يا مبتعث يا جديد هام جداً لاتقرب من هل معهد ؟؟؟

ياهلا أخ نهاب حتى لو كان عندك قبول من هالمعهد تستطيع تخلي القبول عندك وتخلص فيه إجراءاتك

واذا جيت هنا تبحث عن معهد بديل أو بأمكانك البحث من الأن لأن حراااام تضيع وقتك في معهد سياح وأخرتها يقفل زي معهد (أباي كولج)

لا تضيع وقتك لأن فائدة الوقت والأختيار الجيد للمعهد بتعرفها في نهاية مدة اللغة . الله يوفقك

يا اخي الترجبه خير برهان انا جربته والله معهههد فااااشل مع مرتبه الشرف
بعدين اذا عباد مدح المعهد فخله يعطينا كم المهله الي درس فيها بالمعهد ووش استفاد منها
والشي الثاني خله يضمن لطلاب الي هنا المعهد
بدال ما هوا جالس يلمع لمعهد فاشل
ومع احترامي للاخ عباد فـ مواضيعه 9 مليون وما منها فايده كلها عن النت وسلك طابعه والتلفزيون حقه يقفل بعد 5 دقايق وحروف الهجاء هههههههههههههههههه
وانا اتحدى اي احد هنا بالمنتدى يقولي ان المعهد كويس واتمنى ان الملحقيه تقفل امثال هذي المكاتب

أخوي الله يعآفيك اهدى شوي ههههههههههههههههههه

أكلتني بقشوري كككككككككككككك

والله زي مآ قلت الرجآل مدح .. وللأسف مآعندي أي خلفية عن المعهد .. لكن حبيت اوصل الي اعرفه [ والي اعتبره امآنه ولآزم اقوله ] .. ومعلومه ممكن تفيد شخص .. مآ تدري يمكن في يوم من الأيآم يدعي لك بدعوة تفيدك ..

وكل الي سويته وصلت الي عندي مع بيآن اني مآ جربته شخصي ..

واذا عندك تجربه مع المعهد اتمنى تفيد اخونآ .. [ اذا منب وآهم فأنت الي نآقشك عبآد في الموضوع الي تكلم عن المعهد ]

واذا فعلا [ مآ ينفع البته ] .. حآول تتسآعد معه بقبول او على الأقل هو يحآول يسآعد نفسه بقول من معهد آخر ..

والله يوفق الجميع ويكتب مآفيه الخير ~

احترآمي =)

للمعلومية ..

درست في المعهد قرابة ثلاثة أشهر ( ماهو شهر )

جيت صفر صفر صفر ..

استفدت ولله الحمد كثييييييييييييير ( لأني أمشي بتخطيط جيد ) ..

أزيدكم من الشعر بيت :

اختبرت أمس في معهد ( ألفا ) المعرووووف بشدته وعشقه لوضع السعوديين في المستويات المتدنية .. فحصلت على درجة مستوى ( انتر ميديات ) ..

هل عقلي أفضل من عقول اللي درسوا في معهد دبلن سكول اف انجلش وللحين مستواهم متدني ؟!

أزيدكم من الشعر قافية : ذهبت أمس وأخذت قبول جديد إلى 16 / 12 أنا ومعي واحد أيضاً ... وعندنا رغبة قويّة في الدراسة فيه من جديد ( رغم بعده عن سكني ) وأخذنا القبول , لكن للأسف قالوا لازم تجيبون الضمان أولاً ( وهذا لو كان شي سلبي .. ما أعتبره سلبي على التعليم ) ..

بعدين ياريتك نقدتني وقيمت مواضيعي من قبل علشان أنتبه لبعض أخطائي

المنتدى وضع للتحاور في كل شي ( ينفع )

وفيه كثيييييييييييييييير يمدحون المعهد ترى ..

روح للمعهد ... وراح تجد ( طلاب وطالبات سعوديين ) لهم تسعة أشهر يدرسون .. وللآن مبسوطين منه ..

هل عقليّتك أفضل منهم ؟ ..

أنا ألاحظ كل اللي ينتقدون هذا المعهد ( متهوّرين ) ومطفين النور .. ومن بداية كتابتهم للموضوع ( خايفين ومتحسسين ) .. وكأنهم عارفين إن كلامهم غلط

ترى ماهو معهد أبونا ولا جدّنا ..

ومن البداية متابع الموضوع , وما حبيت أشارك إلا عندما ( طلع اسمي ناجح في الموضوع ) ورأيت نقد ( لاذع ) لم أتوقعه

(( لا تحتكر آراء وعقول الآخرين )) ..

ولا تحاول فرض رأيك بالقووووة الجبرية ..

