Galway و ما ادراك ما Galway

فيه سعوديات وسعودين في جولوي وانا اولهم ...وغيري الكثيرررر والكثيرررررر ومنتشرين في انحــــــــــــــاء جولوي ماشاء الله غير اللي مسافرين للسعودية اجازه لاتستعجل راح تشوفهم ان شاء الله

وفعلا منطقة صغيره تلفها في يوم ..وهااادية وهي اصغر المناطق الاربعه (دبلن وكورك وليمريك ثم جولوي من ناحيه المساحه) ,واذا لاحظت كمان فيها كثير بولش يشتغلون في المقاهي والمطاعم بكل مكان احيانا اقول وين اهل البلد من كثرهم ....

الجــــــو هو المتعب في جولوي وبالذات السنه هاذي ماشفنا الشمس كثير ..كله مطر وغيم صراحه للي يجلس فترة طويله يمل من الجو ( لكن ربي لك الحمد على كل الحـــــــال)

هذا اللي في بالــــي الان وحيــــــــاك في جولوي واقامه طيب ان شاء الله

مسا الخير اختي اماني ...انا ان شاء الله بتكون ايرلندا اول رغباتي بالتسجيل بالبعثة المرحلة السابعة وان شاء الله بختار جالوي مكان للدراسة المعهد والماستر ...ابي منك تفديني انا ان شاء الله جاية مع زوجي (دوبنا متزوجين ) من 4 شهور الله لايغير علينا ..المهم بخصوص السكن (شقة ) عندك توصية او راي بخصوصها ووين احسن مكان ويكون قريب جنب السنتر والمعاهد المعتمدة من الوزارة ..يعني وبخصوص المعيشة في غالوي ان شاء الله مو غالية حييل وايش الاسعار هناك بالمواد الغذائية والملابس وغيرها عشان ناخذ فكرة كاملة قبل نجي ان شاء الله ..

الحمدلله على سلامتك اخوي ...ياريت تكلمنا عن خط سير الرحلة من وين طلعت وهل دايركت دبلن ولا في ترانزيت ..ثانيا اول ماوصلت جالوي شنو سويت وين سكنت وشنو الاجراءات اللي سويتها بخصوص السكن والدراسة والملحقية والبنك وغيره ..وشنو الغالي في جالوي ووشنو لازم نجيب معانا من هنا الى جالوي قصدي اشياء ماتحصلها بغالوي وضرورية يعني عطنا مرئياتك للوضع بحيث انك توك واصل وربي يسعدك ..

اهلين اماني .. حيالله اهل الكرم و المساعدة و الله رايتك بيضا طال عمرك و ما قصرتي ابد مع الكل ،

مرحبا منار ... خط السير كان روعه الحمد لله .. طلعت من الدمام على ابوظبي و من ابوظبي دايرررركت على دبلن ... ما اتوقع ان هناك خط سير مريح مثل هالخط
دبلن دايركت من ابوظبي على خطوط الاتحاد ... بالنسبة للاجراءات انا شغال فيها الحين .. الامور سهالات والحمد لله .. و هي كالتالي /

تروح للمعهد تاخذ منه ورقتين من قسم التسجيل .. الاولى عشان تفتح حساب بالبنك و الثانية خاصة بالملحقية
تفتح حساب بالبنك 3 ايام و يتم تفعيل الحساب و 5 ايام و تجيك البطاقة ،
الى هنا انا واقف و للحين ما ادري لكن حسب ما سمعت انه يتم ايداع 1000 يورو على الاقل وبعدها تبدا اجراءات الاقامة
يعني اعتقد ان هناك شغل اول اسبوعين و بعدها الامور تمشي على مايرام باذن الله

اماني يمكن تفيدنا بهالنقطة

سكنت في سكن مؤقت و جاري البحث عن سكن دائم عبر الانترنت

الغالي بجالوي كل شي غالي ان حسبناها بالريال .. يعني اعمل حسابك على ان اليورو مثل الريال

الكوكا كولا عندنا بريال ونص .. هنا تلاقينها بيورو = 5.4 ريال
علبه المويه ام ريال عندنا هنا تلاقينها بيورو و بعض الشركات ب 2 يورو = تقريبا 11 ريال

اذن غلط نحسب الريال باليورو هذا اللي ابيك تفهمه

لاتجيب معاك الا القهوة و الهيل و التمر .. اشوف ان هالاشياء حسب مدة اقامتي غير متوفرة الا ان كان هناك احد يعرف مكان ما

و عموما مازال الموضوع تحت التحديث و راح اكتب لكم عن اول يوم لي بمعهد اتلانتك و هو اليوم هذا و فيه بعض الاجراءات راح اكتبها لكم و بالتوفيق للجميع

أشكرك أخوي

يا أخوان انا أخوكم الصغير محمد عبدالرحمن طالب سوداني ادرس بالسعودية صف ثالث ثانوي
عندي استفسار
بداية انا حلمي اني ادرس الجامعة بهولندا أو ايرلندا

سؤالي اذا سويت الفيزا و كل شيء التسجيل بالجامعة صعب ولا وش الوضع بالظبط

و أشكر صاحب الموضوع مرة أخرى

هلا بك يالغالي
قبل لا تعمل التاشيرة لازم تبحث لك عن قبول لان من شروط الفيزا ان يكون لديك قبول معهد على الاقل
لازم تشوف لك مكتب متخصص او شخص متخصص يوفر لك هالقبول معهد + جامعة

أشكرك أخوي

طيب ماهي أفضل الجامعات و تكون رخيصة بنفس الوقت و كم تكلف رسوم التسجيل و هالشغلات كلها كم تطلع ؟؟

و جزاك الله خير

انا ادرس بمعهد GCI ولي تقريبآآ ثلآث اسآبيع من نآآحية الجو مثل مآآقآآلت اختي آمآآني متعب بسبب الامطآآر تحرمنآآ بعض الاوقآآت من الطلعه ...

وسككآآنه طيبين ويحبووون يسآآعدون الششخخص وغآآليه نوعآآ مآآ ^_* >>يعني جدآآ

عوآآفي ع الطرح

السلام عليكم
حبيت أسأل عن دراسة الانجليزي بالصيف بدبلن و جالواي
هل هو أفضل من أمريكا؟
ما هي أفضل المعاهد؟
هل يتواجد العرب بكثرة في دبلن وجالواي؟

من أفضل الدراسة فيه دبلن او جالواي خصوصا اني راح آخذه بالصيف بس ثلاث شهور؟؟

يا ليت اقتراح معاهد قوية فيها نسبة قليلة من العرب

ويعطيكم العافية مقدماً