تقرير تنبيه .

حتى الان لم تذكر اي سبب على كرهك لايرلندا؟

والقبولات في كل مكان لها شروطها
عندك ايلتس بدرجة معينة و شهادة بدرجة معينة

اذا ماعندك هذه ليست مشكلة ايرش
هذه مشكلتك يا اخي

ايرش حول الى بريطانيا لانة حصل على قبول هناك

عادي في واحد حول من كندا الى ايرلندا لان قبولة جاء في ايرلندا
وناس تحول من كندا وامريكا الى الهند لانهم لايجدون قبولات فيها (اخوي هناك في الهند ويخبرني عن ناس يجون من امريكا تحويل الى الهند)
يعني كونة حول الى بريطانيا هذا امر طبيعي

وبعدين الوزير قال فية تحويل وخصوصا لطلاب الدراسات العليا اذا ماعطوك قبول هنا وجبت لهم قبول من اي دولة اخرى

بكل صراحة هذا رأيك وانت اول واحد في حياتي كلها اشوفة يقول هذا الكلام
لكن لاتخرب على غيرك الي يبي يجي ايرلندا

ياخوي استهدى بالله ومالاداعي هالكلام /// كله بيد العلي القدير /// يعني لو لك نصيب بتاخذه هنا او هناك ///
والله الكل يعاني من القبولات وتعصب الجامعات //// انا عندي ولد خالي بكندا يقول جامعات كندا صعبه جدا القبولات فيها ومن اصعب المدن والله يقول لي المفروض تحمدي ربك انك بايرلندا ///

بس ياخوي الافضل انك ماتدعي على احد /// ولاتلوم احد //// استقبل القبله وادعي ربك ان يسهل امرك هنا او باي بلد بس لما تدعي على الناس كذا كيف تبي الله يوفقك ///

وان شاء الله راح تحصل قبول كل الجامعات لديها شروط ومو غلطة ايرش او غيره لما ما تكون مطابق للشروط ////

وبالنهايه الله يوفقك وييسر امرك

أريد أن أخبرك بشيء ..

أنت ..

وكل من مرّ على كلامي هذا ..

في كل أمرٍ لك .. قُل:

(( اللهم لاسهل إلا ما جعلته سهلا , أنت تجعل الصعب إذا جئت سهلا )) ..

والله .. والله .. والله , لا أذكر أني قلته في شيء إلا سهله الله وفتحه فتحاً مبيناً ..

أقدر ما أنت فيه ..

ولا ألومك ..

ولا يحق لي ولا لغيري أن نلومك ..

لكن ..

أحبب لأخيك المسلم ماتحبه لنفسك , وتذكر هذا الدعاء ..

وستدعو لي ..

اليوم بالتحديد .. قرأت الدعاء .. وسهل الله لي أمر متعقّد من ناحيتين ..

وكان معي أخونا العضو هنا ( شلفنطح ) واسألوه

ليه ياحبايبي ؟ دخول الحمام (ايرلندا ) زي الخروج منها .
بالنسبة لكلام القيصر مدري كسرى الفرس من ضمن الأسباب القبولات الزفته هاذي ماتكفيك . ؟؟؟؟ ولا لك كلام ثاني ؟؟ وكذالك تعامل الملحقية وتشديد هشام خداوردي على الطلاب الي يبغون يدرسون سنة تحضيرية للبكالوريوس ، طالب منهم خمسة ونصف ، بينما المعهد يطلب في الأصل خمسة . ؟؟؟ مايكفيك هذا ؟؟؟ الأشخاص الي كانوا يمدحون ايرلندا على أنها أجمل بلد ، طلعت ياشيخ انت وياه أحقر بلد ؟؟؟ قالو ايش قال بلد محافظ يارجال ، اعلم أن التدين اذا كان على خطأ هذا يعتبر جهل فمابالك بديانة بنصرانية يالمتحذلق ، قاعد تنصحني يالقيصر 2 ؟؟؟ يعلم الله اني نصحت خمسة من الطلاب انهم مايجون ايرلندا وراحو امريكا الله يسهل عليهم ؟؟ انك تدرس في معهد يالمتحذلق سنة يكون تابع لجامعة في امريكا يأهلك انك تدخل الجامعة بينما هنا في دولتك الزفتة يالي قاعد تجامل الناس لو تدرس عندهم ثلاث سنين مادخلوك الجامعة ، السرقات الي حصلت لكذا واحد من النيكرز ؟ هذا أليس سبب كافي ؟ ان بنت محجبة يتجمعون عليها كذا شخص يسألونها ليش تلبسين كذا ؟؟ يتفلون على الأرض بعدين يمشون ؟ القاردا الي نايمة في العسل الشرطة الإيرلندية ؟ الي ماتدري وين الله حاطها ؟ كل هاذي ماهي أسباب كافية ؟؟ بعض التخصصات ياأوادم غير موجودة هنا ؟؟؟؟؟؟ مثل تخصص المحاسبة ؟؟ التعقيد الي صاير للمبتعثينا ومبتعثاتنا بخصوص بعض التخصصات بحيث مايسمح لهم يدرسون ماجستير الا بعد سنة تحضرية للتخصص مع العلم ان البكالريوس حقهم هو نفس التخصص ؟ لكن استعقاد الجامعات . كل هذا كلامي للشخص المدعو القيصر2 بالنسبة لكلامك اني ماخرب الي يبغى يجي ايرلندا فأقولك أقل شي أبرئ ذمتي مو امدح شي غير حقيقي ؟؟؟ قاعد
تقولي القبولات في كل مكان ؟ ؟ ياشيخ اذا انت تستهبل تكلم ولا اسكت . أنا لاألوم الناس الي مدحو ايرلندا علشان اني ماحصلت قبول
فقط مع أن هذا أحد الأسباب لكن على الجو الي عيشونا فيه على أن ايرلندا بلد جيد للطلاب الأجانب ؟؟ بالنسبة اذا الشروط مانطبقت علي ، صدقني فيه ناس اعرفهم منبطقة عليهم الشروط لكن لأن الجامعات الإيرلندية بشكل عام ليست لها خبرة مع الطلاب الأجانب خاصة الي لغتهم الإنجييزية ليست هي الأم ، ليس لهم تجاوزات معهم مثل الجامعات البريطانية والأمريكية . وأتحداك في هاذي يامادح لي ايرلندا .

