كل مايخص دراسه الماستر في ايرلندا ..!

السلام عليكم انا مبتعث في كندا وناوي احول بريطانيا او ايرلندا ماجستير احياء وجايب 5.5 في الايلتس وعندي اختبار الاسبوع الجاي ادعولي اجيب 6 هل ممكن ادرس بري ماستر في بداية السنة وهل في جامعة عندها ميكروبيولوجي في بريطانيا او ايرلندا وسؤال اخير هل ممكن اطلع الفيزا البريطانية او الايرلندية وانا في كندا اتمنى تفيدني اختي cs-girl وشكرا

البري ماستر ممكن تدخله ب ٥ ونص او ب ٦ وفيه شرح لموضوع بري ماستر من قبل حسب اذا كان متوفر لتخصصك او لا
الماستر اللي بداية السنة لازم يكون عندك ايلتس ٦ ف ان شالله تجيبها .. ايلتس ٥ ونص يدخلك البري ماستر اللي ب سبتمبر

متي يبدأ الماستر ؟ و متي يبدأ البري ماستر ؟ والله صار عندي لخبطه !! ممكن احد يجاوبني بليززززز

وعليكم السلام ورحمه الله ...
بدرجه 5ونص تقدر تدرس بري ماستر بدايه السنه في سبتمبر في الجامعات دى سي يو او يو سى دي
ولو جبت 6 تقدر تقدم على البري ماستر اللى يبدا في فبراير ....
او تقدم على الماستر مباشره في الجامعات اللى تقبلك بدرجه 6 مثل كورك وجالوي وكليه الدي اي تي

ايرلندا تخصصاتها محدوده اذا ناسبك تخصصك موجود هنا فشى كويس (( ذكرت التخصصات الاحياء ببدايه الموضوع تقدر ترجع تشوفها ))
لكن بريطانيا بتلاقي خيارات اكثر لك (( تخصصات بريطانيا مدري عنها بس تقدر تبحث ))

بالنسبه للتحويل لازم يكون عندك قبول نهائي عشان تحول البعثه من بلد لاخر
والفيزا ماعندى خلفيه عنها كيف تستخرج من كندا .. بس اتوقع انو شى ممكن وتقدر تسال الملحقيه عن هالشى بعد ما تحول بعثتك ...

هذا اللى عندى واللى اقدر افيدك فيه
موفق

ودعواتكم ....

اخوى لا لخبطه ولا شى ....
ذكرت انا متى يبدا والدرجه المطلوبه لكل شى ببدايه الموضوع
ارجع للرد رقم 1 وراح تلاقي اجابتك .... وحطيتك لك تحتها خط عشان تكون واضحه للجميع

موفق

الله يعطيك العافيه ؛ مشكوووووووره .

مساء الخير

انا مرشح لتقنية نانو ولقيت تخصص نانوبيولوجي باليو سي دي

اللي يقدر يفيدني كم درجة الايلتس المطلوبة له ، وهل له بري ماستر او ماستر على طول ؟

ستجد الاجابه على الاسئله في بدايه الموضوع

شكرا جزيلا على الرد وبارك الله فيكي عزيزتي ^_^

السلام عليكم

انا تخصصي بالبكالوريس نظم معلومات حاسوبية وحابه اكمل الماستر فيه بس للاسف مالقيت بجامعات ايرلندا الا ماستر نظم معلومات ولكن تحت كلية المكتبات والمعلومات

السؤال هل الوزارة تعادلي هذا التخصص والله مره محتاره الى الان ماجبت قبول بسبب حيرتي بالتخصص لاني ماابغى تخصص برمجي لاني مااخذت كورسات برمجة كثير وخايفه اتورط

وانا مو حابه اغير ايرلندا

وجزاك الله خير