كل مايخص دراسه الماستر في ايرلندا ..!

ما ادري صراحة بس يمكن احاسيس الغربة والقلق وكنت ابغى بزنس او تجاري دولي والحمدلله كانوا متوفرين.

شوفي ي ستي حنصحك نصيحة من خبرة والقرار لك.
انا كنت اشتغل مستشارة قانونية قبل ابتعاثي وفيه عجز حالياً ف خريجات القانون من ناحية التجاري الدولي والبزنس بفروع خاصة اللي يتقنون الانقلش بطلاقة وكان عملي مع غير سعوديات/ غير سعوديين وغير عربيات/ غير عرب ف اغلب المكاتب تستعين فيهم عشان لفتهم.
انا كان ف بالي حقوق الانسان بس رجعت شلته من راسي لان اقدر اشتغل بحقوق الإنسان حتى لو كنت خريجة قانون تجاري مثلا.
وكان معايا وحدة خريجة حقوق انسان من يو كي بس يوم جات تشتغل كل شغلها معانا بزنس وتجاري وشركات!
ك بنت عاملة ف مكتب محاماة كان كل الشغل بزنس للبنات و الرجال هم اللي يباشرو القضايا بالمحاكم < كان لسا مافي رخص وقتها
وحتى بعد الرخص احس اغلب المكاتب تفضل المرأة ف مجال البزنس عشان فينا دقة ف التفاصيل مثلا
الجنائي ما حيفيدك كدراسة وكعمل لانه مختلف تماماً عن الانظمة ف السعودية جملة وتفصيلاً

الا لو درستي جنائي دولي ولكن ما ادري من اي ناحية وثيقتك حتفيدك، حتستفيدي من ناحية تعليمية ولكن انا اتكلم من ناحية عملية
فكري بتخصصاتك وبعدين ابدي ابحثي عن جامعات توفرها لك ف الدولتين وتكوني قطعتي نص المشوار ب اتخاذ قرارك
بالمناسبة يو سي دي وترنتي و كورك توفر تخصصات جنائي وحقوق انسان.
واللي استنتجته من شغلي أنو مايركزو ف السعودية كم ترتيب الجامعة دام معترف فيها ولهت سمعة في بلد الابتعاث مو شرط ع العالم وهم يركزو ع عدة نقاط ف مجال العمل القانوني: لغتك/ إطلاعك بالنظام السعودي/ ومعدلك وبحث تخرجك/ استفادتك من تجربة دراستك ف الخارج.
دا رأيي من واقع تجربة وما اعمم ابدا واتمنى انه يفيدك ويسهل عليك.

مرحبا ياجماعه ..انا محتاره اش افضل من هالدول لدراسه البزنسس من حيث انو متساهلين بالجيمات يعني ممكن مايطلبوها - المعيشه - الطقسسسس - الامان ...

كندا امريكا ايرلندااااااااااا

اش تنصحوني بالترتيب

محتاره ومرتاحه لامريكا وايرلندا

- - - مشاركة محدثة - - -

وو تدوني ايماء الجامعات اللي تدرس ماستر بزنسس بدون جيمات في ايلرندا اكون شاكره لكم

صح هما كدا ينقصووو انا كنت ببريطانيا اول لدراسه كم كووورس وكانوا كدا يتعاملو بالدرجات

انصحك تدوري عن البزنس ف موقع جامعة ترنتي و يو سي دي و كورك
عندهم بزنس لكن بالنسبة للجيمات مااعرف بس شوفي ف متطلباتهم الموقع جدا سهل الاستخدام.

المعيشة لو سنقل مريحة وتكفي المكافأة بس في مشكلة ف الطلاب يحولو كل شي بحسبة ريال سعودي ودا غلط! لانو انت تعيش بعملتهم ففكر بعملتهم ومستواهم الاقتصادي مافي اي وجهة مقارنة بين سعر شي ف السعودية و شي ف ايرلندا.

الطقس ممطر يومياً ودي النقطة السلبية صح المطر بركة ولكن اقصد مزعج أحيانا ف المشي وخلافه
بالنسبة للامان ف الوضع امن ف جالواي وكورك مثلاً و انصح فيها كدراسة لغة بعدين الانتقال للعاصمة للجامعة.
دبلن امان ف الصباح وقت الغروب زي اي عاصمة من الأفضل تجنب الخروج بشكل مفرد ف الأماكن اللي فيها تجمعات أو مشاكل.
البلد دراسي بحت ف وسائل الترفيه ما تقارن ب امريكا ولكن اللي يميزها كعادتي اقول موقعها حلو عشان دول أوروبا جمبك والطيران رخيص للسفر ف الويك اند كتمشية باريس لندن سكوتلندا..الخ

الجامعات عددها محدود يعني فرصة قبولك محدودة بدرجتك ف الايلتس ف اللي يحس انه ممكن يهوي ومايدرس يروح امريكا عشان خيارات الجامعة اوسع.

