كل مايخص دراسه الماستر في ايرلندا ..!

 المشاركة الأصلية كتبت بواسطة طاااالبة علم

السلام عليكم

انا تخصصي بالبكالوريس نظم معلومات حاسوبية وحابه اكمل الماستر فيه بس للاسف مالقيت بجامعات ايرلندا الا ماستر نظم معلومات ولكن تحت كلية المكتبات والمعلومات

السؤال هل الوزارة تعادلي هذا التخصص والله مره محتاره الى الان ماجبت قبول بسبب حيرتي بالتخصص لاني ماابغى تخصص برمجي لاني مااخذت كورسات برمجة كثير وخايفه اتورط

وانا مو حابه اغير ايرلندا

وجزاك الله خير

وعليكم السلام ورحمه الله وبركاته

اختي تخصصات الحاسب بايرلندا ليست كثيره جدا .. لكن العدد لا باس به
ذكرت انا ببدايه الموضوع جميع التخصصات الموجوده بايرلندا والتابعه لكليه الحاسب
واعتقد فيه تخصصات تقدرين تاخذينها تكون مدموجه بين الحاسب والبزنس وضعت رابط لموضوع وحده من الاخوات تتكلم عن الشى هذا وتلاقينه مع الرد المخصص لتخصصات الحاسب
لكن مساله تاخذين من كليه المكتبات فاعتقد انو بيكون عندك اشكال بالموضوع وعشان تكونين بالسليم اساليهم افضل لك عشان لا ترجعي وتكون شهادتك غير معادله للماستر
اسالي بوقت الملتقيات ... ايضا بامكانك مراسله لجنه معادله الشهادات تلاقين ايميلهم على موقع الوزاره

دام ماعندك خلفيه برمجيه كثير حاولى تاخذين شى يكون النظري فيه اكثر من العملي
فيه تخصص التعليم التفاوضي بالحاسب بجامعه اليو سي دي (( ماعندي خلفيه عنه لكن اتوقع انو اغلبه امور نظريه ))
وفيه تخصص تقنيه معلومات بجامعه جالوي

فممكن هالتخصصين يناسبونك ... وانتى شوفي الخطه الدراسيه للتخصصات وراح تعرفين اذا بيناسبك او لا

موفقه

السلام عليكم ورحمة الله وبركاته
انا ابغى احول من امريكا لايرلندا وقالولي بالملتقى
اول حاجه كيف الشهاده بايرلندا تعادل دبلوم عالي والاماجستير
ثاني حاجه انا بكمل بامتداد تخصصي بالبكالريوس يعني رياض بكمل ماستر ياض اطفال
بس هل تحسب دبلوم اولا


وبالنسبه للملتقيات
كيف احضر اول يوم امريكا بعدين ايرلندا والاكيف
بليز افيدوني

شهاده بايرلندا تعادل ماستر ....لو درستى بنفس امتداد التخصص
لو غيرتى امتداد التخصص ايرلندا يصدرون لك شهاده ماستر لكن لجنه المعادله الشهادا بالسععوديه ما اادري ايش وضعهم بالحاله هذى .. (( اسالي بالمتلقيات ))؟

تاكدى من وجود تخصصك بايرلندا لانه جدا التخصصصات قليله ... بامكانك متابعه الروابط المذكوره ببدايه الموضوع والبحث عن نخصصك بنفسك اذا استطعتي
او اسالى احد يفيدك ...

بخصوص التحويل اسالى بالملتقيات ماعندى فكره عن الشى هذا ...

موفقه

بالنسبة لتخصص التفاوض بالعكس ابدا مو نظري واللي فهمته تختاري المواد وكلها بالتخصص البحت << ماحبيته ماله خطه محدده

بالنسبة لجالوي ملتزمه بدبلن عشان المرافق



ايش رايك بمعهد دبلن للتكنولوجيا DIT لقيت عندهم تخصص( MSc in Computing (Information and Knowledge Management

وكمان هالتخصص M.Sc. in Security and Forensic Computing في جامعة DCU حسيت خطته حلوه بس خايفه انه صعب لاني اخذت كورس واحد أمن شبكات وصيفي كمان هذا الشي المرتبط فيه بس

واخاف اذا اخذت تخصص مدموج حاسب وبزنس مايعادلوها ماجستير حاسب لانها تندرج تحت كلية البزنس

معليش طفشتك بس ماشالله شكل عندك خبرة باتخصصات الحاسب

وكمان سؤال تتوقعي 6 ونص صعب الواحد يجيبها لاني قابلت ناس كثير مو قادرين يجيبوا هالدرجه ويضطروا يدرسو بري ماستر وانا وضعي صعب يادوب اقدر اخذ سنه لغة وماستر سنه ثانيه

ويعطيك العافيه

[QUOTE=طاااالبة علم;1062117968]بالنسبة لتخصص التفاوض بالعكس ابدا مو نظري واللي فهمته تختاري المواد وكلها بالتخصص البحت << ماحبيته ماله خطه محدده

والله مدري عن التخصص بس انا نفسي لمن قراته مافهمت ايش يعني ...

