السكن في دبلن

شكرا أخت هدؤ على تفاعلك وإهتمامك بذلك!
فعلا ما لاحظته هو التفاوت والإختلاف بعدة أمور تموينية وخدماتية وعقارية...الخ
ويعتمد الوضع على الصيدة والصياد والزمان والمكان ولو يحصل لهم أكلك بريشك لن يترددوا في ذلك!!
وخاصة إذا كنت من دول البترودولار!!! وإنت وشطارتك بالتعامل معهم ولكن أحيانا لايخدمك الظرف الزماني أو المكاني والمضطر يركب الصعب!!!!
وفق الله الجميع وسهل أمورهم كافة حتى العودة للوطن الحبيب،، تحياتي للجميع.

فعلا... هم هنا مره يركزون علينا عارفين انا محتاجين ...

لكن ما اقول الا الله يسهل لك امورك..والجميع يارب

مع كل الاحترام لك وللأخ الكهل الطموح حسستوني انكم رايحيين مصر والا سوريا ولا المغرب وباقي الدول العربية المعروفة بالنصب والأحتيال في سالفة السكن ...وانتي تقولين يدورون علينا ويركزون علينا ؟؟؟ حسستيني ان عدد المبتعثين في ايرلندا 100 الف واصحاب العقار في ايرلندا مستقعدين للسعوديين ولولانا كان طاح عقارهم في كبودهم يا اختي السياح هنا بالكوووووووووووووووم والطلبة كثار ومن كل انحاء العالم والشقق تطير طيران من تعرض للأجارسواء تستأجر من مواطنيين إيرلنديين او من أجانب من كافة أنحاء العالم , وتقولين مركزين علينا ويدورونا ؟؟؟ بصراحة نظامهم قانوني العقد شريعة المتعاقدين وكل شي مثبت بالعقد من الإبرة الى الجمل مثل مايقول المثل العربي والاسعارللشقق تكون مثبته في موقع دافت (وهل دافت يستهدف السعوديين ههههههههههههه ) ولم ارى سعر لشقة في دافت وعندما اذهب ويشوف اني سعودي او خليجي بدا يلعب علي او يزيد في السعر او يشيل من العفش اللي مكتوب في مرفقات الشقة ...مشكلتنا مو متعودين عالنظام وعلى العقود وعلى الشروط الجزائية التي تكفل حق المؤجر والمستأجر كلها في بلادنا شختك بختك ومشي حالك ...والله ياريت يكون المؤجر عندنا مثل المؤجرين هنا ذوق وتعامل راقي ...الحمدلله انا مؤجر في منطقة راقية في دبلن 2 ومرتاح مره ولو تخترب لمبة بشقتي جاني صاحب العقار وشمر عن ساعدية وبدل اللمبة ويقولي سووووري هههههههه يالبى الذوق عند هالشعب .

^^^

بصــراحة أنا مدري عنك يا مدرريدي!
من كثر ما تمجد فيهم شككتني إنك منهم!!

أعصابك طيب يا مدريدي

يمه ما صارت كلمتين ع بعض رديت بذا كله


أنا نفس المؤجرة قالت لي رفعنا الايجارات ولو تطلعين وتجين تستأجرين نفس شقتك تلاقيها مرتفعه

لما سألتها ليه؟؟ قالت فيه طلب من السعوديين كثير ونبي نستفيد

وبعدين صح السياح والطلاب كثار..لكن السائح له فترة وبيسكن بفندق وحاسب حسابه..

والطلاب الاجانب يسكنون مع عائلة أو سكن طلاب ويكون رخيص جدا....واحد يقولي مصاريفه الشهريه ع بعضها من ايجار الى مستلزمات عامة إلى فواتير 700

وحنا يالله تلاقي لك ايجار شقة كويسة وبموقع كويس بمبلغ 800 غير الفواتير وباقي الاحتياجات...


ولا تنسى انه السعوديين وبالذات اللي معاه عائلة مارح يعيش مع عائلة أو في مكان لك عليه..

رح يفضل يكون بشقة مستقلة وفي مكان آمن ...

واكيد ما اختلف معاك ع انه ما ينصبون في حكاية توقيع العقد أو ياخذون مبلغ زيادة عليك

بس هم عارفين زباينهم الاكثر سعوديين وعليه حاطين السعر


وما ادري عنك اذا شفت في المعاهد كيف يكون عندهم نوعين للأسعار

أسعار للطلاب من دول اوروبا ... وأسعار للطلاب من دول ثانية

وقائمة خاصة للطلاب السعوديين

ماعندنا مشكله الحمدلله الملحقية حتدفع

لكن للأسف تطيح بروس السعوديين اللي جايين ع حسابهم الخاص


وعادي ترى مع هذا هي وجهات نظر... فلا تعصب بليييييز


أما بالنسبة للإيجارات بالسعودية والمؤجرين الحمدلله مالي خلفية عنهم ولا قد تعاملت معاهم


فما ادري اذا هم نصابين ولا لا!!

عموما... اللهم لك الحمد مرتاحين هون.. وكل واحد يقدر يدبر عمره ومصاريفه...


بالتوفيق للجمييييييييييييع..

بالنسبه لي ماشفت مساله نصب ...
لكن فعلا موضوع رفع الايجارات بسبب كثره الطلاب خصوصا السعودين وغيرهم من دول الخليج
فهم شافوها فرصه انهم يرفعون السعر دام الناس بتستاجر .. وهذا اللى حاصل بممجمعي حاليا ...

ومساله التعامل يختلف على حسب صاحب الملكيه هل هو المسول عن التاجير او مكتب مسوله عنه
انا اول ماسكنت اي شى يخرب عندي على طول يجون يصلحونه لى ومايطلبون اي مبلغ بس للاسف قبل كم شهر تغير مالك
المجمع واسلوبهم مره تغير ... يعني مثال اللمبات قال نغيرها لك ب 10 يورو الوحده فطبعا مادفعت وشريتها وغيرناها بنفسنا