استفسار ناوية على ايرلندا بس عندي كم استفسار؟

١- كم المكافأة التي تصرف للطالب المبتعث مع المحرم.

2759 يورو مكافاه كل شهر

٢- تقريبا كم اسعار السكن لشخصين(انا وزوجي) في المدن الرئيسية (دبلن وغيرها)

شقه بغرفه وحده يتراوح السعر تقريبا من 800 الى 1000 يورو بس الاغلب تكون ب 900 لو شى مرتب ونظيف
هذا بالنسبه لدبلن وممكن تدورين على شقق باسعار ارخص لكن الاغلب هذا هو السعر

٣-هل اللغة الانجليزية لغة رئيسية هناك

يس اللغه الايرلنديه لا تستخدم الكل يستخدم الانجليش

٤- هل هناك بيئة تعليمية مناسبة.

اذا قصدك على اللغه .... فانا احسن انو الوضع لا باس به ويمكن يكون لاحد راي مختلف

٥- هل بامكاني ارتداء الحجاب الاسلامي والنقاب بدون مضايقات.

الحجاب ( عبايه وطرحه ) ملونه كثير يلبسون اللبس هذا وماشفت اي مضايقات من الناحيه هذي
فيه مجموعه متنقبات بس ماعندي فكره عن الوضع معاهم بس اتوقع انو مافيه اي مشاكل

٦- مستوى الامن (يعني أمنه مثل بريطانيا والا مافي امن مثل امريكا)

انا شايفه الامن كويسه

٧- بشكل عام (هل المكافأة تغطي تكاليف المعيشة )

يس تغطي وزياده ... هذا راي بحكم انى مبتعثه ومرافقى اخوي .. الا اذا كان عندك اطفال فما ادري عن الوضع
راح تحتاجين مبلغ في اول شهر او شهرين من وصولك للبلد لحد ما تنزل لك المكافاه بعد كذا ان شاء الله المكافاه
بتكفيك وزياده

مررررررررررررررررررررررررره مشكوره

بس حاسه انك مو مبسوطه هناك.( مجرد احساس)

عموما الله يوفقك وييسر لك من امرك(والله انك ما قصرتي)

وفري إحساسك ..

البنت مبسوطة إن شاء الله ..

تبغينها تحط سميلات وترد بخفّة






أمزح .. أمزح .. بس بغيتك تصحصحين علشان أبقول كلمتين مهمة ..


الله يجزاك خير على الاهتمام بالنواحي الدينية ..

النقاب موجود بكثرة .. وما فيه أي مضايقات .. بل على العكس أحسن من بعض الدول العربية !

ما أزيد على كلام الأخت إلا للتذكير ..

حاولوا تجيبون معكم في البداية 20 إلى 30 ألف .. للاحتياط .. وكثير ضاق عليهم الحال في البداية ..

الله يوفقكم ..

إذا صممتي .. جهزي أغراض كثييييييييييييييييرة في شنطة ( أواني المطبخ والآلات والقهوة وغيرها ) وإذا وصلتي خلي أحد يدزها لك مع الطيار للنقل ..

استفسار انا بقدم ماستر فيزياء ان شاء الله على ايرلندا...الحين الوزرارة اهي اللي بتجيب قبول المعهد للانجلش هل المعاهد بتكون في دبلن وفي اي منطقة بالظبط اللي عادة الوزارة تتعامل مع معاهدهم ...عشان اذا ان شاء الله انقبلت بالبعثه اعرف وين بيكون قبول المعهد والمدينه والاجواء والمعيشة ..