طريقه التقديم على الجامعات الايرلنديه لدراسه الماستر ..!

يعطيكي العافيه يارب

انا راسلت DIT بشهاداتي والسجل الاكاديمي والتوصيات وماارسلت لهم انو عندي خبره معا العلم انو عندي خبرة حدود الاربع سنوات هل تتوقعي ياثر على قبولي؟
معا العلم انو معدلي امتياز والحمد لله
وفي حالة ردهم هل ممكن انهم الان يرسلون قبول مشروط خلال ثلاثه اسابيع او اقل؟؟او لسا القبول مابدا

الدي اي تي خلال اسبوعين يتم الرد عليك من خلال تجربتي وتجربه زميلات لي
انا ماجربت القبول المشروط معاهم ... لكن فيه اكثر من عضوه بالمنتدى قالوا انهم قدموا ورفضوا الطلب بحجه انه ماعندهم شهاده ايلتس
فانا ما ادري صراحه وش بيردون عليك لكن الاكيد ان الرد بيكون سريع سواء موافقه ان شا ءالله او عدمها

الخبره تقوي احتمال قبولك بالقسم فاحرص انك دايم تذكرها عند الطلب ....

لاني احتاج قبول الجامعه ضروري جدا وفي اسرع وقت لامر مهم عندي والله المستعان او احتمال تتعطل بعثتي :"(

الله يعينك ويسهل لك ..... حاول تجرب باكثر من جامعه ممكن يعطونك قبول مشروط ... وان شاء الله بتطلع وتكمل بعثتك
جرب جامعه مانوث وجالوي ... ردهم سريع ويعطون مشروط وجرب ليميرك انا ماجربتها
ايضا الدي سي يو DCU جرب تقدم عليهم على البري ماستر او الماستر للقبول المشروط وان شاء الله يعطونك
UCD انا ماردوا علي وجلس الطلب عندهم فوق 3 شهور والغيته بعدها كنت طالبه قبول مشروط للماستر
لكن زميله لي بقسم الكمياء قدمت على البري ماستر عندهم وحصلت على قبول مشروط خلال شهرين تقريبا او شهر ونص

(( اخر شى بقوله انا ما ادري هل بيتم الرد عليك بوقت سريع او لا لان الحين بدايه السنه والاغلب الناس تبدا تقدم على نص السنه
مع انهم بمواقهم مو كل الجامعات محددين وقت للتقديم انا كنت مقدمه على شهر ابريل ))


الشي الثاني بس الجامعتين (UCD و DIT)اللي ذكرتيها لاتعتمد على موقع باك او فيه جامعات غيرها؟؟

هذا اللى اعرفه
واعتقد جامعه ترنتي تم فصلها عن موقع باك والتقديم عن طريق موقعها حسب ماذككرته لي ممثله للجامعه في لقاء الجامعات العام


وهل عندك علم كم المده اللي يتم الرد فيها من جامعة UCD ؟ وهل يشترط ايلتس؟
ذكرته فوق ومن خلال تجربتي هي اطول جامعه تاخذ وقت بالرد بالنسبه لقسم الحاسب
اخر سؤال الدراسه تبدا في سبتمبر لكن متى تنتهي؟؟

من سبتبمر الى جنوري ترم اول
من فبراير الى مايو ترم ثاني
من جولاي الى نهايته اوقست اعتقد ترم 3 وهو فقط في سنه الماستر وغالبا يكون لتجهيز المشاريع والبحوث يعني مافيه محاضرات
الماستر 3 اترام والبري ترمين

والله يعطيكي العافيه

الله يعافيك
دعواتك

السلام عليكم
الموضوع قيمّ، الله يفتح عليك.
.................................................. .................................................. .................................................. ................
عندي استفسار ..
من متطلبات التقديم في جامعه لميرك (بالنسبة لتخصصي)هي شهادة الميلاد وانا ترجمت صورة منها لكن من فين اختمها من (الصحة، التعليم العالي، الخارجية ...الخ) عشان تكون رسمية و تعترف فيها الجامعه
سالت الجامعه قسم الانترناشونل وردوا علي خليها رسمية يعني ما اعطوني مفيد، راسلت الملحقية ولم يردوا
يعني الحمدلله لقيت التخصص فيها وكل الاوراق عندي جاهزة إلا شهادة الميلاد
ساعديني جزاك الله خير
اشكرك على الوقت

^^^
ما اعتقد ان الصحة لها علاقة!
الاحوال المدنية (الداخلية) + الخارجية!!