استفسار طلاب الماجستير المبتعثين لـ إيرلندا (هل وصلتكم قبولات اللغه من الملحقيه ) ..؟؟

أنا صارلي تسعة أيام مرسلهم جميع الأوراق اللي طالبينها
ولا حس ولا خبر

انا اخوي كلم صديقه بدبلن يوفر لنا قبول هاليومين

بس عندي سؤال اذا ممكن :
الحين انا وصلني الضمان على الايميل ..كيف اجيب لاخوي المرافق ضمان ؟؟

يلا هم قالو بعد عشر ايام نشوف وش يصير ..
الله يهديهم بس طيب يطمنونآ بـ رد منهم او اي شيء ماندري هل وصلتهم بيناتنا كامله او ..

’
راحيل /
ماتقدرين تجيبين ضمان لـ اخوك من الوزاره ..
جيبي له قبول وضمان مالي من عندك لان ف الملتقى الدكتور ماجد الحربي سئلته وحدهـ نفس السؤال ورد عليه ( انو حال وصول المرافق لدوله الابتعاث يعطونه ضمان مالي ويجيب له قبول ..
قال انو اللحين خليه يجيب له قبول وبشهاده بنكيه وبس يوصل هناك يعني يعطونه ضمان مالي ) ان شاء الله فهمتي علي هههه ..

موفقين الجميع ..
ياليت اللي وصله قبول او خبر او يطمنآ ..

أنا راسلت المعهد بس لساتهم ماردو علي , لاني راسلتهم ليلة السبت يعني ويك اند عندهم , بنتظرهم لين يومين ولو ماردو رح أرسل للوزاره يجيبو لي القبول الله لايهينهم
وأكيد ان الوزاره مضغوطين عشان كذا ماردو بسرعه , طولو بالكم

بعدين اللي فهمته ان المرافق مايجيب له قبول من هنا , أظن اذا راح هناك يراسل الملحقيه ويعطوه الضمان , من قال انه يجيب القبول بشهاده بنكيه ؟!

آميـــــــــــــــن يارب
الله يطمن قلبك وان شاء الله يوصلك القبول هاليومين

ماأبغى أصدمكم بس أنا لي اسبوعين أرسلت للملحقية اللي طالبينه ولا أحد عبرني ورد علي وأخر يوم لي في ملتقى جدة أمس السبت زوجي سال أحد الموظفين في الاستفسارت فقام رد عليه وقله اذا تدور قبول لغة لماجستير ماراح يجيبونلك وأحسن لك خذ الضمان وانت جيب قبول لغة فرد عليه زوجي معصب ليش يرسلون لنا انهم بيجبون قبول ونستنى على الفاضي ويعطلونا كم اسبوع واحنا ننتظر والحين صعب نجيب قبول الا بعد الكريسمس فرد عليه انه هما أرسله فقط لطلاب البكالوريس واذا وصلتك رسالة منهم فهو خطا أو ان السيستم مبرمج وأرسل لكل اللي في اللسته عندهم أصلا هما بالزور بيجبو قبول للبكالوريس ماعاد بيجيبوا لكم ونصيحه خذ ضمانك وراسلك المعهد اللي تبغاه ولا جبت قبولك تعالنا الرياض وخذ خطاب السفارة واستخرج الفيزة وخلص أمورك وتوكل على الله.
وطبعا عبيت بيناتي في الملتقى وساعة واحدة بس والضمان يجيني على الإيميل والحين أنا في حوسة القبول الله يعين.

بس حبيت أستفسر هل ممكن مكتب تجسير يجيب لي قبول من دون مقابل علما انو معاي الضمان المالي؟

^^
وتونه.. ولا تتضايقي ولا شي..
هنا اكثر من شخص الله يجزاهم الخير عرضو خدمتهم في توفير القبول للي يحب ومايبون غير دعوه توفيق من القلب
حاولي تتواصلي انتي وزوجك مع واحد منهم وان شاء الله كلها كم يوم ويوصلكم القبول..

بالوفيق يارب

طيب انا الضمان عندي الحين لكن ماراح اسافر لشهر مايو 5 من الحين اراسل المعهد واخذ قبول ولا اتاخر شوي ؟؟؟؟