بالنسبة لجالوي ملتزمه بدبلن عشان المرافق



ايش رايك بمعهد دبلن للتكنولوجيا DIT لقيت عندهم تخصص( MSc in Computing (Information and Knowledge Management

كويسه الكليه هذى والتقديم عليها سهل وطالبين بس 6 بالايلتس يعني تقدرين تجيبنها بسهوله لو درستي وشديتي حيلك
اعتقد بعد فيها 3 تخصصات للحاسب اذا ما كنت غلطانه

وكمان هالتخصص M.Sc. in Security and Forensic Computing في جامعة DCU حسيت خطته حلوه بس خايفه انه صعب لاني اخذت كورس واحد أمن شبكات وصيفي كمان هذا الشي المرتبط فيه بس

واخاف اذا اخذت تخصص مدموج حاسب وبزنس مايعادلوها ماجستير حاسب لانها تندرج تحت كلية البزنس

هالتخصص انا ادرسه حاليا بري ماستر ومااخفيك صراحه اذا ماعندك خلفيه قويه بعلوم الحاسب ممكن يكون شوي صعب
انا بدرس حاليا ماده وحده ماستر وحاسه انى تايه فيها شوى وفيه ارتباط باساسيات البرمجه
تقدرين تاخذين هالكورس بس مابتطلعين من نطاق البرمجه وامن البرامج والاختراقات

فيه كورسات تشمل حاسب وبزنس ويكون فيها كورسات من مواد الحاسب يعني تقدرين تاخذينها
بس انتى اسالى الوزاره وتاكدى اذا مسموح لك فيها .... هي بتكون اسهل من انك تدرسي شى تابع للحاسب فقط
بس لمن تاخذي شى من كليه الحاسب بيكون افيد لك

معليش طفشتك بس ماشالله شكل عندك خبرة باتخصصات الحاسب
ه

هههههههههههههههههه
بحكم انه تخصصي وبحثي عن التخصصات بالجامعه تقدرين تقولين عندي معلومات لاباس بها

وكمان سؤال تتوقعي 6 ونص صعب الواحد يجيبها لاني قابلت ناس كثير مو قادرين يجيبوا هالدرجه ويضطروا يدرسو بري ماستر وانا وضعي صعب يادوب اقدر اخذ سنه لغة وماستر سنه ثانيه

ويعطيك العافيه


6ونص مو صعبه وبنفس الوقت مو سهله .... بس باللنسبه للحاسب تلاقين جامعات كثيره تقبلك ب 6 للماستر مثل كليه الدي اي تي في دبلن - جامعه كورك - جامعه جالوي
البري ماستر بيخليك يشوي تندمجين مع البيئه الجامعيه وتكثفين وقتك للدراسه اول مادتين بالماستر عشان ماتتعبين بالماستر وتتعودين على اسلوب دراستهم .... لكن تقدرين تبدين الماستر مباشره

موفقه اختي

الله يجزاك خير يارب

مانستغنى عن خدمات زميلة المهنة

واحنا بالخدمه باللى نقدر عليه ان شاء الله

ممكن يكون سؤال غريب شوي ...في احد اقاربي جاءه قبول بمعهد في جالوي وليس عنده قبول جامعة وهو مقدم على جامعة بدبلن ..
السؤال هو اذا جاء له قبول بجامعة بدبلن هل ممكن يكمل في اللغة بجالواي ويدرس الجامعة بدبلن يعني ما يشترطو عليه الجامعة ان يدرس في معهدهم او في معهد قريب منهم ؟

دراسه اللغه تكون باي مكان يرغب فيه الشخص المهم بالاخير يختبر ايلتس ويجيب درجه الايلتس
القبول بالجامعة يشترط درجه ايلتس فقط ولا يجبر الشخص بدراسه اللعه لديهم وحتى لو تمت الدراسه لدى معهد الجامعه لابد من الحصول على درجه الايلتس للالتحاق بالجامعه

يعني ادرس اللغه باللمكان اللى ترغب فيه
والماستر بالمكان اللى ترغب فيه

يعطيك العافية .. لانه بيدرس على حسابه الخاص ...يعني الجامعة تتطلع له قبول جامعة قبل ما يخلص اللغة ؟