دبلن 1 او 2 او 4 او 8 او14 او 18 ماهي الافضل الامن الفخامة الاسواق الحدائق الترفيه ؟

في رأيي دبلن 8 الأفضل الأأمن ،اغلب اللي فيها عرب وجاليات مسلمة ،وفيها الهيئة الإسلامية بإيرلندا ومسجد دبلن(اقدم مسجد بإيرلندا)
نطلع بوقت متأخر والحمدلله ماعمرنا شفنا سكرانين ..
تعتبر قريبة جدا من ستيفن قرين والستي سنتر
بالتوفيق

بارك الله فيك اختي المعتصمة بالله ..ياريت الاخوان اللي ساكنين فيباقي مناطق دبلن 1 و2 و14 و18 يعطونا آرائهم بعد ونستفيد من خبراتهم كل واحد ومنطقتة اللي مقيم قيها ونسأل الله ان يجازيهم بلفضل مايكون من الثواب ان شاء الله

بكت نصيحتي من باب خبرتي الي فاقت اسلنه في احياء دبلن وخصوصا ان لي صديقات بكل منطقه تقريبا اذا تبي مثال (( ١، ٢ ، ٤ ، ٧ ، ٨ ، ١١مدري ٩، ١٢ ))

١ سيئه بكل المقايس وان شلنا سبنسر دوك من الحسبه لانه حي راقي وعلي النهر بس برضو سيء لانك لازم تاخذ لويس واللويس يمر بمناطق خطره يعني لو نزلك علي جيرفز او الاوكنل ستريت تلاقي السكارا واصحاب البشره الصفراء حواليك متسدحين ويحومون ويطرون و بعض الاوقات يهددون اذا اخترت سبنسر دوك لان فيه عرب كثيرررررررر ممكن اذا جيت بتطلع اقطع النهر من الجسر وبكذا انت ب دبلن ٢ و خذ باصات من هناك وسو الي تبي

٢ جيده جدا لانها اقسام التمبل بار شقق فخمه بس ماتقدر تعيش ازعاج و منطقه بارات اصلا خصوصا اذا معك عائله واذا فكرت تبعد عن التمبل بار فيه حوالين ستفن قرين وترنتي هذي شقق قديمه عمرها فوق ٥ سنين وصغيره بس ان تدفع للموقع مو للشقه وفي منطقه الجران كنال هذي حلوه وشقق مجدده اخت الجديده بس غاليه بس تدفع للفخامه و الامان

٨ جهة هيوستن ستيشن منطقه امنه وهاديه ومافي بارات الشقق جديده وفخمه عيبها الهدوء الزايد بس راذا بغيت شي لازم تروح لسنتر رغم انه فيه سوبرماركت بس غالي شوي
بس من ستيفن قرين ونازل يعني حول الدي سي يو اغلبها بيوت والبيوت مو مره امان زي السقق وخصوصا لنا السعودين والمسلمين بس المنطقه امان وخصوصا جنب السفارات


٧ سيئه باستثناء مجمع شقق علي النهر كان سعودين ساكيني فيه ومازالوا وكثير يمدحونه كانت الشقق غاليه بس الان السعر معقول

١١ مدري ٩ الي حول الديسي يو رخيصه مره بس خطره مرتين


نجي للمناطق جنب المساجد نصيحه من شخص اثق فيه قال ابعدوا عنها لاسباب احتفظ فيها لنفسي

الحدائق والاماكن الترفيهيه في كل مكان حديقه يعني لحد يشيل هم بس ملاهي ماملاهي ماعندنا واسواق ف يالستي سنتر والداندروم يعني الي جاي ويبي يفلها للاسف اقوله اخطا الاختيار

لانوا حتي الكفيهات سيئه ومستواها اقل من مسوى كفهياتنا بدرجات

اخيرا وليس اخرا تقدرون اذا لقيتوا شقه تروحون اقرب مركز شرطه وهو يقولكم الخطر والي امان ويفيدكم وكمان لو سالتوا موظفين سفارتنا يدلونكم

يعطيكي الف عافية اختي مبتعثة تعقيب رااااائع ومشاركة جدا مثمرة بس ناقصة شيئيين :
الاول انك ترشحي ثلاث احياء اومناطق من مناطق دبلن تنصحين فيها من ناحية الامن وووجود متطلبات الحياة الهانئة للمبتعث والمبتعثه
الثاني انك تقولي وين ساكنه وكيف وضع السكن ووضع المنطقة اللي انتي فيها والاسعار يعني تلقين الضوء على محل سكنك الآن ويارب يوفقك ان شاء الله

اني ارشح ٣ اماكن صعب لان المقايس تختلف من شخص لاخر يعني انا اشوف ١٢٥٠ ارخص سعر ممكن تدفعه في شقه محترمه في دبلن وغيري يشوف انه اغلي سعر ممكن يندفع وان دفع ١٠٠ يورو يعتبر ضرب من الجنون

انا كتبت تجربتي في هذي المناطق طبعا تجربتي اني زتها بالصبح وبالليل وركبت باصات وتكاسي ولويس اذا كان جنبها فهذا ايل عرفته من ذي المناطق وانت اختار الي يناسب

