لمبتعثين ايرلندا السابقين. ..ومنكم نستفيد. .. أرجو منكم التفاعل والمساعده

السلام عليكم ورحمه الله وبركاته
وعليكم السلام ورحمة الله وبركاته

الحمدلله انتهينا من التدقيق وانشاء الله خير

بس ابي أعرف وش هي الخطوات التاليه بعد هاذي المرحله بالتفصيل يعني ابي استفيد من الوقت بدل ما اجلس كذا محتاره وش بيصير
متى وكيف سجلتو بالجامعه وبالمعهد وايش الأوراق والمستندات الي عبيتوها
الوزارة هي جابت قبولات المعاهد .. يعني هي اختارتها .. والجامعات جابو لبعض الطلاب وليس الجميع .. لكن اذا فيه معهد معين في بالك تقدري تراسليهم ع الايميل او تكلميهم تلفون وتقولي لهم انا طالبة مبتعثة ابغى قبول عشان اجيب لكم الضمان المالي وهم عارفين السالفة وبيرسلو لك القبول في حد اقصى اسبوعين ... وبالنسبة للجامعات حتى لو قدمتو الحين بتاخذو قبول مشروط لحد ماتجيبو العلامة المطلوبة في امتحان الايلتس .. ولكن اذا كنتي حابة تبدى هالخطوة فيه موضوع بالمنتدى عن طريقة التسجيل بالتفصيل للاخت cs-girl


المرافق كيف يقدم اوراقه ويسافر بفيزا طالب
المرافق برضو تجيب له الوزارة قبول لغة .. او انتي تجيبي له .. وعادي تقدمي فيزا طالب مثل ماتقدمي لنفسك .. لان الوزارة بتعطيك تعريف انهم يصرفو عليكم انتو الاثنين

هل توجد في ايرلندا جامعات تدرس بالمسائي سواء لغه او ماستر لانو انا وزوجي ماراح ندخل ولدنا في حضانه انا ادرس الصبح وهوالمسا لان الحضانات زي ماقريت جدا مكلفه
اختي الحضانات مكلفة بس مو لدرجة ان ماراح تكفيكم المكافآة .. انا عندي بنت واول الشهور كنت انا اداوم صباح في معهد وبعدين زوجي يداوم العصر .. ولكن ماراح تستفيدي اذا لغتك ضعيفة لان الوقت قليل ويروح في البريكات .. لما كبرت شوي وديتها حضانة .. ف اللي بقوله .. خلال مرحلة اللغة مافيه مشكلة تقدرو تنسقو الجدول بهذي الطريقة .. لكن في الجامعة صعب لان ممكن يكون عندك محاضرة الصبح ومحاضرة اخر النهار ونفس الشي بالنسبة لزوجك ..


أسئله كثيره تدور في بالي ملخبطه جدا وخايفه
الله يسعدكم انتو مريتو بهذي الخطوات وعشتيوها فلا تبخلو علي بالمساعده


وشكرا جزيلا لكم