هل ايرلندا غااااااااااالية فعلا والا المكافأة تكفي وتزيد سؤااااااااااااااااااااال؟؟

اخوي انا ذاهب بحول الله تعالى بعد رمضان مباشره

وكلامك جميل ورائع وحسب معلوماتي القليله ان الامور طيبه من ناحية المكافاه وخاصه ان الترفيه ليس بذاك الزخم كما في بعض الدول

مما يجعل الدارس على علاقه وطيده مع دراسته بعيدا عن الاسباب التي تؤثر على مسا رتعليمه

واعتبرها نقطه ايجابيه تحسب لمن يريد الدراسه بايرلندا

واتمنى ان يتفاعل القدامى مع موضوعك لإثرائه وسأتابع معك تجارب الاخوه

نورت الموضوع اخوي فهودي وان شاء الله يتجاوب الاخوة والأخوات اللي سبقونا الى دولة ايرلندا ويثرون هذا الموضوع بتجاربهم وخبرتهم هناك .

السلام عليكم
هي تكفي لكن لا تزود
وتختلف بإختلاف الاشخاص ومقدار صرفه على الطعام والأدوات واللباس
وحسب قيمة ايجار شقتك هناك من يرغب في حي راقي فيكن تاجيره غالي او متوسط او قليل وهكذا
حسن التدبير والاقتصاد خصوصا عند بداية القدوم هي من تكيف الشخص وتجعل من مكافأته تكفي

سأكتب رد بالتفصيل في وقت لاحق .. بروح اجهز الفطور

انا بالنسبة لي اشوف المكافآة تكفي .. وتزيد شوووي
انا وزوجي .. كنا اول ٤ شهور تجي نهاية الشهر مايبقى عندنا شي بالمرة
بس بعدين صرنا اول ماتنزل المكافآة نشيل منها ٣٠٠-٥٠٠ يورو على جنب .. ونصرف من الباقي
مع العلم ان احنا مسرفين
عموما .. السكن / كنا ساكنين ب دبلن ٢ .. تقريبا ١٠ دقايق للسيتي سنتر وعلى خط اللويس .. شقتنا كانت اقل من المتوسط ب ٩٧٥ يورو الشهر (طبعا بنفس السعر راح تلاقي احلى لو رحت ابعد)
النت / نستخدم برودباند .. نشحنها ٤٠ يورو الشهر " بحكم ان عندنا كمبيوتر واحد "
التلفون / ٤٠ يورو .. ٢٠ انا و٢٠ زوجي .. احيانا اكثر احيانا اقل
المواصلات / عادة مشي .. ساعات باص او لويس .. بس مايكلف هذاك الشي .. وقليل استخدامنا له
السينما / نروح تقريبا كل اسبوع .. يكلف حوالي ١٨-٢٠ يورو الاسبوع .. يعني تقريبا ٨٠ الشهر
اكل / ناكل من مطعم تقريبا ٣ مرات في الاسبوع .. المرة الوحدة مو اقل من ٢٥ .. باقي الايام نطبخ .. والاكل هو اكثر شي نصرف عليه ..
ماعندنا غاز في الشقة بس الكهربا / تجي بين ١٥٠ - ٢٠٠ كل شهرين .. في الصيف اقل شوي وفي الشتاء اكثر " خصوصا لما صار عندنا بيبي وصرنا نشغل الدفاية طول الوقت وصلت الفاتورة قريب ٤٠٠ "

هذا اللي في بالي حاليا لو في شي ثاني لا تتردد

نصيحة / قبل لا تقررو قرار نهائي تجو ايرلندا .. خصوصا لو كنتو ماستر .. تاكدوا ان تخصصاتكم موجودة لان التخصصات هنا قليلة والجامعات قليلة .. فانتبهو من هذي النقطة

وبالتوفيق للجميع

اختي رسمة فطورا هنيئا ان شاء الله والله يتقبل منك ..وترى ناطر مشاركتك بالتفصيييييييييييييييييييييييييل

ودي أكتب كثيييييييييييييييييير .. ومتفهّم رغبتك في التفصيل والإسهاب ..

عن نفسي .. أحس إني توفقت الحمد لله في السكن ..

معقول 1090 غرفتين وصالة كبيرة .. نظيفة وواسعة وآمنة ..

المواد الغذائية تختلف أسعارها من محل لمحل .. صعب التفصيل ( تخيل : تشتري عصير من سبار بـ 4 يورو = حوالي عشرين ريال .. تخرج من سبار وتجد نفس العصير بـ 1,5 يورو = 8 ريال تقريباً ) هذا مثال .. ويوجد ما هو أغرب منه !!

عموماً الأسعار غالية جداً .. لكنك تقدر تمد اللحاف على قد الرجول ( كما يقولون ) ..

العزوبي يعيش ( ملك من ملوك الدول النامية ) ..

اللي معه زوجة فقط بيعيش أمير 110 ..

واللي معه زوجة وطفل يعيش فقير وحزين ..

واللي معه ثلاثة أطفال يعيش فقير ويرجع مديون ..

واللي معه زوجة وأربعة أطفال ( يموت أحسن له ) ..


ما عليك من اللي يقول غير كذا (( هذا ليس نبذاً لآراء الغير )) ولكن من عاصر التجارب وعاش مع نفسه وأهله وجيرانه .. ولف دبلن ودار .. ليس كمن يتفلسف خلف الكيبوورد ..

والله لست مسرفًا .. وأيضاً لست بخيلاً .. ((( تخيّل إني نشبت في دبلن وكدت أن أبقى بدون سفر .. إلى أن اضطررت للدين ))) .. وفرجها الله ..

عموماً ..

اجمع بين ( تناقضات كلامي ) وحاول التوفيق بين ما أقوله .. فأنا أعلمك أني أتكلم مع شخص عاقل ..

أوجز الموضوع في كلمات :

نحن أتينا لنحمل همّ العلم واللغة .. وليس العيش والسكن .. ومطارد الملحقيّة ( تكفون عوضونا .. ) ويتهربون ويضعون العوائق ويسنون القوانين ( لكي لا نزعجهم ) وهو حق من حقوقنا .. رزقناه الله وسخر لنا أبا متعب ورجال فيهم خير ..

فيه مثل مصري قديم يقول : اللي رجله في الرمضا مش مثل اللي رجله في الميّ ..

تحياتي ..

روحي ياشيخة ربي يوفقك على هالمعلومات الطيبة والله يوفقك انتي وزوجك ان شاء الله

اهلين بأخوي عباد تسلم ايدك على مشاركتك وتوضيحك لبعض الامور المهمة لنا والله يرزقك ان شاء الله ولا تحتاج الدين ابداااااااااااااااااا.