استفسار مهم بخصوص فيزة الشنقن !

اي شخص عنده معلومه وطفشان منها
يحذفها علينا ! ترى عادي

منلطعين وننتظر خخخخخ

اخي الكريم استخراج فيزة الشنقن من هنا اصعب من المملكة لان السفارات الأوربية هنا ليست سهلة التعامل كسفارة ايرلندا في المملكة ..طبعا لا دخل لخطاب السفارة من الوزارة الذي كان موجه للسفارة الايرلندية في الرياض بسفارات دول الشنقن ذاك شئ مختص بالابتعاث وهذا شئ آخر ...طلباتهم هنا كشف حساب 6 شهور من بنك ايرلندي ايضا تعريف من الملحقية موجه للسفارة بانك طالب مبتعث وتدرس على حساب الملحقية وري انتري فيزا باقي على انتهائها 3 شهور و تامين طبي دولي و تذاكر سفر مؤكده وحجز فندق مؤكد وربما هناك طلبات اخرى كل سفارة فيها زياده وفيها نقصان ... واحتمال ان تتأخر كثيرا ...اما من المملكة فطلباتهم اخف من ذلك وخلال 15 يوم بالكثير تستلم فيزة الشنقن و اسهل السفارات لاستخراج لفيزا المانيا النمسا فرنسا ويوجد مكاتب تاشيرات معتمده موحده في الرياض وجده والخبر .
...حتى فيزة بريطانيا اذا تقدر تطلعها من المملكة افضل من ان تستخرجها من سفارة بريطانيا في ايرلندا في المملكة اسرع واسهل ...وربي يوفقك

الله يرضى عليك ي المدريدي
ولو اني مانيب برشلوني صميم ! كان قلبتها الليغا الاسبانيه هنا خخخخخخخ

ردك وافي وتسسلم عليه يَ بععدي !
انا صراحه سمعت انه السفاره الفرنسيه جدا سهله
ولا تطلب كشف حساب وخرابيط ! وان طلباتها بسيطه

اما السفاره الالمانيه حلوه بعد لكن طلباتها كثيره !!

هل ممكن انها توصل ب اقل من المده ؟
لانه دراستي تبدا في 7 جانيوري ! والان اخلص اجرائات انتقال الدوله
وكيف اطلب فيزة سنه !؟ هل هي نفس السياحيه ثلاث شهور والا كيف ؟
وهل فيه اكثر من سنه !

والله ودي ب الفيزا البريطانيه ! بس هل توقع يمديني عليها
وكيف طلباتهم هل هي سهله ؟

احترامي وتقديري لك

الفيزا البريطانيه تقدر تطلعها بسهوله بعد وتقدر تطلبها مستعجل وتطلع لك خلا 5 ايام ...
وطلبتها سنتين وعطوني هي (( طبعا من السعوديه سويتها ))

الشنقن شوي لهم طلبات بس تقدر تروح اى مكتب خلال اسبوعين تطلع انا قدمتها عن طريق سفاره فرنسا بس مارضوا يعطوني غير 6 شهور
وطلعتها من السعوديه ..

بس صراحه مع عندي فكره عن طلباتهم بالضبط

الله يعطيك العافيه اختي
ماشاء الله عليك انتي بكل مكان متواجده ولك بصمه
وتخدمين الكل !

مشكوره على المعلومه

اول كنت اطمع في فيزة الشنقن بس
الحين ناوي على البريطانيه بعد خخخخخ

احترامي لك

فيزا بريطانيا حلو تكون معاك لو بغيت تروح بالويك اند تغير جوا


بس دول اروبا الباقيه امتع بالسفر من بريطانيا
وتقدر تسافر بوقت اللغه براحتك بالاجازات اللى تكون غالبا كل شهر او شهرين مع الويك اند
او تاخذها اجازه اسبوع

عموما هي 4 او 5 ايام بالسفر كفايه انه تتشوف البلد


رحله اروبيه ممتعه

بصمتى بصمة اصليه بكل مكان متواجده
وبالخدمه دائما

موفق

الله يخثر عدوينك قولي امين < دامها عجبتك خخخخ

مَ قصرتي على ردك ومعاونتك

انا اليوم رحت ل مكتب الفيفا عندنا ب الخبر وسالت عن الفيزتين
الاولى ل بريطانيا والثانيه الشنقن
وقالي البريطانيه العاديه تأخذ أسبوعين
اما اللي اسرع شي ويأخذون عليها ١٢٠ دولار عن طريق البطاقه
و ٨٠٠ ل المكتب ! بس راح تجي ب اربع الى خمس ايام
عاد انا ما عندي الا هالحل

الشنقن قلت له السفارة الفرنسيه
قالي الإيطاليه أحسن ومستعد انه يجيبها لي فيزا ٣ سنين
بس لازم اروح الرياض عشان البصمه لأنهم يطلبونها !

المهم كسروا ظهري ب ٢٦٠٠ ريال تقريبا !

بس اهم شي اني اروح هناك ولا انطق ب ايرلندا أغير جو ب الإجازات
وخصوصا ان الوقت ضيق فا مالي الا هالحل !

مشكوره وما قصرتي مره ثانيه

احترامي لك

حبيبي لودي لو سمحت وضح لي البريطانية قيمتها 120 دولار وللمكتب 800 ريال ... وكم مدتها يعني الفترة اللي مسموح لك تدخل بها بريطانيا

نفس وضعك يا صاحبي ما بقي وقت فيا ليت توضّح

وهل هي فيزة سائح يعني ما يحتاجون الضمان المالي او اي اوراق للبعثه

اخوي LOOODY فديت قلبك ياريت تشرح لنا وبالتفصيل الممل طريقة استخراج الفيزا عن طريق مكتب فيفا لاني انا ايضا من الشرقية واذا نزلت المملكة ناوي اطلع لي فيزة الشنقن وفيزة بريطانيا حنا 3 اشخاص انا وزوجتي وطفلي ابغي اعرف تكاليف المكتب وتكاليف الفيزة بشكل مفصل ومتى تروح موعد التبصيم بالسفارة وش سالفة اخذوا منك 2600 ريال حق ايش بالزبط وبما انك برشلوني مثلي فلازم ترد بسرعه هههههههه .