واذا بغيت تجي وعندك اكثر من عرض علي الشقق ممكن تقولي وانا اقولك رائي فيها

اما بخصوص سكني افضل اني ما اقول عشان ما احد يضن انه نوع من انواع تسحيب المبتعثين عشان اخذ عموله او شي من هذا القبيل عشان تسكينهم

شكرا الاخت مبتعثة

بالنسبة للمنقطة القريبة للمسجد الصراحة منطقة حلوة وتشوف ناس كثير مسلمين ويرتاح الواحد فيها. بس اهم شيء موب في المناطق الي بعد المسجد. قبل المسجد اوكي.
ما ادري اذا الشخص الموثوق كان يقصد مسألة ارهاب او تشدد. فانا اقول مافية وبالعكس الشرطة عندها مواصلات بينها وبين والمسجد حول حفظ الامن للمسلمين هناك.
اذا سبب ثاني غير هذا. فالله اعلم

دبلن 1 لا اعرفها بصراحة ومامريت عليها الا مرات قليلة من خلال الاوكانل.
2 حلوة ولكن معروفة بغلاء الشقق فيها
6 كان صاحبي ساكن فيها ولم يذكر شيء سيء عنها
7 منطقة حلوة شوي وان كنت لا افضلها
8 منطقة فيها مجمعات سكنية كثيرة وتقدر تحصل الرخيص والغالي فيها
12 سيئة حسب زيارتي لها
16 اضنها قرب مسجد الكلونسكي وهي جيدة حسب علمي
18 افضل واحسن منطقة وعيبها انها بعيدة عن السنتر 20 دقيقة فقط.

الاسعار بشكل عام.
غرفة واحدة من 700_850 وغير ذلك فأنة يعتبر غالي الا اذا شقة فخمة جدا 900-950
غرفتين 1000- 1200 وفوق هذا السعر يجب ان تكون الشقة فخمة(اكثر من نظيفة)

الواحد دايم يحاول يحرص على الصيدات. لانة ممكن تلاقي غرفتين في احلى مكان بـ 1000 يورو. وممكن شقة سئية بـ 1200 وما تستاهل.

وبالتوفيق للجميع.

عني أنا ..

أؤيد دبلن 2 من جهة السفارة أو غربها ..

هدوء وأمان ونظافة ..

رغم أنني أسكن في دبلن 1

خيي الكريم القيصر ماقصرت بشرحك ولو انه مختصر بس على كلامك ومن تجربتك افضل شي دبلن 2 ودبلن 8 ودبلن 18 دبلن 2 لقربها من السنتر ووسط البلد ودبلن 18 للفخامة والهدوء ..ودبلن 8 قلت فيها الاثنين بالفخامة والعادي هنا انا ياخوي الكريم مو مسئلة الفخامة والمتوسط اهم شي الامااان وقرب المحلات والحدائق وخلافة يعني مثل ماقالت اختي مبتعثة اهم شي الموقع مو مهم فخامة الشقة انا بدفع للموقع وهو الاهم الشقة ممكن تتكيف معها حتى لوكانت مو فخمة اهم شي نظيفة وفيها الادوات المهمة بس مايحيط بالشقة هو المهم من امان وتوفر كل شي للشراء وللتمشية طيب في دبلن 18 موجود حدائق تمشيات اسواق محلات سينما سوبرماركت كبيرة للتسوق والا لازم نروح الستي سنتر ؟؟؟ واسعار دبلن 18 للشقق غرفة نوم واحدة بكم وغرفتين بكم كمتوسط تقريبي ؟

خيي عباد مسائك خيرات ومسرات بالنسبة لمنطقة دبلن 2 واللي هي بالستي سنتر انت تنصح فيها بجهة غرب السفارة طيب كيف اعرفها من حيث اني حكون اول زيارة لي هل في اسم لشارع او منطقة باسم معين او رقم معين في دبلن 2 ؟؟ وماهي اسعار الشقق في هذة المنطقة لو تكرمت علما اني انا وزوجي بس انا مبتعثة وزوجي مرافق يعني شقة غرفة نوم وصالة تطلع بكم ؟ واسفة اني ازعجتك بكثرة الاسئلة ولكنه من العشم فيك طبعا ...كل التحية لك

منار السلام دبلن 18 منطقة فخمة جادا

ويوجد فيها بنك اوف ايرلندا و الستر واضن AIB ايضا
ويوجد فيها سوبر ماركت دنز. اما اذا تبون السوق فموب لازم تروحون السنتر. لان الدانروم جنبكم حوالي 5 دقائق.
وهي امن منطقة في دبلن كلها واحسنها. لان مايسكنها الا ناس راقية غالبا لان السكن فخم.
لكن لايفضل السكن فية. اذا المعهد بعيد جدا. يعني من البيت الى المعهد 30 الى 40 دقيقة شيء قريب الجيد. بس اكثر لاينصح

وميزتها انك تاخذين غرفتين فخمة بـ 1100 او 1200 . سعرها في السنتر 1600 وفوق.

انا افضل. دبلن 8 قبل المسجد بشوي يوجد مجمات سكنية كثيرة
لايبرتي كورت
سنت باتريك كورت
كاثيدرال كورت
ويوجد مجمعين اخرين نسيت اساميها.

الساندي فورد مليانة مجمعات سكنية.

انا اميل للهدوء. ممكن ناس ماعندها مشكلة لذلك دبلن 2 هي الافضل لهم.

وبالتوفيق