سؤال ورد على ذهني

طبعا أنا مخطخط إني أروح التعليم العالي يوم السبت لكي أستفسر بس خاف لو دروا إن ملفي في الملك سعود يسون لي مشكلة

اخوي وزير التعليم العالي صرح من قبل انه اي واحد يسحب ملفه من الجامعه ويبي يرجع ماراح يقدر وانا اعطيك اقرب مثال واحد اعرفة سحب ملفه من جامعة البترول وبعدها يبي يرجع قالو له اسفين
انا ماابي احطمك الله يوفقك بس انت استخير وشوف الي ترتاح عليك وانا اخوك والله يوفقك ويحقق حلمك ياااارب

هين أنا عارف إن سحبت الملف يعني خلاص ما في رجعة ... بس أبغى واحد يقول الوزارة وشلون بتجيب القبولات .... وهل أنا ضامن مقعدي في جامعة الرويال .... طبعا أعرف أنك لازم تجيب في الأيلتس 6.5 مب مشكلة بس خاف أشياء ثانية .. يعني إلي يقدر يعطيني تجربته أو عنده معلومات تكفون أنا بأشد الحاجة لها

وعليكم السلام ورحمة الله وبركاته
أهلين أخوي nassalh أنت أخوي طلبت النصيحة وأنا راح أعتبرك مثل أخوي الصغير وبقول لك رأي بالموضوع
إذا كنت أنت طالب طب بشري في جامعة الملك سعود كمل بالجامعة وماله داعي تسحب ملفك
أول حاجه القبول في إيرلندا غير مضمون نهائياً والدليل كان الدفعات السابقه وزعوا الطلاب على دول ثانية وتبهدلوا وكانت حالتهم صعبه جداً لأن نظام جامعات ايرلندا متشدد ويلتزمون بعدد معين من الطلاب ومازيدون عليه فمن الحين حط ببالك إنك ممكن تتحول لهولندا أو المانيا أو بولندا وبعد تحويلك راح تلاقي معاناه هناك وإذا تبغى تتأكد من كلامي خذ لك زياة على منتديات الدول اللي ذكرتها وشوف بنفسك معاناة الطلاب .. بالإضافة إن طلاب الطب في ايرلندا نفسهم خلال سنة الأمتياز وهالمعلومة ماعندي تأكد كامل منها لازم بنفسهم يجيبون لهم مستشفى تقبلهم يتدربون فيها
والحاجه الثانيه درجة ال 6 ونص بالآيلتس مو بالسهوله اللي تقريباً أنت متصورها والدليل إن في طلاب درسوا لغة لأكثر من سنه ونص وللحين ماقدروا يجيبون الدرجة هاذي او حتى يجيبون ال 6 .. طبعاً أنا تماماً ماأقصد أنها مستحيلة لكنها ماتجي بسهولة
والأهم من هذا كله واللي ودي الكل يعرفه جامعتنا ماتقل عن الجامعات اللي بره وطلابنا خريجين جامعات الملك سعود طلاب متفوقين وماينقصهم شي والدليل أنهم مقبولين في الجامعات الخارجيه لو يبغون يكملون دراسات عليا أو يتخصصون وقت الزمالة الطبية .. و لازم الواحد ماينسى أنت هنا بين أهلك وأحبابك في ديرتك وبين ناسك .. تصحى تلاقي حد يدعي لك بالتوفيق وأنت طالع ترجع تلاقي أكلك جاهز .. ملابسك جاهزه .. في الأختبارات تلاقي من يحاتيك وجنبك .. يعني منت شايل هم غربة ولا بعد ولا فقد وبالك مرتاح
بإختصار ياخوي أنا أقول توكل على الله وكمل في جامعة الملك سعود وإذا تخرجت توظف وخل المستشفى يبعثك تتخصص وتكون ظمن وظيقتك وحققت جلمك بالبعثه أو قدم عالإبتعاث وأدرس بره
والقرار الأول والأخير لك
وبالتوفيق لك يارب

اخوي بعطيك تجربتي

كان طموحي طب و قلت أنا بدرس طب يعني بدرس طب و قبلوني كل الجامعات و طنشتهم قلت أستنى جامعة فيصل و الدمام بما أني من أهالي الشرقية

وللأسف تجري الرياح بما لا تشتهي السفن جامعة الدمام و فيصل ما قبلتني فقلت الحل ما في الا اني اقدم على البترول ما تدري ايش الظروف اللي بتجيك

وسجلت فيها و يوم دريت بالبعثة قلت خلني اسحب على البترول و أغامر هالسنة إذا مشيت خير و بالركة و إذا ما مشيت اقرب جامعة طب تقبلني السنة الجاية

و معليش طولنا عليكـ

كلام اخوي صعب ترضيني فية غالبية من الصحة

يعني اذا انت مستوفي الشروط غالبا راح يقبلونك في البعثة
بس مافية ضمانة انه تروح ايرلندا

لانه اغلب الطلاب راح يختار ايرلندا كخيار اول والمانيا كخيار ثاني او اول كمان. فهذي الدولتين خصوصا مافية اي ضمان انك تروحها.

يعني عادي يحولونك الى بولندا او هولندا او تركيا او اي دولة فيها مقاعد شاغرة. لانة صعب يرسلون كل الطلاب الى ايرلندا

اذا تبي بعثة قدم وبسم الله اي دولة تجيك توكل على الله. والدراسة اكيد راح تكون معتمدة فيها
اذا تبي اما ايرلندا او الملك سعود. انا اقلك مافية ضمانة انك تروح ايرلندا فالملك سعود اضمن لك