هل ايرلندا غااااااااااالية فعلا والا المكافأة تكفي وتزيد سؤااااااااااااااااااااال؟؟

فديت ذوقك اخوي انا ان شاء الله جاي اذا طلعت نتائج القبول زوجتي مقدمة ماستر ونسبتها رائعه الحمدلله واوراقها كاملة يعني اذا الله وفق وقسم لها القبول ان شاء الله بعد 6 شهور على مااسمع يستغرق الموضوع بين تدقيق وقبول وملتقى وفيزا على شهر 2 ميلادي او 3 ان شاء الله اذا احتجنا اي شي ماراح نستحي لانك مبين انك ابن اصل وفصل واخلاق عالية ربي يسعد ايامك ولياليك ان شاء الله

بعض الطلاب مسكين يجي للبعثة ويمرمط نفسه واللي معه علشان يقول اني عايش كلاس وهو يزعج الملحقية علشان 50 يورو

لاحول ولاقوة الا بالله العلي العظيم الحين صار ابداء الرأي قذف ! ههههه اول شي ارجوك ان تقرأ الجملة في سياقها انا لم اقل له تكذب بفتح التاء وسكون الكاف والباء انا قلت (تكذب وتستهجن ياريت تركز في سياق الجملة بدون ان اضع تشكيل اللي يفهم لغة عربية يعرف يقرأها) تكذب بضم التاء وكسر الذال وفهمك كفاية .

مع كل احترامي لك اخوي القيصر ردودك ومواضيعك الخاصة بالمكافأة وتناسبها مع الغلاء في ايرلندا اجدك دائما تكذب او تستهجن من يقول ان المكافاه لا تكفي لماذا ..؟؟؟ انا والى الآن لم اذهب الى ايرلندا بس بحكم مااقراه عن مشاركات ومواضيع الاخوان والاخوات انها فعلا غالية يااخي يكفي اجار الشقة من 1000الى 1200 يورو (ماقلنا غرف كبيرة وموقع جبار ب1600يورو) طيباذا واحد متزوج والا وحده جاية مع اخوها او ابوها وبياخذون شقة شلون تكفي بالله ؟؟ اذا 1200 يورو حق سكن بس ماابي احسب الباقي كل يوم 3 وجبات وجوال وكمبيوتر وفاتورة كهرباء ومواصلات وملابس وغيره (الكويت يعطون المبتعث بدل سكن وبدل ادوات مدرسية وبدل ملابس مدري شنو البدلات توصل الى 1000 يورووشويةغير المكافاة طبعا وهي فوق 2000يورو ) موجايبها من عندي روح موقع الابتعاث وشوف المكافآت) ..يعني معقولة الكل يشتكي من قلة المكافاة مع غلاء ايرلندا الا انت ؟؟ الا اذا كنت عازب وساكن مع عائلة ممكن تكفي اما متزوج اسمح لي وشوف آخر مشاركة للاخ العزيز عباد وغيره الكثير ..انا شفت واحد من الشباب مبتعث في بريطانيا وساكن في مانشستر والله ان قال لي ان بريطانيا ارخص من ايرلندا بكل شي يعني ايرلندا تقريبا من اغلى البلاد في العالم ان لم تكن الاولى عالميا في الغلاء . لذلك يجب ان تتناسب المكافاة مع الغلاء والرخص في كل بلد ..

الدوله ماحددت المكافاه الا وهي تعلم تماما انها تكفي ...

الدوله ماقالت لنا روحو للسينما واتمشى ياحبيبي واكرم ضيوفك على حسابنا .. عجبي~

شي واحد فقط فقط فقط اللي متأكد انه لابد ان يخصص له بدل (اللي هو بدل حضانه للأطفال)

نحمد الله ع الخير فغيرنا يحلم بعضوية البعثه...



ملاحظه :

للأسف المنتدى صار مقزز بشكل رهيب حتى اني اكاد اجزم ان العقليات هذي ليست عقليات مبتعثين أصبح العضو يراقب كل كلمه ع العضو الاخر وكأننا نتصيد الأخطاء على بعضنا ونقعد نتشمت (مثل ماشاهدت بإحدى المواضيع)؟؟

اضف الى ذلك كمية السب والشتم ..!!

هذا مما ينفر الاعضاء المميزين عن الابتعاد عن المنتدى وبالتالي اخواننا من الدفعات القادمه من يساعدهم ويرشدهم.؟.(صوره للأخ أمين - مدير الموقع -)..