ابي فندق اواثنين قريبين من معهد انترناشونال هاوس دبلن (وينكم يأهل ايرلندا؟؟)

السلام عليكم
بالتوفيق ان شالله

بالنسبة للموقع
international house dublin
lower camden street dublin 2

المعهد يبعد اقل من ١٠ دقائق مشي ل grafton street احد اهم الشوارع في دبلن .. وبداية السيتي سنتر
بالنسبة ل اللويس .. الجرين لاين يوقف قريب منه .. وتقدري اما توقفي بمحطة harcourt او بمحطة stephen green - محطة هاركورت اقرب بيكون دقيقتين مشي فقط
بالنسبة للباص .. على باب المعهد فيه موقف باصات .. وهذا اللي اتذكر يمر عندها 16-16a-19-19a-122-128
قدام المعهد في tesco .. سوبر ماركت كبير نوعا ما ..
المنطقه حلوة كدراسة .. بس لاتسكني على نفس الشارع لانه يكون مرة ازعاج بالليل من السكارى

فيه عدة فنادق حول المعهد كلهم راح يكونو ازعاج بالليل بس اذا كنتي حابة قريب .. ومو هذاك الازعاج .. انا سكنت اكثر من مرة هذي الجهة والازعاج يكون في كم ليلة في الاسبوع وباقي الليل اوكي
فيه كويس غالي وفيه رخيص مستوى لابآس فيه
بالنسبة للكويسين اقرب واحد فندق camden court hotel يكون مقابله تقريبا غالي شوي
وفيه في حدود ١٠ دقائق مشي فندق hilton hotel - mercer hotel - fitzwilliam hotel - radisson blue hotel - camden deluxe hotel

بالنسبة للرخيصين فيه harcourt hotel - jackson court - russel court
وفيه واحد مو ذاكرة اسمه صراحة بس على نفس شارع المعهد رخيص ومستواه اوكي

بالنسبة للمجمعات القريبه فيه iveagh court - harcourt green - harcourt hall - harcourt mews , earlcourt
اللي اشوفه ان iveagh court وهاركوت جرين هم الافضل من ناحية الهدوء
فيه مجمعات بتاخذ منك مسافة ثلث ساعة مشي وانا اشوفها افضل من ناحية الهدوء مثل adelaide square - cathedral court

هذا اللي في بالي واذا فيه شي اسآلي
طبعا اجابتي بحكم اني كنت ادرس في المعهد وسكنت في هذي المنطقه قرابة سنة ف اذا فيه شي ثاني اسآلي ولا تترددي

مشكوووووووووووووووووووووووره حيييييل اختي سمر ربي يسعدك ويوفقك على تجاوبك السريع بالنسبة للفندق يعني انتي ترشحين

hilton hotel - mercer hotel - fitzwilliam hotel - radisson blue hotel - camden deluxe hotel

بالنسبة للرخيصين فيه harcourt hotel - jackson court - russel court


المصدر: http://www.mbt3th.us/vb/forum124/thr...#ixzz1nxuxLzPu
حفاظاً على حقوق الكاتب نرجو عدم حذف المصدر مبتعث

طيب كم يورو بالليلة هاذيلا ؟؟؟وبالنسبة للمعهد بحكم انك درستي فيه شنو وضعه من حيث دراسة واساتذه وجو دراسي كيف ؟؟ وبالنسبة للمجمعات السكنيه للشقق المناسبة اللي ذكرتيها بكم اجارها شهريا وهل مؤثثه تأثيث كامل يعني ابغي تفاصيل اذا ممكن والله يعطيك الف عافية اختي سمر .

أهلين أختي..
للمعلومية فقط، تم نقل مقر المعهد إلى مكان جديد( المكان الذي أشارت اليه الأخت سمر هو المقر القديم)
الموقع الجديد هو Dawson street, Dublin 2
للمزيد من الايضاح، يرجى الاطلاع على الرابط التالي:
Google Maps

للمعلومية: المسافة بين المقر القديم والجديد هي تقريبا 20 دقيقة مشي
بالتوفيـــــــق

يعطيك الف عافيه اخوي على ايضاحك . بس الموقع اللي انت حاطه كانه موقع لكليه مو المعهد اللي انا اقصده ياريت الاخت سمر تعقب على الموضوع وتوضح اكثر بحكم انها خبيرة بإيرلندا واذا صار هذا الموقع فعلا اذا ممكن عندك فكره عن الموقع الجديد من حيث فنادق قريبة من موقعه الجديد وايضا سكن ومجمعات شقق قريبه اذا تعرف اي شي تفيديني فيه ياريت ماتقصر وتكسب دعوة بظهر الغيب . ربي يوفقك ويسعدك .

اوه عذرا اختي ماكان عندي علم بهالشي .. بس دخلت موقعهم وفعلا مكتوب ان غيرو الموقع الى 60-63 Dawson Street .. ان شالله بشوف الفنادق القريبه منه وبرد لك ..
بس ترى موقعه برضو حلو .. بنص السيتي سنتر ..

ان شالله احد يفيدك بخصوص السكنات ..
على فكرة اختي فيه المشرف القيصر منزل موضوع مثبت يساعد فيه الطلاب على حجز الفنادق بالمنطقه المطلوبه والسعر المناسب لك ..

harcourt hotel
سمعت انه في سعوديين نزلوا فيه ويقولوا سعره حلو .. ومايعتبر بعيد عن المعهد وبعد ماتستقري ممكن تشوفي دبلن 8 للسكن مره حلوه المنطقة وهادية
هذا المجمع ممتاز

بالضبط أختي، مقر المعهد هو نفس مقر كلية انديبيندنت كولج(يعني متشاركين في نفس المبنى)
المنطقة جدا رائعة، وأكيد بتلاقي خيارات كثيرة للسكن
بالتوفيـــــق

مشكوره اختي wymw على هذه الاضافة الحلوة بموضوعي طيب دبلن 8 كم تبعد عن موقع المعهد بدبلن 2 سواء بالباص اوباللويس ؟؟؟ وبكم الشقق فيه غرفتين وصالة بالشهر ؟؟؟ ولواني افضل اني اسكن قريب من المعهد حتى اجي مشي يعني مثلا ربع ساعة او 20دقيقة حلوه مااحب المشاوير اليومية بالباص .

مشكور اخوي على اهتمامك ومشاركتك اتمنى اذا احد عنده خيارات بالنسبة للشقق او المجمعات السكنيه القريبة من المعهد ينورنا الله يسعدكم خصوصا اني جاية بعد اقل من شهر شهر تقريبا وببدا الدراسة في اول ابريل ان شاء الله .