بما أن الوزارة تبرأت من قبولاتنا ،، نداء عاجل لمبتعثين قالوي ..

>< من قآل تبرأت من القبولات .,

أتوقع أن الوزآرة حطت رآبط وشرحت فيه للطلاب إلي يبون يجيبون قبول بنفسهم أش المفروض يسوون لكن ما ذكروا شي عن أنه الطلب يتكفل بالقبول .,

^ إذا تشوف كلامي مو صحيح يآليت توضح لي >< لأنه مررره مو وقته يخبرونا الحين المفروض تكلموا من بدري

ترى الوزاره عادي بتجيب قبول...بس اعطت حريه للي يبغى يجيب بنفسه.....

وهذا اللي كنا نطالب فيه من قبل وماكنا نقدر نجيب قبول لأن مافيه ضمان ولأن خايفين يرفضون......

الحين أزين وأريح نجيب قبول بنفسنا ونتحمل مسؤوليته



وياليت احد يساعدنا بخصوص التسجيل بالمعهد اللي تابع لجامعة جالاوي.....ينفع كدراسه أكاديمية.....

اسم المعهد انجلش لانقوج سنتر.... قريت اليوم فيه بس فهمت انه في الصيف بس.....يعني ماعندهم كورسات عامه ومكثفه زي الباقي......
وأتلنتك مقفل في رابط الملحقية عشان التكدس.... مدري وين نروح



>>>>أخاف عباد يجي الحين معصب عشان سألنا عن معهد

ههههههههه

عبااااد لو يدري ذبحنا


بس عباد هو سندنا ولا يلومنا اكيد مر بتجربتنا وفاهم وضعنا


وبعدين صحيح ان الوزارة تبي تجيب قبول للي ماجاب قبول لكن متى بعد ماينتهون اللي طالبين قبول بانفسهم

بعدها اللي ماجاب يجبون له قبول وعلى كذا متى نخلص بعد شهرين ثلاثة

بشكل عام.. أنا لا أنصح بإيرلندا..

ولكن أذا عزمت..مالك إلا من يساعدك ويرتب لك أمورك.. بإذن الله..

وهنالك معهد أتلانتك.. يبدو أنه الأبرز في هذه المدينه.. وبإمكانك مراسلته..

اخوي ابورهف

والله موضوع القبول بسيط لأبعد درجه وشي حلو ان الوزارة أعطتكم حرية انكم تجيبون القبول بأنفسكم

بأمكانك مراسلت اي واحد من الشباب في جالوي وارسال نسخه من جوازاتكم عليه وهو يأخذ القبول ويرسله لك بنفس اليوم

وهذي حاجه سهله وما تأخذ وقت واسرع من شغل مكتب نهج وتجسير وغيرها

لو كنت قادم لدبلن كان خدمتك من عيوني بس ان شاء الله الاخوان بجالوي مايقصرون

لاتحاتون بالعكس وضعكم بسيط وفيه كثيرين كانو يطالبون بـحريه اختيار المنطقة والمدرسة ومايكونو مجبرين على مدرسة او منطقة معينه

بالنسبه لجولوي فيها تقريبا ٣ مدارس لغه كلها طبعا تجارية والدراسة فيها انجليزيه عامه ومافيه مركز لغه تابع للجامعه يعني .اذا كنت تبغى دراسة اكاديميه
بالاضافه للمعهد اللي تابع لـGMIT

انا جربت مدرستين اتلانتك لانجوج وجولوي كلتشر كلهم نفس الشي الاختلاف بسيط بينهم

وبخصوص الحصول على القبولات بسيط جدا اذا تبغي مساعدة مافيه اي مشكلة

لماذا يا أبا رهف تتمنى أن لا يأتي أحد ويقول القبول ماهو مهم , إذا وصلت غيّره ..

أمانتنا تجبرنا أن نقول لك :

ماهو مهم

لأنك تستطيع أن تغيّر في دقائق معدودة , ولا يترتب عليك شيء ..

يعني بالقووووووووة تبغاه يصير مهم !!!

هو حقيقةً غير مهم , وما يحتاج إن أحد يشيل همه ..

وستعرف كلامي جيداً إذا أتيت ..

بالعكس يمكن إصرارك هذا فيه مضرّه وانت ماتدري !

أنا شرحت هذا في موضوع مستقلّ ( لراحتكم ) !!

تبغونا مانهتمّ بهمومكم واهتماماتكم وضرورياتكم ونحن إخوانكم ؟!

وضحي لي السبب في رغبتك بـ عدم إتيان أحد والقول : ليس القبوا مهماً ؟؟؟

يا شباب


يا أماني

أتلنتك مقفل في الملحقية..للتكدس

شلون أقدر أقدم فيه؟؟؟؟

أنا ارسلت للملحقية بس ما ردوا علي للحين

عباد...احنا نبي لما نجي نداوم ع طول يكون وضعنا مضبوط

عموما شكلي بادرس اللغة بدبلن لأن معاهد جالاوي مو متوفرة

الله يعين....

أختي هدوء الروح ..

والكلام لأبي رهف والجميع ..

الأهم من ذلك كله :

لن تجدي كلام يقنعك .. الأذواق والعقول والأفهام تختلف ..

فأفضليّات المعاهد نسبيّة ..

وكل شخص سوف يرمي لكم برأي !!

اسألوا مجرّب ..

تعالوا دبلن وانظروا حال المبتعثين .. تجدون هذا يقول : والله المعهد الفلاني أففففففففضضضضضضل معهد !! .. وبعد شهر تلاقونه غيّره وراح لغيره ( يقول : ماهو مثل ماتوقعت , والآن أنا أدرس في أفضل معهد ) .. وشهر والا زيّه رايح معهد آخر ..

أنا أريد منفعتكم , وكتبت لكم ما عندي ..

ويمكن رأيكم هو الصح !

لكن أنا حبيت أرد على أخي أبي رهف في كلمته ( لاحد يجي ويقول .... الخ ) .. اسمع جميع الآراء واختر منها ماشئت ..

فقط

الله يوفقكم ..

وترجعون لبلدنا رافعين الراس والشهادة ..