بالنسبة للأخ عباد يعطيك العافية على كلامك الجميل وأتمنى من الله تيسيير الأمور .
بالنسبة للأخت نور ، انا عارف ياشيخة انها ماهي غلطة المدعو Irish لكن صدقيني كلامه وكلام أمثاله مظلل . بالنسبة ان الشروط مانطبقت علي .. يعني بالله عليك تبغين تقنعيني لو انا ادرس برافي بريطانيا ا و امريكا ماتلقيني دخلت جامعة الحين ؟؟؟ الجامعات هنا معقدة لاتقعدين تتفلسفين الله يهديك علي .

الله يسعدك ويسهل امرك ع التنبيه

؟؟؟؟؟؟؟؟؟

على العموم يا اخي رأيت اشخاصا كثر يمدحون الدولة
ورأيت البعض مستأء من قلة الترفية فيها فقط
اما انت اضن انك لك وضع خاص وما اعرف وش الي صار لك هنا من مشاكل

لكن الله يعينك

أولاً أسأل الله أن يبلغنا وإياكم شهر رمضان

يجب أن يتم توضيح الأمور من ناحية القبول والصعوبات التي تواجه الطلبه بشفافية تامه ويتم مناقشتها بحياد. كلنا علينا مسؤليات ويجب تحمل عواقب قراراتنا. اخي مبتعث 211 أرى أن مسألة إعتمادك على قراءة رد أو مدح شخص ما في تحديد مصيرك خطأ جسيم وأنت تتحمل عواقبه. مشاركاتك في المنتدى لاتتعدى ثلاث وإختيار قرار مصيري كهذاا يلزمه البحث والتأني في إتخاذ القرار وجميعنا هنا نتكلم من واقع تجارب شخصية ولا نعلم أحوال وظروف الآخرين. انصحك بالبحث عن حل بنفسك لمشكلتك وعدم تضييع وقتك في الإنتقام من أشخاص ذكرو تجاربهم الشخصية ولم يطلعوا على ظروفك الخاصة.

مع الأمنيات لك بالتوفيق

انا معي دبلوم تقنيه

حاولت اعادل بامريكا مسكوني الباب حاولت مع كندا نفس الشي

قلت ياولد ايرلندا خاطبت اربع جامعات وخلال اسبوعين ردوا علي جامعتين سنه انجليزي و سنتين تخصص

الحمدالله نعمة كريم الحين انا على وشك القدوم بعد رمضان مباشره

علما ان عمري تجاوز ال 30 عاما

ومعدلي في الكلية التقنيه مقبول

ما اعرف بالضبط وين في كليه في العالم تستقبلني مثل ايرلندا

حتى الكلية التقنيه بالسعوديه حاولت اكمل عنده بكالريوس ثلاث سنوات وكل ترم 18 الف ريال قالوا معليش انت خريج قديم ومعدلك سيء

ما استقبلوني شلون تقولي ايرلندا سيئه بالقبولات

انا الي الان ما رحت هناك اعطوني قبولات ورحبوا فيني بدون لا مكتب ولا بطيخ كلمتهم براسي عبر الايميل والهاتف وتجاوبوا معي

يعني الحين بتقنعي انهم لما اروح لهم بيجحدوني مثلا ....!!!

اخي اتمنى ان تترك الاخرين في حالهم اذا الانظمه او بعض السيئيين تعرضوا لك او وقفوا امام طموحك هذا الامر يخصك انت

لا تتحامل على الاخرين فالقرار بيدك اولا واخيرا وانت من تتحمله

الحين انا استقلت من عملي ورايح ايرلندا وما اعجبني الوضع بجي هنا وادعي على ايرش والا القيصر والا نور والا فلان وعلان

ما يجوز هذا امر كتبه الله لي والحمدالله على كل حال

الحال يختلف من تخصص لتخصص

اغلب الي اعرفهم ماخذين ايرلندا محطه بيخلصون اللغه وبيحولون

فيه صعب قبولاتهم ولا لقوا
وبعضهم بس بيحولن لان البلد ممله ويبون دوله كشخه !