟!!!

وش المثاليات هذي ؟؟؟

اكتبي ( لا ) .. وإذا قدرتي تكتبين بعدها (ثم لا) حبذا ..

خذي فائدتك من هؤلاء وما عليك منهم ..

صحيح لو بلدنا أو بلد مسلم فيه خير يمكن ..

الله يسهل أمرك ويصلح لك ويوفقك

/ ارسل لي مكتب تجسير اسماء معهدين دلفين و اي اف وكلها في دبلن وانا ابغى كورك وودي ان الملحقيه هي تجيب لي قبولات ايش اسوي اكنسل تجسير وعلى طول ارسل للملحقيه؟
عادي خلي تجسير يجيب لك قبول في كورك وممكن تجيب لك الملحقيه

2/ هل تجيني القبولات مختومه والا من وين اختمها؟
القبول اذا كان من المكتب يجيك مختوم ختم الوزاره وختم المكتب
اما اذا كان من الملحقيه مختوم بختم الملحقيه ومايحتاج اي ختم

3/ بالنسبه للفيزا كيف اسدد الرسوم وكم هي لي وللمرافق؟
الفيزا لكل شخص 360 ريال كيقة التسديد عادي لما تاخذين اوراقك للسفاره خذي معك المبلغ واعطيهم
وخذي معك ايصال بالمبلغ عشان تعوضك الملحقيه بالمبلغ اللي دفعتيه



4/ فيه سؤال في ابليكيشن الفيزا اذا كان قد رفضت لك فيزا ايش الافضل اكتب لا واكون كأني بنيت مستقبلي على كذبه ماراح يرتاح ضميري ، اخاف يدرون اني لعبت عليهم وفيزتي الكنديه قد رفضوها
واخاف اكتب نعم واحط الاسباب ويقوموا الايرلنديين يقلدوا الكنديين ويرفضوا الفيزا
وافكر اكتب اسباب الرفض بس باختصار ((لان كندا حاطين لي 5 اسباب وكلها كذب الله حسبي عليهم ))بس يمكن يسألوا السفاره الكنديه واروح انا وفيزتي فيها <<<<<<<<تكفون ايش اسوي مع الفيزا؟؟؟؟؟؟؟؟

عادي اكتبي لا

هذا انا سويت فيزتي الاسبوع اللي راح وكان في سؤال في الابلكيشن هل هذا اول جواز قلت نعم مع انه مو اول جواز لان ماعندي الجوزات القديمه من وين اجيبها

بعدين راح زوجي الصباح لهم واعطاهم الاوراق مع المبلغ والساعه 2 الظهر اتصلوا وقالوا خلصت الفيزا يعني ماتحتاج الا يوم واذا زحمه ثاتني يوم تطلع

ترا تعاملهم مررررره ذووووق ومتساهلين


ولا تنسي اختي اختاري فيزا مفرده

وربي يووووفقكـ ويسهل لك اموووركـ باذن الله

شكراً للجميع الله يوفقكم ويسمع منكم دعائكم ويختار لي ولكم الصلاح والنجاح