ساعدوني في اختيار المعهد

اوووه صح نسيت اقول ( امل رغم الصعوبات ) دام طريقة التدريس بالمعهد ماعجبتك , ممكن مستواك باللغه مايأهل انك تدخلي معهد الجامعه معليش لانها للمستويات من انترميديت وفوق ..
<< هذا الكلام مو كلامي كلام الدكتور محمد

ياليت بالمره ترجعين لمعهدك القديم اللي تقولي احسن من DCU عشان توفري مكان لنا

المهم حبيبتي مو انتي اللي تقرري اذا المعهد مليان سعودين او لا انا معهدي من المعاهد المشار لها بالاحمر يعني فيها تكدس وعلى هذا الاساس انا قلت مليانه لكن معهد DCU لسى ماصار احمر يعني مافيه تكدس


ودمتم سالمين

النرجسية يعطيك الف عافية

وماقصرتي

بس هل انتي في مدينة دبلن ؟

نعم انا في دبلن

ماراح ازيد شي
بس كلامي واضح اني امدح المعهد
واقول بغض النظر عن الزحمه اللي فيه فالمعهد ممتاز ووجود السعوديين او العرب فيه ماهو شي سلبي

اولا واخيرا ماحب اتفلسف على احد
وعذراً اني كتبت انه تعليق على كلامك مع ان القصد من وراء ذلك انه تأييد لكلامك انه يختار معهد تبع جامعه مو معهد عادي

ولله الحمد والمنه انهم وضعوني في مستوى الادفانس وماراح اضيف على هذا

ممكن يابو داليا تسمع دائماً من اي احد ان معاهد الجامعه للي مستواه فوق الانترميديت بس انا اقولك من واقع معهد الدي سي يو اني لقيت فيه طلاب يدرسون المنتري وبري انترميديت يعني هالشي لايخوفك او يخليك تتردد لانك ان كنت فوق هالمستويين فهذا كويس وان كنت اقل فهالشي راح يخليك تتأسس صح

موفق يابو داليا وحاول تاخذ قبول في المعهد قبل ماتوقفه الملحقيه مره ثانيه

همسه
لم اكن يوماً ممن يضع العوائق أمام أي طالب في هذا المنتدى
ان كنت احمل اي شيٍ من الايجابيه فأرغب دائماً بنقلها للآخرين وان كنت أحمل اي فكرةٍ سلبيه فاحتفظ بها لنفسي
لعل غيري يرى فيها من الايجابيه الكثير وربما سلبيتي تربك خياره

قد يستغرب البعض كلماتي هذه وهو يرى ان مشاركاتي لم تتعدى العشرون ولكن..
لي هنا مايقارب العامين وخطأ في المنتدى سبب حذف عضويتي القديمه
وأبيت الا ان اكون متواجده لأنقل الفائده لغيري ...ولعل البعض مازال يذكرني لأني مازلت على نفس الاسم القديم

جميلٌ أن نرتقي بحوارنا

بالتوفيق للجميع دون استثناء

اخت امل رغم الصعوبات الله يعطيك العافيه

من ابرز الأعضاء في المنتدى ومن اقدم العضويات ايضاً وكلنا نذكر ذاك العطل اللذي تسبب في فقدان عضويتك

كلامك عن المعهد كان وااااضح ومفهوووم انك تنصحين بمعهد الجامعه وحتى ولو كثر فيه السعوديين والعرب

واكبر دليل على ذالك انك ذكرتي خريجي الأدب الأنجليزي واللغويات من الجامعات السعوديه وكيف وهم جميعهم سعوديين

بس فيه ناس تجي مطفيه النور او لابسه نظارة شمسيه وماتشوف المكتوب زين .

شطحه
انتبهي لا تكتبين تعليقاً لأن فيه ناس يتنرفزون منها

كيف أقدر اجيب لي قبول في دي سي يو
اختي امل افيديني الله يجزاك خير

تراسلي المعهد على هالايميل

english@dcu.ie


وتقولي لهم انك تبغين تدرسين عندهم وتحددين التاريخ والمده
بعد كذا يرسلون لك ابلكيشن تعبينه وترجعين ترسلينه لهم مع صوره من الجواز
وبعد يومين او ثلاثه بالكثير راح يوصلك القبول
موفقه لكل خير

شكراا اخوي على الافاده والله يوفقك بالدراسه ان شاء الله
بس ليه الملحقيه حاطه عليه الاحمر وتقول فيه تكدس

الله يجزاك خير اختي أمل
* فيه مشكله بالموقع مقدر ارد ع الرسائل بالخاص
ربي يبارك بعلمك ووقتك .