سؤال مهم جداً : أرجو الإجابة من أهل الخبرة فقط (مجرب أو متأكد) تأشيرة الدخول المتعدد.

وعليكم السلام ورحمة الله وبركاته

هذا موضوع لأحد الإخوة هنا وفيه كل التفاصيل عن الفيزا المتعددة وطريقة وشروط إستخراجها
يعني باختصار : راح تجد فيه كل الإجابات لأسئلتك وبالتفصيل أيضاً

وكل الشكر لأخونا aso0o0l كاتب الموضوع

http://www.mbt3th.us/vb/forum124/thread286484.html

بالتوفيق لك

السؤال المهم .. وأرجو التفصيل الممل والإجابة على كل سؤال:

1- ماهي بطاقات الدخول المتعدد؟
هي فيزا متعدده .. يعني لما جيت هنا قدمت على فيزا .. هذي نفس الشي لكن متعددة

2- ما فائدتها؟
تسمح لك تطلع من ايرلندا وترجع بدون ماتقدم على فيزا كل مره .. يعني مثلا نفرض مدة اقامتك سنة كاملة .. خلاص هالسنة بتروح السعودية ثلاث مرات .. تطلع لك فيزا متعدده عشان لما تنزل مايحتاج تروح الرياض

3- لو ذهبت للسعودية وأنت ما طلعتها ماهي السلبيات في ذلك؟
انك بتحتاج تقدم على فيزا من هناك مثلا تروح الرياض ..

4- ماهي الأوراق المطلوبة ( المعهد - الملحقية - البنك ) وما كيفيتها؟
مطلوب الجواز - بطاقة الاقامة - صورتين - ورقة الحضور من المعهد " الاتندينس ليتر" - تروح البنك وتقول لهم ابغى اسوي بنك درافت .. لمين ؟ تقول لهم للامجريشن حق الري انتري فيزا .. بيسآلوك كم المبلغ .. 60 يورو للفيزا السنغل و100 يورو للمتعددة

5- ماهي الأيام التي يستقبلون فيها أو ماهي الأفضل؟
كل يوم وماادري وش الافضل صراحه بس صباحا بدري مره

6- الوقت .. الحضور .. صباحاً فقط أو مساءاً .. أم ماذا؟
صباحا بدري لان الارقام تخلص على الساعة 10 وفي ايام الزحمه ماتجي 9 الا مافيه ارقام خلاص ..

7- أي إرشادات أخرى أو أشياء أنا نسيتها؟
اذا معاكم بيبي لازم ورقة من ال gp وصور للطفل مختومة ..
مدة الفيزا المتعددة حسب مدة الاقامة او مدة الجواز .. اللي ينتهي قبل تنتهي معاه
لو اقامتك 3 شهور وخلالها بتنزل السعودية مره وحده ولا بتروح مكان ثاني لندن او اي مكان .. مايحتاج تطلع متعددة .. سنجل تكفيك

شاكرلك ودايم سباق للخير ..

الله يوفقك .. ويسعدك ..

فعلاً رد رااااقي ومتكااااامل ..

ما خليتي في بالي سؤال ..

أكرر شكري وتقديري .. ودعواتي لك بالتوفيق ..