تقرير تنبيه .

اشكر اخوي القيصر على سعة باله و تفهمه لوضع اخونا عسى الله يسهل امرك و امرنا يا اخوي مبتعث 211

ممكن هناك مشكلة و لكل مشكلة الف حل و حل .. طول بالك انت هنا في مرحلة تعليم و كثير ناس تسافر للتعليم حتى
بالبلاد العربية ،،

لكن انا بودي انك تشوف لك حل و احنا راح نساعدك لو تحب باللي نقدر عليه

فان كان هناك مشكلة فحاول تحكي مع الملحقية و قبلها اسال العلي القدير انه يسهل امرك

و لكن بصراحة كلنا نتفهم غضبك و احنا كلنا وياك ان كان تحب تحكي معانا عن مشكلتك

وصدقني ايرلندا من وجهة نظري اهون و افضل بكثير من بلدان كثيرة

عندك امريكا قبل ما تسافر لهم انواع المرمطة بالسفارات والمطارات و حوسة مايعلم بها الا الله

فالامر مو عام .. اعرف واحد درس سنة كاملة بامريكا و رجع اجازة و لما سافر مرة ثانية لامريكا
طردوه من المطار و هو الحين بالسعودية و عفشه و ممتلكاته بامريكا

واحد ثاني اعرفه كان بامريكا و بنص الليل هاجموه الاف بي اي و حسبوه بالتحقيق 4 ايام
و في خامس يوم قالوا سامحنا اشتبهنا فيك و اسفين!!!!!!

اهله و زوجته و اولاده وش صار لهم بهالخمس ايام؟؟؟

يارجل كل مكان تلاقي فيه المشاكل و المعاناة و احيانا الواحد يقول ليتني بديرتي بكرامتي

لكن ارجع و اقول ايرلندا من وجهة نظري اهون بكثير من غيرها

و لا يهمك ربك كريم و حاول تحل المشكلة اللي صايره له اسال الله ان يفرج همك و هم كل المهمومين

حنا ياخوي معك مو ضدك صدقيني بس كل الي بغيت اوضحه ان كل الطلاب يواجهون صعوبات في التقديم واقسم بالله ولد عمي راح درس بامريكا سنه واستنى قبول ما جاه قبول بجامعاتهم واستنى سنه كامله ومافي اي قبول مع العلم انه شاطر وشاد حيله وبالاخير كنسل البعثه وراح اشتغل بالجبيل ///
صدقني وانا اختك ان الكل يعاني بس حنا المفروض نلجأ لله وندعيه والله بيسر لنا كل امرا عسر مثل ماتفضل الاخ عباد ///

انا كانت الابواب كله متسكره بوجهي وماطق باب الا الاقي صعوبات والله يعلم الي لاقيته // قدمت على ايرلندا من وانا بالسعوديه وكنت راح ادرس على حسابي مع ان معدلي مو كويس والحمدلله جيت ايرلندا وانضميت بالبعثه بعد شهر من قدومي بس بس يعلم الله شقد لجأت لله وكنت ادعيه ليل ونهار ان الله ييسر اموري للدراسة بايرلندا /// ويمكن الاخوان يذكرون لما كنت اجمع معلومات عن ايرلندا /// هنا بنفس المنتدى ///
الاخوان ماقصروا وراحح يوقفون معك /// بس انت توكل على الله ومن توكل على الله فهو حسبه ///

ومن ناحيه الحجاب وقسم بالله لو تسمع المشاكل الي بامريكا كيف يعاملون المحجبات والمسلمات هناك ماتتخيل وبنت خالي وحده منهم وقسم بالله تقول انهم يمشون وراها ويقولون كلام بذيء عليها ويتفلون عليها قسم بالله تقول ان ترجع البيت يوميا تبكي كررهت حياتها بامريكا ////
وهذا امتحان من الله عزوجل عشان تمسك بدينا اكثر ///

واسفه ان طولت عليكم //// واسفه ان غلطت بكلمه او شيء

طيب ياخوي ليه ماتجيب لك قبول في الدولة اللي انت تبغاها
بعدين ارسل القبول للملحقية ومستحييييييييييييييل تقول لك لا
اكيد حتحولك على ذي الدولة خصوصا انت ماعندك قبول الا فيها وماعندك هنا قبول
لاتندم على مافات دور على قبول من الان في اي دولة وسوي كل الي تقدر عليه مو تجلس تتحسف
ولاتفكر تحول على دولة وانت لسى ماجبت قبول لانو فرضا حولت ونفس الشي مالقيت قبول هذا اذا حولوك اصلا
بس بعد ماتجيب قبول من اي دولة ماحد يقدر يعقد اجرااءات تحويلك حتى لو اضطريت تخاطب الوزير بس تكون حجتك قويه
الله يكتب لك الي فيه الخير

لاتعليق صراحه

احترم الاعضاء كي تحترم

معقوله عقليه مبتعث هذي ّ!!!

