استفسار ناوية على الابتعاث بس متخوفة

لا تتخوفين ولا شي ..

أولاً .. عساك من اللي ينفعون الدين والوطن ويشرفون , ويحتفظون بمبادئهم , قولي آمين ..

لأني وجدت بنات ( ليس بالعدد الكثير جداً ) وكذلك شباب يجارون الغرب ويستحون من الاحتفاظ بالمبدأ !!

وحدة في الكلاس ما استحت من الله ولا مني تقول للمدرس: جنب بيتنا فيه مرقص بنات وشباب , ومرة قالت عندنا البنات والشباب يسبحون مع بعض .. !!

ضيعت مبدأها لتثبت أنها ( رهييييبة ) ..

هذا قدامي ما أقول فلان قال لي ..

المهم بعد هذي المقدمة المملة .. أقول : الله يسهل أمرك ..

أول ما يطلع قرار الابتعاث ياخذ صورة مصدقة أو الأصل ويرفقه بالطلب فقط مع كرت العائلة وحبذا الفيزا وغيرها للدعم المعنوي فقط (( ياريت توضحين لي هل هو ضابط ولا فرد )) ومنعاً للإحراج لو على الخاص أو الإيميل أو تخلينه يتصل بي .. لأوضح أكثر ولأن فيه اختلاف كبيييييييييير ..

الأمن وما أدراكِ مالأمن .. أحسن من 99% من بلداننا العربية والإسلامية .. بشرط إن المبتعث يكون عاقل وذكي ( فقط ) ..

يحق له يدرس .. ويحق له يصير مبتعث أيضاً , وبكل سهوووووووووووووولة ..

سهل التغيير .. جداً سهل ..

بس وفري جهدك عالفيزا يمكن تعجبك إيرلندا ..

اهلين
حبيت اسألك اخ عباد انا زوجي جندي في الجويه تتوقع اموره راح تكون صعبه

بإذن الله ما راح تكون صعبة ..

خصوصاً بعد القرار الجديد ( غصب عنهم ) بس المشكلة بدون راتب ولا خدمة ..

بصراحه هذي تصرفات كثير من الطلاب بنات او شباب للأسف
اللي يقول عادي يشرب
واللي يقول عادي ياكل خنزير
واللي يقول غير كذا

احيانا يقولونها مزح بس الاجانب اللي قدامنا ماتعرف شي عنا والانطباع الاول هو الانطباع الاخير

وللأسف تتركز في ذهنهم هذي السوالف
واحيانا يستهزؤون اننا مانحترم دينا

بس الواحد شيقول

الله يهدي هالطلاب
وانا اتحسف مية مره اذا صادفت احد من هالنوعيه

أحييك على هذا الشعور , الله يكثّر من أمثالك ..

شكرا اخي (عباد) على مساعدتك..
زوجي مو ضابط فرد في الامن الداخلي..
والله يكتب لنا اللي فيه الخير..

بمجرد صدور القرار ( قرار الابتعاث ) يكتب خطاب ..

المطلوب قرار الابتعاث وصورة كرت العايلة .. فقط ..

لكن ..

يضيف أي شيء يدعم الموضوع لأن ( بعض ) من ربعنا حثالات يمسك الموضوع عنده كذا بس !!

يقدم الخطاب لمديره المباشر , وياخذ المعاملة ( مناولة ) .. ثم لمدير القسم , فمدير الشعبة , وهكذا إلأى أن يصل للأمن العام , بعدها المعاملة تروح وزارة الداخلية ( غضون أسبوع إلى عشرة أيام ) والموافقة صادرة إن شاء الله .. (( بعدما تصدر من الأمن العام )) ..

إذا كان له معرفة أو واسطة ( وهذا اللي أهلكنا ) .. يطلب إلحاق ويكتب ظروفه علشان يستفيد ياخذ راتبه على الأقل ..

أي استفسارات .. اكتبيها هنا بوضوح , واللي أقدر ما أقصر معكم إن شاء الله