المعهد فيه سلبيات مثل كل المعاهد ... بس العاقل يستفيد من الإيجابي .. ويترك السلبي ..

كلمة أخيرة لأخي نهاب والدكتور والجميع :

كل معهد تقدر تغيره ببساااااااطة , وما راح يضيع من وقتك شي ..

السلام عليكم
اخوووي اوكنل كلامك هذا مجرد رااي هذا وجهت نظرك نحرتمها ونقدرها بس مب لازم احد يطبقها

اخونا عبااد هذي وجهه نظره في المعهد اخونا عبااد ما قال عنك شي انت الي طرت فيه

والله ما اعرف عباااد ولكن كلمة حق لازم اقولها اني استفيد من مواضيع اخونا عبااد والرجال مع انه يدرس ومشغول الا انه يدخل يكتب لنا وينصحنا

ما يحصل منا شي

ما له الا الدعاء والذكر الطيب

تحياتي واشواقي للجميع

الله يعطيكم العافيه اخواني وجزاكم الله كل خير ....
للحين اكثر من معهد داخل مزاجي لكن اكثر شي المعهد التابع للجامعه احس افضل ما ادري ...ايش رايكم في كابلن قالو انو ممتاز لكن موقعه مو كويس ؟؟؟؟

اول شي هذا انت قلته جايب انتر ميديات يعني الا الان ولا شي بالانقليزي كيف تقيم معهد وانت حتى لغه ما عندك ولا عشانهم علموك كلمتين طلعت تقيم معاهد

الشي الثاني انا درست فيه والله ناس كثيرطلعوا منه وكلهم يقولون اننه فااااشل
الشي الثالث انا متحمس وجاي مطفي النور ابي انصح الاعضاء الي هنا قبل لا يتوهقون فيه
وخااايف من الملمعين والسماسره الي بالمنتداء {يعرفون نفسهم} لا يجون يلعبون على الاخوان وفيه ناس صدقوا امثال نهاااب بس انا اقولك غير المعهد اول ما توصل يا نهاب احسن لك

على العمووووووووووووووووووووم انا بقفل النقاش حول الموضوع هذا ولا رح ارد على احد عن الموضوع هذا انا نصحتكم وانتم بكيفكم

وما على الرسول الا البلاااغ

2. مرحلة (Intermediate) :

وهي لمن لهم خلفية لا بأس بها في اللغة أو لمن إجتازوا المرحلة التمهيدية بنجاح وتنقسم بدورها الي (4 (مستويات بعدد إجمالي (128) ساعة يصبح الدارس بعد اجتيازها قادرا على:

الكتابة والقراءة بشكل سليم.

تركيب جمل قواعدية بسيطة بصورة صحيحة.

كيفية التعامل مع الازمنة البسيطة فى قواعد اللغه وتطبيقها فى المحادثة.

التحدث عن نفسه وعن الاخرين وعن الاشياء من حوله.

الاستماع من الوسائط ومحاكاة ما يسمعه وتطبيقه مع من حوله.


توضيح عن مستواكـ يا بروفاسور عباد وجاي تقيم معهد لعد تتكلم بحاجات ما تعرفها
ولا اوصيك بالمعهد المعفن حقكـ سجل فيه وخل الفا ولا بس تنصح وتكذب على الي هنا وانت رايح تسجل بـ الفا

ليش هيك انتم

روحوا شوفوا الملتقيات حقت الدول الثانية....

يساعدون الكل ويذكرون كل ايجابيات وسلبيات المعاهد بدون ما احد ينتقص من الثاني...

أنا عارفه ان العقليات تختلف..ومو بالضروره ان المعهد الفلاني اعجبني واستفدت منه يعني انا صح وغيري غلط.....

والعكس صحيح...

تمنيت لو يكون فيه موضوع واحد يخص المعاهد كل واحد مشكور يدخل ويذكر لنا وش استفاد من المعهد...وشو أبرز السلبيات والايجابيات.....

والطالب هو اللي رح يقرر في الآخر بعد مايحصل كم من المعلومات....

طلاب امريكا وكندا قد راسلوا المعاهد وجابوا لهم قبولات وحنا الى الآن مارسينا على بر........

لا تقولون لي طلاب امريكا وكندا أكثر....عشان كذا يلقون اجابه سريعه

لأن حتى لو كنا قليلين رأيين أو ثلاثه عن كل معهد تخلينا نعرف نختار

عموما.....
مشكورين جميعا

مع كثر انشغالكم ودراستكم الا انكم معنا ع طول.....

ربي يوفقكم ويجزيكم خير الجزاء.....
والله يقدرنا ونساعد المبتعثين في المراحل القادمه

وانتم اساتذتنا..........


احترامي