مساعدة يا شباب ايرلندا .. عندي استـفـسارات عن دراسة الطب على الحساب الخاص في ايرلندا

July 22nd, 2011, 08:06 PM

السلام عليكم ورحمة الله وبركاتة

كيفكم يا أعضاء مبتعث . انشاء الله انكم تزقحون .

طبعا أولا أحب أهنيكم بقرب حلول شهر رمضان المبارك نسأل الله أن يتقبل منا ومنكم صيامنا وقيامنا وأن يعيده علينا أعواما عديدة.

وبدون ما أطول عليكم انا خريج ثانوي وانشاء الله راح ادرس بكالوريوس طب على حسابي الخاص في جامعات ايرلندا .وفي الايام اللي مضت فريت منتداكم فرفرة لين دخت . بكل صراحه يعيب منتداكم تداخل المعلومات بين اجراءات المبتعثين واجراءات الدارسين على حسابهم الخاص . بصراحه انا تلخبطت واجد خصوصا مع المواضيع القديمه . وعندي اسئله اتمنى القى اللي يفيدني فيها .


أولا : الضمان المالي ما هو ومين يطلبه وهل هو مطلوب على الدارسين على حسابهم الخاص . وأيضا ما هو كشف الحساب لاخر ثلاث شهور ومن يطلبه وممن يطلب ؟


ثانيا : هل لا زال شرط الثانوية الايرلندية على السعوديين ولا صار بداله السنة التحضيري بالعربي أبي اعرف خطوات الدراسة وسنواتها من اللغة لين التخرج بالنسبة للطلاب السعوديين لهذي السنة 2011 وما بعدها

لاني قريت موضوع اخر فمنتداكم يقول ان الملحقية منعتها وصار في السنة التحضيرية اللي هي اظن الفاوندشن اللي يعني بالعربي وش الفاوندشن ماهي المواد ومدى سهولته او صعوبته للي جربوه وهل هناك معاهد توفره وما هي ام الافضل اللي يكون تبع الجامعات واذا توفره الجامعات ايش هي الجامعات هذي



ثالثا : أيهم أفضل في دراسة الطب البشري جامعة ترنتي ولا جامعة مدينة دبلن ولا جامعة كورك من حيث قوة الدراسة سهولة القبول المشروط وهذا اهم شي
علما بأني تعقدت من الكلية الملكية للجراحين لما سمعت من صعوبة القبول فيها بسبب المقابلة الشخصية
وغير هيك ايش رايكم اذا اقدر اجيب أكثر من قبول من الجامعات الايرلندية عشان اضمن اكثر يكون اساسي وواحد احتياط




رابعا : كيف احصل على قبول مشروط اقصد الطريقه والخطوات وذا الاهم لانه اذا حصلت قبول الباقي يهون




خامسا : هل أستطيع الانضمام للبعثة ومعاي قبول معهد لغة ومعهد فاوندشن بدون قبول مشروط من الجامعة لان اكثر الجامعات مشترطين ايتلس وفاونشن ثم يقبلونك
واذا كان ما اقدر ايش رايكم باللي ياخذ قبول اي تخصص عادي ادارة او محاسبة من جامعة دبلن ستي مثلا لسهولة القبول عشان يقدر ينظم للبعثة وينتظر لما يخلص اللغة والفاونشن بنجاح ثم يقدم على الكلية الملكية للجراحين او ترنتي كولج يعني يلعب عالوزارة شوي




سادسا : ايش رايكم بالعينات اللي يقدمون خدمات مجانا انو يوفرون قبولات جامعات ومعاهد لغة وفاوندشن مجانا ويقولك احنا تبع شركة انا أول تعاملت مع سعوديين كثير واستطيع اعطيك ارقامهم تستشيرهم وهيك وهيك . للي مجربين يعني هل يمكن الوثوق بهم صحيح معاهم خبره خطيره بس المشكلة ما يوثق بمعارف النت وانا مرره خايف من ذا النقطة . أخاف ينضحك علي

وغير هيك ايش رايكم باللي يروح لمكاتب رسمية توفر قبولات جامعات ومعاهد وعوائل مثل مكتب ايجك وغيره اللي فالرياض . ما تهمني الفلوس اللي بعطيهم بس المهم هل يوثق بهم ؟؟؟؟ لان لهم سمعة سيئة فالمنتديات الكل يسبهم . طبعا انا دارس على حسابي وبختار المكان اللي ابي والجامعة المعهد والعائلة أبعرف وين المشكلة فمكاتب القبولات للدارسين على حسابهم (( لزوم نفرق بين اللي دارسين ع حسابهم والمبتعثين تبع البرنامج ))


وهذا كل اللي بغيت استفسر عنه ياريت القى في منتداكم الراقي الجواب الكافي

تحيـــــــــاتـي

• نشر عبر تويتر
• نشر عبر فيسبوك
• نشر عبر جوجل