اسمي نزل في الوظائف التعليميه .. اكمل او اسحب ..

الله يختار لك الخير وين ما كان يأخ عادل

والأخ أحمد ما ترك شي أقوله

ولكن أحب أقولك أنك ان شاء الله ماراح تحسر سواء اخترت أكمال بعثتك أو قررت أنهائها والتوجه للتدريس

ومن وجهة نظري الشخصيه التدريس من أفضل الوظائف ان لم يكن أفضلها سواء من ناحية الراتب او الراح وبأمكانك أكمال الماجستير فيما بعد عن طريق عملك وأعرف ناس كثير كملوا

أسأل الله لك التوفيق

انا مثلك نزل اسمي كمدرس وفي حيره من امري لكن لو تبي الحق ...!!!

الوظيـــفه مافي زيها كم مبتعث رجع وماحصل وظيفه ولا جلس شهور وسنين من غير وظيفه وانا ناوي اختار الوظيفه واثبت اقدامي ولا اروح واشيل هم لما ارجع كيف راح يكون وضعي والي ساعدني كثيييييييييير فى اني اختار الوظيفه زملائي قالولي فى امكانيه انك تبتعث عن طريق وزاره التربيه والتعليم بس تقدم على موقعهم وترفع اوراقك وتتطلع على حسابهم ووظيفتك جاهزه بس اللهم يحرموك من راتبك او يعطونك نصفه فقط بس ترجع وظيفتك محجوزه ويعطونك زياده بعد ...

انا دخت واحترت لكن اقولك هي اخوي الوظيفه مافي مثلها على الاقل تتطلع ونت موظف ولا تتطلع ونت طالب ماتتدري يمشي حالك هناك ولا لا وبعدين ترجع وتقول ياليتيني وياليتني وتتحسر على نفسك فالافضل انك تتوظف وتمسك لك مكان فى الدوله وتشوف لك طريق اخر للابتعاث هذا رايي وهذا الي انا مخطط عليه والي انشالله راح اسويه بالتوفيق ..

راي شخصي

الوظيفة اضمنها اولا
ثم بعد ذلك ضبط امورك واستعد للحصول على بعثة من جهة عملك سواء داخلية او خارجية
او قدم على اجازة دراسية او بدون مرتب و واصل بعثتك وحلمك اقل شيئ ضمنت الوظيفة
وانت لو استمريت في البعثة بعد التخرج راح ترجع لنفس الموال تبحث عن وظيفة و وجع راس

عصفور في اليد خير من 10 على حبل الغسيل امززززززح قصدي على الشجرة

اولا
هذا راي شخصي والراي لك
وثانيا وهو المهم استخر الله قبل كل شيئ

هلا وغلا

انا انصحك تواصل مشوارك وتحصل عالمجستير اولا لان الماجستير فترتها الزمنية قصيرة سنتين او اقل يمكن, فالوظايف ماراح تطير عليك,

سنتين وانت راجع بالماجستير, وجميع المعلمين الي خدموا بالتدريس يتمنون مواصلة دراستهم العليا واعرف معلمين يريدون مواصلة دراستهم

العليا, والشي الحلو ان سنك صغير يعني تحصل عالماستر و انت فطفوط.

الابتعاث يا أخي يشترونه الطلاب شرا وهذي نعمة انك لقيت بعثة وسكن مع عايلة ولغة وضمان مالي وش تبي احلى من كذا, بعثة بلاش وراتب حلو و راتب اعلى من راتب المعلم.

الله يوفقنا ويوفقك و ييسر امورنا يارب العالمين

function(){var a=e[I](h,arguments);typeof a==="object"&&c(a);return a}

اخي عادل .........

اول شي شوف وضعك المادي هل انت مرتاح واهلك مرتاحيين ......
ثاني شي وين وصلت بالضبط يعني خلصت لغه ولا انتصفت ولا وش بالضبط.....
ثالث شي حط في بالك ان الابتعاث فرصه لا لا لا تتعوض ....
رابع شي الوظيفه جتك وانت بكالوريوس فما بالك لو انت ماجستير ........
خامس شي انا واحد راح اضحي بوظيفتي واروح ابتعاث ان شاء الله (خذني كمثال حي وواقعي)...
طبع قبل كل شي الاستخاره ثم الاستخاره ...