حايسه بعمري ساعدونيً

^^^

هنا الإجابات المشبعة!
والغير مشبعة عندنا لك إذا ما شبعتي!!

التقديم الإلكتروني على المرحلة السابعة

Good luck sis

اختي روز
هدي السرعه شوي شوي ...

اولا وعليكم السلام ورحمه الله وبركاته ...

قبل كل شي اقولك " استخيري "

بالنسبه للتسجيل انا بقولك اللي مريت فيه :

1/ التقديم عن طريق موقع وزاره التعليم العالي ...
2/ تجيك رساله عالايميل والجوال بالقبول المبدئي... وبيقولولك ايش الاوراق المطلوبه.
3/ التدقيق ...وتاخذي معك الاوراق المطلوبه من ( الوثيقه مترجمه + السجل الاكاديمي مترجم + صك الولايه لو كان مرافقك غير الاب او الزوج ) .
4/ فتره انتظااااار ممله ... انصحك في هالفتره تروقي وتبحثي عن كل شي حابه تعرفيه عن ايرلندا من الالف الى الياء ..
5/ القبوووول النهائي ...ونقولك الف مبرووووووك باذن الله.
6/ البحث عن معهد... وهذا سهل جدا " ومن هنا لين التسجيل بتكوني جمعتي معلومات كافيه عن المعاهد الممتازه " وطريقه التسجيل مره سهله لو الله كتبلي عمر ان شاء الله بساعدك "
7/الضمان المالي... " تراسلين الوزاره بطلب الضمان او تروحي لهم ويعطونك الضمان على المعهد اللي جبتي منه قبول ".
8/ الفيزا .
9/ قرار الابتعاث ...." انتبهي الفيزا وقرار الابتعاث طلعيها قبل سفرك بشهر او اقل لان الفيزا مدتها 3 اشهر وتنتهي "
10/ التذاكر وتجهيز الشنط وركوب الطائره ونقول فمان الله يمسافر
11/ لاتنسين البحث عن سكن هذي نقطه مهمه جدا .


سؤالك عن الجامعات المعترفه >>> الجامعات والكليات المعترف بها | الملحقية الثقافية في بريطانيا وايرلندا | UKSACB

هنا ابحثي عن التخصص >>> الدراسة في أيرلندا | جامعات أيرلندا

اما سؤالك عن البري ماستر : حسب ما فهمت انه برنامج يساعدك في دراسه الماستر مدته كورس او سنه حسب التخصص ..( تحتاجينه لو مثلا تخصصك بالبكالوريوس مختلف عن الماستر , او لو خلصتي فتره اللغه وماحصلتي قبول جامعي فا تستغلي الوقت فيه لين تحصلي قبول جامعي , او مثلا لو خلصتي فتره اللغه وكان في وقت طويل لين دراسه الجامعه يمديك تاخذي فيه كورس بري ماستر )..

ملاحظه " ايرلندا نااادرا جدا ماتقبل بتخصص غير امتداد لتخصصك "

اممم الدراسه في ايرلندا حلوه او لا ؟؟؟
انا صراحه لسى ماجربت ...ان شاء الله اهل التجربه يعطونك الجواب ..

متى يصرفو المكافئه ؟؟
مدري بس على ما اعتقد بعد ماتفتحي ملف بتنزل بعدها بكم اسبوع "والله اعلم ".. بس احسبي حساب انك تاخذي مبلغ عشان تمشين امورك الين تنزل المكافئه..
.................................................. .................................................. .................................................. ..................................

والله اني تعبانه بس ماحبيت اطلع من موضوعك بدون ما اجاوبك باللي اقدر عليه..

اتمنى اني مانسيت شي .. ولو نقصت شي مني او مناك فالعذر والسموحه وان شاء الله باقي الاعضاء مايقصرون معك

اسال الله لي ولك وللجميع التوفيق لما يحبه ويرضاه .

الكهل ورحايل شكراااا جزيلا الي مبيلي انها معقده شوي بس الله يسهل مشكووور وكم مكافات الشخص الواحد الي يدرس ماستر وكم المرافق وهل تعيشك المكافاه ولا لا

^^^
يبين لك انها معقدة لأنك كومتيها مرة واحدة!
لكنها اسهل مما تتصوري لأنها تأتي بالتدرج وتمشي بسلاسة!!
الموضوع المادي لا بد من التفكير فيه وعمل احتياطات اضافية وعدم الاعتماد على المكافأة فقط!!!
المهم أبدي من هالحين جمع الدراهم والمعلومات العامة عن الموضوع من كافة جوانبه وكله بحسابه!!!!
المكافات موضحة بموقع الملحقية والمرافق له نصف مكافاة المبتعث الأساسي وايرلندا تعتبر غالية نوعا ما وخاصة العاصمة دبلن!!!!!
تخصص التغذية اذا كان علمي لايسمح به لأنه التخصصات النظرية ما تقبل تحويلها الى تخصصات علمية أيا كانت واحتمال يكون ترشيحك تسويق وبعد الوصول هناك تغيريه الى امتداد تخصصك الحالي!!!!!
هناك احتمالات ضعيفة باضافة تخصص الانجليزي مع تخصصات المرحلة الثامنة من البرنامج لسد احتياجات الجامعات المتزايدة للتخصص المذكور ومن هنا لشعبان كل شيء يبان!!!!!! موفقة ان شاء الله، تحياتي

شكرا الكهل الطموح الف شكر وعلى فكره اخوي قالتله الملحقيه انو التقديم للمرحله الثامنه بشهر ٥ يعني بعد شهر مدري واخوي متكد وانا مستغربه عالعموم الله يكتب الي فيه الخير وراح الجا اليكم بعد الله ادا استجد جديد

^^^
أكيد بتوقيت أستراليا الي دوم قدام! ههههههه
عموما اتوقع برجب اعلانها، وعش رجبا ترى عجبا!!
لا تترددي بالسؤال عن أي موضوع ابتعاثي بأي وقت وستلقين التجاوب من الجميع هنا!!!

بالتوفيق ان شالله تعالى

الله لا يحرمني من طيبتكم وكرم اخلاقكم مشكور الله يكتبلكم الخير والتوفيق فين ما رحتو