تقييمك لعمل المحلقيه

تعامل ملحقيه ايرلندا مافي احلى منه ولا اروع

لمن تروح لهم يساعدوك بكل شى تبيه


واعتبر هاذي شطحه مني اذا بتاخذ كل شى على كلام الناس محا تعرف ايش الصح والغلط عليك تجرب بنفسك وتحكم بنفسك

في كل شى يحكم الناس عليه ليس بالمتساوي ابدا انضار الناس تختلف وافكارهم تختلف

والمقصد من كلامي مو انه ما تقبل كلام الناس المقصد حتى لو الناس ذمت لك الملحقيه لا تخلي براسك انه خلاص الملحقيه سيئه وانت لسع ما شفت تعاملها هذا المقصد من كلامي


تحياااتي لك

انا جربت ملحقية ايرلندا وملحقية الاردن .. واقدر اقول ملحقية ايرلندا ممتازة جدا جدا بالنسبة لملحقية الاردن ..
ملحقية ايرلندا كل شي عن طريق البوابة .. وقليل جدا تحتاج مكالمة تلفون .. غير كذا المشرف الدراسي محمد ضياء جدا متعاون ويرد بسرعة والطلبات تمشي من عنده بسرعة .. بعض الاحيان الامور المالية تطول اسبوع او اسبوعين لكن مو اكثر .. وبعض الاحيان مايوجهوك التوجيه الصحيح ومثل على هذا الشي .. قبل مايبدآ تآمين الاسنان تبع VHI كلمت وقلت لهم اسنان العقل بشيلها قالو لي ادفعي وبنعوضك .. ورجعت كلمت ان المبلغ غالي ومااقدر ادفعه وانتظر التعويض .. قالو لازم كذا .. ونزلت السعودية وخلعتهم ع حسابي ولما رجعت طلبت تعويض قال لي مانعوض عن علاج السعودية .. قلت له لاني ماقدرت اسويهم هنا لان المبلغ ١٩٠٠ يورو ..قال لي لو قلتي المبلغ من البداية كنا اعطيناك ضمان مالي !! .. القصد ان كان بامكانه توضيح النقطة هذي من البداية ويجنبني مبلغ ٥٠٠٠ ريال

بمقارنة بملحقية الاردن .. كنا بمدينة تبعد ساعة ونص .. واي شي نحتاجه لازم نروح لان مستحيل يردو ع التلفون و نروح مرة ومرتين وعشر .. وحتى عدد كبير من الطلاب ما كان ياخذ تذاكر لان الاجراءات تملل وطويلة جدا ..

صراحه الملحقيه انا اشوفها جدا ممتاز وخصوصا المشرف المسول محمد ضياء بيرد على المكالمات والايميلات وبيساعد لو كان فيه عطل بالبوابه باجرااءات الاوراق انو تخلص بسرعه
والبوابه طبعا مسهله امور كثيره بحيث انه كل شى عن طريقها صح احيانا تجي حالات يوقف نظامهم ومن هالامور لكن بشكل عام ماتقدر تعيبها بشى
تعامل مكتب الملحقيه بايرلندا حسب ما اسمع انهم جدا متعاونين من اكثر من شخص سمعت الشى هذا مع انى ماقد تعاملت معاهم ولا احتجت انى اروح لهم


خليكم من كلام الناس اللى بتصعب كل شى قدامها
دام فيه غيركم طلع بعثه ودرس وتخرج فما فيه شى مستحيل علينا نسويه بعد اراده الله
وطبعا بالنهايه كل شى خيره من رب العالمين

الصراحة مع ما نسمعه من وسائل الاعلام عن مشاكل المبتعثين وخاصة في امريكا ( أقول في نفسي الحمد لله اني اخترت ايرلندا ) لأنو بصراحة الاخوان بالملحقية مرررررررة متعاونين وعلى راسهم الدكتور هشام والدكتور محمد ضياء ( واللي ينكر هالشي جاحد )


ملاحظة : صحيح انو هناك بعض التقصير(بس ما يأثر على برنامجك الدراسي) و كمان لازم الطالب يتحمل جزء من المسؤولية.

الاخوان والاخوات ( سمر الاردن , اصعب فراق , cs-girl, مهند الجهني )
شكر خاص جدا ( واسال الله ان يكون هذا في ميزان حسناتكم في الدنيا والاخره)

يا اخي تحس الرد على استفسارات الطلاب المبتعثين في ملتقى ايرلندا ملقى على عاتق ذول الاخوان

يعذروني بقية الاخوان لكن اغلب الردود الي قريتها في المنتدى من الاخوان المذكورين


لكن ابشرو نحن الان في السعودية الساعة 2,30 ليلا تقريبا لكم مني دعوة صادقة انه الله يوفقكم في الدنيا والاخره امين يارب


الاعضاء الباقيين شدوا حليكم وكل الي نقدر نقدمه لكم حنا اخوانكم (المنتظريين للبعثه ) هو الدعاء لا غير والاجر والثواب عند ربكم

تحياتي

ارى انها جيده جدا

صحيح بعض الامور يحصل لها تأخير,, لكن بالمجمل العام من خلال البوابه الالكترونيه وسرعه الانجاز هو شي ممتااز

والى الامام ان شاء الله

الملحقية الى الان ممتازة ... لان عدد الطلاب ومشاكلهم لازال محددود .... أنا متاكد ان مع ازدياد عدد الطلبة ومشاكهم حيتغير الوضع .... بشكل عام انت ما تحتاج تتواصل مع الملحقية بشكل مباشر الان لان كل شي عن طريق البوابة يعني ممكن تطلع بعثة وتخلص الدراسة وماتحتاج تخاطب الملحقية الى مرة او مرتين اذا وضعك في السليم ..... بالتوفيق

تحيه طيبه لجميع القائمين علي الملحقيه وأخص بالشكر للأستاذ ِ/ ضياء لتعامله الراقي وسمعتها من اغلب المبتعثين فضلا على تواصله مع المبتعثين في خارج الدوام الرسمي أو الأجازات الأسبوعيخ

وله الشكر الجزيل

نأمل أعادة النظر بخصوص بعض موظفي الملحقيه والمتواجدين في دبلن بالذات

بعدم ذكر الأسم اسمه على مسمي !!!!!!!

يا ليت تذكر لنا وش سووو هل قطعو رزقك او قطعو بعثتك او اكلو مكافئتك

اذكر فقط الاسباب لتكون واضح اكثر فقط



لاني بصراحه من جيت ايرلندا والكل يمدح الملحقيه بالي فيها التاخير عن بعض الاشياء يحصل في كل مكان مو بس الملحقيه يعني موب اسباب كبيره تستحق الواحد ينضر لها

فياليت تذكر وش اخذو من حقك بالبعثه عشان تبيهم يتغيرو ؟


بصراحه انا اشوف انه الملحقيه تسوي اعاده نضر للطلاب المبتعثين بين الي يلعب ويدرس مو الملحقيه يبغالها اعاده نضر قسم انها مدلعه الطلاب المبتعثين اخر دلع ولا يدققو لهم كثير


وسامحمي على التدخل بس ابغى اسباب مقنعه