مين يقدر يفيدنا عن جامعة ليميرك!!!!

والله للأسف ليست عندي معلومات كافيه ولكن احدى الطالبات من اليابان كانت قد حصلت على قبول من هذه الجامعة فتم نصحها من قبل استاذتين ايرلنديتين بالسكن في محيط الحرم الجامعي ولا اعلم السبب في ذلك
ارجوا ان يفيدك الأخوة والأخوات اكثر
دمت بخير

للتوضيح ماسبق كان في ايرلندا قبل شهرين تقريبا*

إذا كانت ( في شمال إيرلندا ) فالمنطقة ليست آمنة (( لا تتخيل مصاصين دماء )) .. فقط خلك حذر شوي وأخرج أوقات الدوام وفي ساعات اليوم الآمنة ..

وبإمكانك تسكن في مكان آخر , والباصات زي الورد ..

لست متأكد هل هي الجامعة أم لا .. لكن الشمال كله لك عليه ..

وما دام إنك ( رجل ) وما معك عايلة .. خلك مع الماشين وتوكل .. مافيه إلا العوافي ..

(( أكرر .. لا تتخيل خطورة كأنك في قويزة ولا منفوحة ولا مدري وشهي .. بس هذا للعلم )) ..

أقصد شمال دبلن ..

عافكم الله ياجماعه،،،،، بس للمعلوميه الجامعه في جنوب ايرلندا....افهم من كلامكم انها امنه ان شاء الله؟؟؟

فيها طلاب سعوديين ولا لا؟؟؟

السلام عليكم
انا انشالله معاك في سبتمبر القادم سوف ابدء الدراسة الاكاديمية في ليمريك وقمت بالحجز في في سكن في الحرم الجامعي لحاجةً في نفسي
مرة واحدة رحت المدينة من محطة القطار الى الجامعه لم اتجول كثيرا في المدينة
عن الجامعة كان كبيرة جدا وجميلة والسكن فيها رائع
المدينة تحمل سمعة سيئة انها لعصابات ولكن عندما ذهبت سألت 3 اشخاص التاكسي اللي وداني واللي جابني وشخص باكستاني
كلهم قالو فقط تحمل سمعة سيئة ولكن ليست بهذا السوؤ يوجد بعض العصابات ولكن في اماكن محددة سموها لي ولكن للاسف لم احفظها لاني لااعرفها ولكن نصحوني بالسكن في الجامعة فهي تحتوي على 4 قرى سكنية مؤهلة ورائعه للطلبة
هذا الموقع لسكن الجامعة
Welcome to the University of Limerick - University of Limerick

اذا حبيت تسكن في المدينة هذا موقع
اختار الاقليم ليمريك والمدينة ليمريك
Search for Property to Let, Rent Houses and Apartments in Dublin, Cork, Galway, Limerick and around Ireland


اي معلومات اخرى تبحث عنها انا ايضا ابحث عنها اتمنى اي شخص في ليمريك يعطينا تجاربه
وشكرا

امنه ان شاء الله وفيها طلاب سعوديين

ياجماعه انا سكنت في اخطر مدينه في امريكاااااا

والحمد لله ماشفت فيها اي ش.... ،لكن الاشاعات تلعب دور.

ان شاءالله نلتقي بالجامعه،،، وآنا متفائل كثير من الجامعه ،،و السكن....انا جاي مع زوجتي وراح اسكن داخل الحرم الجامعي.

انا درست فى جامعه ليميرك واخذت فيها كورس مدته شهرين فى اللغه بشكل عام فى صيف 2008 الجامعه من احلى مايكون ومدرسينها زي العسل والمنطقه جدااا امنه لكن نصيحه لا تتجولون فى اليل كثير لانهم كانو دايم ينبهونا فى الكلاسات على ذي النقطه مع اني كنت امشي مسافات فى اليل من الجامعه للسكن حقي عند العائله تقريبا مسافه 35 او 40 دقيقه مشي تخيلو ...!! وهذا الكلام بعد منتصف اليل على 1 او 2 والله كنت مجنون ههههههههههههههههههه لكن ورب البيت مع جوهم الخيالي والامطار الخفيفه الي كانت تنزل والبراااد ماكنت احس بالمشي يازين بلادهم الله يرزقنا الجنه قولو امين بس حمد الله ماواجهت فيها اي مشاكل المدينه بشكل عام خضراااااااااء جنــــــــــــه والله ثم والله ثم والله يا انها تسر النظر سبحان من خلق فى كل مكان حديقه وكل شى عندهم اخضر فى اخضر والجو دااااااااااائم غااائم مع هطول امطااارمتقطعه تروح وتجي , المواصلات فيها من احسن مايكون قطارات وباصات وتكاسي بس تجنبو التكاسي لانها غاليه وبالعداد بعد , لكن يعيبها الاكسنت حق اهلها مرررررررره ثقيــــــــــــل يالله تفهم منه يبغالك تفتح اذانيك مضبووووووووط خاصه شيااابهم كنت اعاني معهم بس كلهم طيبين وبالنسبه للمعيشه فهي غاااااااليه لان العمله حقتهم يورو ,اتذكر اني توهقت مره من المرات فى الفلوس بس اهلي اسعفوووني والله الحمد ...

وبالنسبه لاماكن الترفيه فيها اتوقع المتزوجين راح تعجبهم كثيييييير لانها هادئه وعائليه حتى النايت كلب عندهم معدود على الاصابع اتذكر مو مره كثير بس باراات الشرب عندهم زي البقالات عندنا فى كل محل لانهم شعب معروووووووووووف بحب الشرااب طوال الوقت مو بس فى اليل...!!! هذولا يصبحون ويمسيون على الشراب اكرمكم الله والقارئين ... وبالنسبه للسعودين ما اتذكر اني قابلت الا واحد متزوج مع حرمته ومتواصل معه من ذيك الايام وسبحان الله طلع حربي مثلي ههههههههههههه لان ذيك الايام مافكو عليها ابتعاث اظن او كانت مقفله بس الحين بدا الطلب عليها كثير اشوف خاصه مع انها بشكل عام ايرلندا خضرااااااء وجاذبه لنا كعرب وكسعودين بشكل عام لاننا ندور مثل هالاماكن ...مدري اذا كان فى شى ثاني ماذكرتو ...؟؟
..

اي استفسار ثاني انا حاضر ..

اخوكم بوعابد