^

الله يوفقك يا اروى

عندي اسئلة كثيرة ، للاسف المعلومات قليلة جداً عن ايرلندا ونظام دراستها والقبول وهالاشياء
انا ابي ماستر مالية ، وما ادري كيف نظام دراستهم للماستر صعب سهل اي شي عن نظام الدراسة وعن الدارسين فيه خريجين او مافيه؟ ، فيه متعثرين؟ اسمع ان المتعثرين بامريكا قليل بس ما اسمع شي عن ايرلندا
اعرف انه سنة وانهم يبون 6.5 ايلتس بس ماعرف اكثر من كذا!!
ولغتي ضعيفة دخلت مواقع جامعاتهم وترجمت طلباتهم بجوجل واستغربت ان بعضهم يبي مرتبة الشرف!! مادري هل فعلا يبون مرتبة الشرف بالبكالوريوس
انا معدلي 4.17 وخايفة ما انقبل ، او مايعطوني قبول مشروط ، ما ابي اسافر بدون ما احصل على قبول مشروط ، اخاف اروح واتورط وما انقبل
مع العلم اني سجلت بالموقع اللي ذكرته الاخت ، بس باقي ما سويت شي ابي اجهز اوراقي واخلي احد يتفاهم معهم

غير كذا ابي اعرف وش الاوراق اللي يبونها للقبول ، يكفي السجل الاكاديمي والوثيقة والجواز؟ ولا لازم معاهم التوصيات لاني الى الان ماطلعت توصيات للاسف ، وهل يشترطون انها على شكل براجراف ولا مايهتمون؟
وابي اعرف هل سهل الـ ucd يعطوني قبول مشروط؟
ورأيك بجامعة dcu بماستر المالية؟
وهل فيه خليجيات او سعوديات ، هذا شيئ انا خايفة منه بعد ، اخاف من الغربة ، نفسي يكون معاي كم سعودية او خليجية على الاقل بالمعهد او الجامعه ، حتى لو ثنتين راضية خخخ

كثرت عليك باسئلتي ، الله يعطيك العافية ويجزاك خير ويرزقك من حيث لا تحتسبين يارب

انا جيت هنا اهرب من العرب طلع فيه عرب هههههه ف تطمني حتلاقي ماشاءالله منتشرين ف أرجاء المعمورة. اول حاجة عبال ما اجهز ردي للي فوق.

انتي مبتعثة؟

^
^

مقدمة على الابتعاث للمرحلة العاشرة

بالنسبة ل يو سي دي فهي ثاني أفضل جامعة ف ايرلندا.
تخصصي طلبو مرتبة شرف وكان من شروط القبول بس مدري عن المالية.
الجامعات زي يو سي دي و كورك تدي قبول مشروط ما عدا ترنتي
يطلبو للقبول عادة كشف الدرجات و الوثيقة و توصياتك وعادي اي كان شكلها انا خريجة عبدالعزيز ونماذجنا موحدة ولكن عندي توصية مختلفة خليت استاذة تسويها ف قدمت توصيات موحدة من الجامعة مع التوصية المختلفة وتوصية من شغلي.
ويطلبو خطاب تتكلمي فيه عن نفسك وليه تبي الجامعة الفلانية والتخصص الفلاني.

صراحة ماقد سمعت عن متعثرين مدري واسئلة تخصصك ان شاء الله بكرا حراسل يو سي دي و دي سي يو عشانك تبع مرتبة الشرف و القبول المشروط وحنسخ لك ردهم اذا ردو..

^
^

جزاك الله خير ، بتفيدينا كثير خاصة اني مو الوحيدة اللي حاطه عينها على ايرلندا من اللي يبون تخصص مالية بالمرحلة العاشرة
يعطيك العافية ، افدتيني جداً وانتظر ردهم لك ، شكراً جزيلاً

الله يجزاتس خيز يا اختي
ياليت تعلمينا بردهم لانه شرط مرتبة الشرف بيجيب لي العقده معدلي ٢،٨٥ من ٤ لكن مو مرتبة شرف وخايف ما القى قبول بسبة المعدل


( تمت المشاركة باستخدام تطبيق مبتعث )