اسمي نزل في الوظائف التعليميه .. اكمل او اسحب ..

اذا كانت هذي الوظيفه حلمك فاسحب البعثه
وان كانت مجرد وظيفه فاكمل لتحقيق حلمك الوظيفي

استخير والله يكتب لك الخير
موفق لكل خير

هههههههههـ اييش الي تسحب حبيبي !!
تعال تعال كمل درآستك !
مآآآ ينفع تخلينآ لحآلنا هنا يآ عاااادل تكفى هههههههههههههه

على الأقل جيب الكتب بعدين أسحب ! ههههههههههههههه

يآ رجال والله الإبتعاث فرصة كل واحد يتمناها .. وبمأ ان ربنا أنعم عليك بالنعمة هذي .. كمل .. والله السنين تجري .. وما تحس فيها .. وامورك هنا طيبة الحمدلله وماشية ..

الله يوفقك ويختارلك الي فيه الخير ..

لا وربي ليست حلمي .. لكن وظيفة معلم تعتبر جيده .. والله يقدم الخيره ان شاء الله

الله يعافيك ع تعليقك

ههههههههه
اي كتب >> ناوي يسحب ههههههههههههههه

هذا اللي محيرني الابتعاث فرصه عظيمه ..

عدووولي ياحبيبي اسمعني زين .. قسسسسما بالله ماراح يفيدك في هالشيء الا نفسسك .. انت مجرب الحياة هنا وعارف كيف راح يكون وضعك في الدراسه هنا وعارف تخصصك واكيد عارف مدى الاحتياج الوظيفي لتخصصك .. وعلى الجهه الأخرى انت عارف كيف وضع المدرس وكيف انه مرتاح سواء من رواتب او من اجازات .... فاذا عرفت ذلك جيدا .. عليك بشيئين لا ثالث لهما :

- اتخاذ قرارك بنفسك ومناقشه القرار مع ( نفسك ) ومع طلاب ( في نفس تخصصك ) ومجربين الحياة هنا في الابتعاث ((( وبشرط ))) تكون اسماؤهم نزلت في التدريس . <<< انا اقولك هالشيء لانو لو شاورت مبتعث هنا وماحصل وظيفه مدرس فشيء طبيعي بيقولك الابتعاث .. وعلى العكس . لو شاورت مدرس ماجرب الابتعاث بيمدح لك التدريس .

- عندما تميل لأحد الأمرين .. عليك مباشرة بالاستخاره .. فقد علمنا رسول الله صلى الله عليه وسلم الاستخاره في الامور كلها ... ولعلك ان فعلت ذلك .. طابت نفسك وارتاحت .. وسلمت من شر التفكير المرهق .. وعملت خيرا .. وسيقدر الله لك الخير باذن الله .


ثم ستجد ياأخي الحبيب ( أناااس ) سيلومونك على مااخترت سواء من تدريس او اكمال دراسه هنا ... ( مباشرة ) تذكر انك استخرت .. وصدقني سيكون لك من الراحة الشيء الكثير ..



كلامي ان شاء الله واضح وعلى فكره .. ( نزل اسمي كمدرس ) وسأتخذ القرار قريبا مع ( نفسي ) ومع صديقي الرااائع ( دحيم ) .


تمنياتي لك بالتوفيق وسأدعو لك عند ( فطري ) بعد قليل باذن الله .

الله يختار لك الخير وين ما كان يأخ عادل

والأخ أحمد ما ترك شي أقوله

ولكن أحب أقولك أنك ان شاء الله ماراح تحسر سواء اخترت أكمال بعثتك أو قررت أنهائها والتوجه للتدريس

ومن وجهة نظري الشخصيه التدريس من أفضل الوظائف ان لم يكن أفضلها سواء من ناحية الراتب او الراح وبأمكانك أكمال الماجستير فيما بعد عن طريق عملك وأعرف ناس كثير كملوا

أسأل الله لك التوفيق

انا مثلك نزل اسمي كمدرس وفي حيره من امري لكن لو تبي الحق ...!!!

الوظيـــفه مافي زيها كم مبتعث رجع وماحصل وظيفه ولا جلس شهور وسنين من غير وظيفه وانا ناوي اختار الوظيفه واثبت اقدامي ولا اروح واشيل هم لما ارجع كيف راح يكون وضعي والي ساعدني كثيييييييييير فى اني اختار الوظيفه زملائي قالولي فى امكانيه انك تبتعث عن طريق وزاره التربيه والتعليم بس تقدم على موقعهم وترفع اوراقك وتتطلع على حسابهم ووظيفتك جاهزه بس اللهم يحرموك من راتبك او يعطونك نصفه فقط بس ترجع وظيفتك محجوزه ويعطونك زياده بعد ...

انا دخت واحترت لكن اقولك هي اخوي الوظيفه مافي مثلها على الاقل تتطلع ونت موظف ولا تتطلع ونت طالب ماتتدري يمشي حالك هناك ولا لا وبعدين ترجع وتقول ياليتيني وياليتني وتتحسر على نفسك فالافضل انك تتوظف وتمسك لك مكان فى الدوله وتشوف لك طريق اخر للابتعاث هذا رايي وهذا الي انا مخطط عليه والي انشالله راح اسويه بالتوفيق ..

راي شخصي

الوظيفة اضمنها اولا
ثم بعد ذلك ضبط امورك واستعد للحصول على بعثة من جهة عملك سواء داخلية او خارجية
او قدم على اجازة دراسية او بدون مرتب و واصل بعثتك وحلمك اقل شيئ ضمنت الوظيفة
وانت لو استمريت في البعثة بعد التخرج راح ترجع لنفس الموال تبحث عن وظيفة و وجع راس

عصفور في اليد خير من 10 على حبل الغسيل امززززززح قصدي على الشجرة

اولا
هذا راي شخصي والراي لك
وثانيا وهو المهم استخر الله قبل كل شيئ

الله يعافيك أحمد..

واسأل الله ان يقدم الخيره لنا ...

اجل بتسأل دحيم لا والله اللي رحت فيها

بالتوفيق يالغلا ..