وصلت دبلن والحمدلله .. والوضع تمام ^^ عندي بعض الاستفسارات

وعليكم السلام ورحمة الله
الحمد الله على سلامتك

أتمنى من أحد الاخوان يفزع معك ويتواصل معك عشان تروحون تنهون هالاجرائات

بفيدك بالي اعرفه

- فتح الملف
ادخل هالموقع وعبي وارسل المطلوب
http://www.uksacb.org/index.php?opti...=52&Itemid=161
اجرائات فتح ملف طالب جديد
ولاتنسى تسوي سكان للاوراق المطلوبه وتتواصل معاهم لتتأكد وتحرص عليهم


- تسجيل الجواز في السفارة
بس جيب جوازك وروح للسفارة بدبلن 2 وادخل وهم يعطونك استمارة تعبيها ويصورون الجواز

- الاقامه
ممكن تأجلها لو باقي تاشيرتك ماخلصت لين ماتنتهي من هالحوسه وتتكيق
شوف هالردود
وين موقعها ؟
القاردا بجانب النهر الليفي.. هذا الموقع ع الماب Harcourt Square, Dublin 2 - Google Maps

العنوان
Harcourt Square, Dublin 2

وش الأوراق اللي آخذها بالتفصيل ؟
انا مااخذت الا ورقه من المعهد تطلب للامقريشن وورقة من الملحقيه تسمى
تعريف او حاجه زي كذا بالاضافه الى جوازك وصوره منه و150 يورو طبعا
بالفيزا (اذا معك AIBتمشي عندهم او بشكل عام بطاقة الليزر) ولاتنسى
تحتفظ بالايصال من اجل التعويض
لكن خذ معك زياده للاحتياط ورقه تثبت السكن حقك
وكشف حساب فيه الف يورو واكثر وتجنب الذهاب يومي الاثنين والجمعه بسبب الزحام

وش الخطوات والمحظورات والمستحبات ؟
تعال بدري للامقريشن تخلص بدري
اول ماتخش خذ رقم
ووبس اتمنى مااكون نسيت شي

بالنسبه للهجره

او ماتنزل ع مطار دبلن يعطوك اذا انت بولايه كورك كرت اخضر مكتوب فيه لازم تمر ع الهجره من نزولك قبل 3 شهور

لما تجي تدرس بالمعهد بعد مرور شهر او اكثر عادي مافيه مشكله بس لازم ماتتعدى 3 اشهر

الاوراق هي :

1 _ تطلب من معهدك ورقه للقارد( الهجره) هم يعرفون وعلى طول يعطونك

2 _ تااخذ معاك وصل من بنكك يبين بحسابك تقريبا 1000 يورو( كشف حساب )

طبعا بعد ماتنزل المكأفاه تااخذ الكشف ذا

3 - جوازك وصور منه

4 - ورقه تبين مكان سكنك ( العنوان ) ذي تأخذها من اللي مأجرك الشقه

تااخذ الاوراق معاك

وهناك يصورونك وتبصم

وبعدها تدفع لهم مبلغ ويعطونك فاتوره

( لا تنسى تحتفظ بالفاتوره الوصل عشان ترسلها للملحقيه ويعوضونك المبلغ )

حمدلله على السلامة

خذ الأمور ببساطة ولا تشغل بالك كثير
أهم شيئ تسجل جوازك بالسفارة
وتحاول تكمل المطلوب في بوابة المبتعثين

الرابط التالي راح يفيدك كثير

http://www.mbt3th.us/vb/forum124/thread250366.html

حمدلله على سلامتك اخوي ///

الله ييسر امورك /// رسمه ماقصرت كفت ووفت واي مساعده حنا حاضرين ////

بالنسبة للنت خذ لك كونكت من o2 هي ب40 يورو فيها شهرين استخدام مره حلوه وسريعه واذا ماعجبتك تقدر تردها وتاخذ فلوسك ////

على إي خطوط سافرت

وكم الوزن المسموح به

وكم حقيبة لشخص

آسف ماأفدك بشي لأني أستعد للسفر

على الخطوط التركية .. الوزن المسموح به 30 كيلو .. شنطتي كانت 29 كيلو .. وكنت مقلل من العفش قد ما اقدر ..

كم حقيبة والله مادري .. بس انا كانت معايا اثنين .. وحدة حقت الملابس . ووحدة على ظهري شلتها معاي في الطيارة ..