نداء عاجل لسكان ملنرز سكوير- شانوين رود - سانتري/ دبلن9

صراحة شي مزعج اذا تتفق معه وبعدها مايرد والمشكلة ان الارقام موفرها ومايرد عليها
عموما حاول على رقم الجوال اللي بدايته ٠٨٧ لعل وعسى ولو انه ويك اند وماعرف اذا مداومين ولا لا .

لكن بقولك على ملاحظه صارت من قبل انهم احيانا اذا لقو لهم احد خلاص مايردون ومايتصلون مره ثانيه و حتى مايقولوا لك انه خلاص تاجرت الشقة. فأنت ابحث عن غيرها احتياطا.

^^^
فعلا شيء مزعج أخت اماني!
والي هذا أوله ينعاف تاليه!! الظاهر إن هناك مراوغة من المذكور!!!
الحقيقة لم يكن هناك إتفاق إثناء رده الوحيد وكان رده فقط هو يوم الخميس!!!!
لأني كلمته باليوم الي يفصل بين عطلة البانك والهالوين وتوقعت وقتها انه معطي نفسه إجازة!!!!!
فقلت له فضلا كلمني بالوقت المناسب يوم الخميس ووضحت له كذلك إني مرسل له رسالة عبر الموقع بخصوص الشقة!!!!!!
وانا بصراحة ما كلمته يوم الخميس ولكن كلمته عدة مرات يوم الجمعة وكل الردود كانت رسالة منه عبر الأنسر ماشين وتركت له الاسم والرقم للتواصل!!!!!!
وكل تواصلي به كان على رقم الجوال المكتوب بجوار الصورة في الأعلان والرقم الآخر لم أتصل فيه حتى الآن والظاهر إنه رقم ثابت وسأحاول الاتصال عليه بعد الويكند!!!!!!
شكرا لك اختي الكريمة على الرد والإفادة بموضوعي وإنتظر المزيد مما يفيد من البقية!!!!!!!!!! موفقين جميعا ،، تحياتي.

الله يعينك ويسهل امرك .... لكن انت دور عن اكثر من مكان بنفس الوقت عشان لا تتورط وماتلقي شى بالاخير
وترا مو شرط تسكن جمب الجامعه بامكانك تسكن قريب من الستي وتاخذ الباص من الستي للجامعه تقريبا مسافه 20 الى 15 دقيقه يوميا وقد تصل ال 25 دقيقه احيانا
راح تتعود على الطريق مع الوقت ....

المهم يكون السكن الشخص مرتاح فيه ....

او اسكن بشكل موقت بالشقق الفندقيه لحد ماتلقى شى مناسب لك بدال ما انت جالس في الفندق طول الوقت

اعانك الله وسهل لك لك امرك
ومابعد الضيق الا الفرج

^^^
جزاك الله خير أختي الكريمة على الرد والنصيحة!
اليوم اتصلت عليه ورد وطلب مني الاتصال به يوم الأثنين وإن شاء الله يصدق ويتم الإنتهاء من الموضوع قريبا!!
ومن باب الإحتياط حددت شقة أخرى بمكان مناسب وقمت بزيارة المكان والمجمع الموجودة فيه وفي حالة عدم وفاء المذكور سأختارها والخيره فيما يختاره الله،،
موفقين جميعا لما فيه الخير،، تحياتي وفائق تقديري.

!!!!!!!!!!
يا سكان!
هذا المكان!!
!!!!!!!!!!!!!!!!!!

كيف نستأجر هنا دار!
إذا كان السمسار حمار!!
كذوب ويخليك دوم محتار!!!

الله يعينك ... اذا طنش ومارد عليك معناه ماعنده شى متوفر فلا تضيع وقت بالبحث عنده
دور لك باماكن اخرى ... ومو شرط تتقيد بقربك من الجامعه الباصات تخدم كل الاماكن

^^^

جزاك الله خير أختي الكريمة على الرد والنصح والإهتمام!
اليوم بدأت المرحلة الأولى من plan B وأخذت نظرة من الشقة الإحتياطية!!
ووجدتها مناسبة نوعا ما ولكن ليست بمستوى الأولى من ناحية الجد والنظافة وتبعد 20 دقيقة مشي للجامعة بينما الأولى 10 دقائق تقريبا!!!
والباصات متوفرة دقيقتين تقريبا أو ثلاث!!!! والخدمات التموينية قريبة منها وسألت بعض سكان المنطقة المجاورين لمجمع الشقق وقالوا المنطقة آمنه إن شاء الله.
توكلنا على الله وإخترناها والخيرة فيما أختاره الله،، موفقين جميعا لما فيه الخير ،، تحياتي.

بالتوفيق اخوي الكهل الطموح وان شاء الله يكون السكن مدخل خير عليكم

لو تعطينا فكرة عن اجرة السكن ومدة العقد أكون لك شاكر ..

ودي اخذ فكرة قبل اجي ايرلندا