أشكر تفهمك لردي , وأشكر تفهم الإخوة لموقفك ..

أزيدك من الشعر بيت ( مثل ما يقولون ) ..

أنا الحين أكلمك وأنا مبسوووووووووووووط ولله الحمد .. لكن أول ما جيت ( يشهد الله ) كرهت نفسي وكرهت اللي حولي وكرهت الحياة , ولولا إن رجوعي يترتب عليه تحطيم لآمال وطموح وأمنيات أشخاص أنا ( مرافق لهم ) لرجعت لبلدي بلا عودة !
حتى أنني كتبت أكثر من ثلاث قصائد ( حزينة ) .. وطوييييلة تصل إحداها إلى خمسين بيت .. كله من الهمّ والحزن والغيض والفيض .. منها ( القصيدة الفكاهيّة المشهورة عند بعض المبتعثين ) :

على درب اللوس نمشي
ولا ندري عن الماشين

قطعنا شارع اوكانال
لهنري شارع الغاوين

في دبلن شفت شيٍ ما
أظنه يارفيقي زين

بناتٍ في سبعطعشر
وورع ما وصل عشرين

مصاليخٍ مفاصيخٍ
وبسم الحب هم لاهين

...... الخ

(( وبعد عدة أيام زدت أبيات مدح وتفاؤل وسعادة ووناسة .. ))

حتى إن الكثيييير طالبوني بتنزيلها في اليوتيوب , لأنها تحكي هم المبتعثين في إيرلندا ..

خلك متفائل ..

ههههههههههههههههه جووك رآآيق يآ عباااد ..

والله ضحكتني .. ^^

عساك في دبلن بس ؟!!

خلنا نشوفك هالايام ..

الإخوة الكرام والأخوات الكريمات
كل عام والجميع بخير وتقبل الله منا ومنكم
الحقيقة قرأت هذا الموضوع والموضوع المرتبط به لأكثر من مرة والحال ما بين حزن على أخينا صاحب المشكلة وما بين عتب عليه أيضا ...
الحياة لا يوجد بها سهل ولا يوجد بها المستحيل
ولن تجد ما يرضيك ويشبع رغباتك في مكان واحد
والمشاكل موجودة بكل مكان بالعالم
----
ساحكي لكم قصتي وليست قصة احد اخر :
أنا أحد المبتعثين لدرجة الدكتوراة وأعمل محاضرا بإحدى الجامعات السعودية وخدمتي قاربت ال15 عاما
حاليا بمرحلة اللغة والعمر قارب الاربعين وهول المصيبة ان جامعتين من اعرق الجامعات لا تحمل تخصصي ولكن الأمل بالله دائما كبير ... من اول يوم حضرت هنا الى دبلن وأنا في مراسلات مع اعضاء هيئة تدريس لامكانية ايجاد قبول ومن فضل الله اسفرت عن امل كبير في القبول ولكنه لم يتم بعد .... المقصود كن جادا في هدفك الذي اتيت إلى هنا من اجله .
اما بخصوص المشاكل والمضايقات فوالله العظيم تعرضت وعائلتي واطفالي لمواقف لا يتصورها عقل بشر في مكة المكرمة وانا من اهلها - تخيل مضايقات في بلد الله الحرام ... فما بالك هنا ؟؟ إذن المشاكل لا يمكن التنبؤ بها والله وحده هو الحامي ولكن يبقى هناك اختلاف في ردة الفعل الشخصي وكيفية التعامل مع الموقف ...
وهنا تعرضت لموقف سخيف وظريف في ذات الوقت من مجموعة مراهقين وكان التصرف بفضل الله ان جعلهم يستحون على انفسهم ويغادرون ...
بعد هذا اخي الكريم :
أتمنى ان تتوجه دائما الى الباري الكريم ان يتولاك بكنفه وان ييسر لك الخير وان تبني قراراتك على رؤيتك وكلام من تثق به اما منتديات الشبكة فما هي الا اجتهادات تحتمل كل النتائج فمنهم المصيب ومنهم من يتسلى بفلسفته ... لذلك انت من يقرر وانت من يلام ولا تجعل هذه العقبة طريقا مسدودا امامك لأنك (قد) تتسبب من خلالها في إيجاد عقبة دون ان تدري لمن سيقرر ان يأتي هنا إلى ايرلندا ...
اسأل الله العظيم لي ولك ولك اخواننا واخواتنا التوفيق وتيسير الامور .
ونحن معك في معضلتك ومع كل أخ لنا من البلد الغالي على قلوبنا فلا تتردد ولا تقفل أبوابك بيديك وتبقى أسيرا للماضي
توكل على الله من الآن وثق بالواحد الأحد واغفر لأخيك هفوته فقد يكون غير ذي قصد كاجتهاد منه لا اكثر .