الى سكان مدينة Galway

ايه دبلن هي المكان الافضل للوصول الى قالوي حسب كلام الناس الي يدرسو فيها

من ناحيه المعهدين ما ادري صراحه وش الافضل لاكن بوجهه نضري مافي معهد قوي ومعهد ضعيف كله حسب انت وجهدك بالتعلم المعهد ما يعلمك الانقلش المعهد يطيك بس اساسيات

اسكن في السكن حقهم اذا رضيو شهر واحد هذا الي تصحك فيه اا ما رضيو احجز لك فندق اول شى وابحث عن سكن خاص لك لانه برا المعهد تلاقي سكن ارخص شقه مستقله لحالك كمان

وسكن المعهد اضنه شيرنق بينك وبين ناس يعين كل واحد له غرفه


الجو حاليا جدا بااارد وفيه ثلج على خفيف يعني جيب اشياء حق برد


هذا الي عندي وسامحني اذا ما افتدك بكل شى

بالتوفيق ان شاء الله لك

وعليكم السلام اخوي

طبعا جولوي المطار اللي فيها محلي فـرحلاتنا على دبلن ومن مطار دبلن ممكن باص او قطار ودايركت على جولوي

فـخط سفرك من مطار الملك فهد لـ ابوظبي او امستردام حسب اللي تختار من خطوط طيران ثم دبلن

بالنسبه للمعاهد انا جربت GCI واشوف انه كويس وفيهم حرص على الطلبة اما بريدج مايلز فـ سمعت انه مو مره كويس .

بالنسبه للسكن انت ممكن تحجز اسبوع او اسبوعين او حتى شهر ثم لما تعرف المكان كويس تقدر تبحث عن سكن مناسب بنفسك

الجو الحين بارد اكيد مايحتاج وبالذات جولوي جوها بارد ومااطر في اغلب اوقات السنه بـ اعمل حسابك بجكيت ينفع للمطر كماان


بالتوفيق ان شاء الله

الله يعطيك العافية

أخت اماني في مطار اسمه شانون أقرب من دبلن لمدينه جلوي بحثت فيه هل عندك خلفية عليه ؟

ألف شكر .

هلا فيك ويا مرحباً مقدماً
بالنسبة لأفضل خط سير للرحلة
الدمام أبو ظبي دبلن لطيران الاتحاد
الدمام دبي دبلن لطيران الاماراتية
الدمام اسطنبول دبلن لطيران التركية
ومن دبلن فيه باصات ع مدار الساعة من المطار لقالوي
ساعتين وخمس وأربعين دقيقة لقالوي دون توقف
والقطار ما جربته بصراحة
وماني متأكد من الخطوط عندكم بالشرقية
لكن هذا بالنسبة للرياض وقس عليها الخطوط اللي متاحة بالدمام
بالنسبة للمعاهد GCI صارلي فيه ستة أشهر ويعتبر من أفضل المعاهد
وبريدج ما جربته لكن هو صغير جداً وسمعته مو مثل GCI
السكن حسب رغبتك
تبي سكن مع عوائل أو طلاب أجانب أو طلاب سعوديين
أو سكن لوحدك إذا اخترت بقولك بالتفصيل
وأي خدمة لا يردك إلا لسانك وإذا تبي تفاصيل أدق سم وآمر
راسلني ع الخاص وأعطيك رقمي
وأنا الآن بالسعودية إجازة الكريسمس

الله يرضى عليك يبو رهف ما تقصر

ياليت لو ترسلي رقمك ع الخاص لأني بحاجة لكذا معلومه مشتته ذهني

الله يوفقك اخوي
انا بعد من الدمام ! ومتجه ل قالوي ان شاء الله
لكن بعد انتهاء السنه التحضيريه عندي في دبلن
نشوفك على سبتمبر يابعدي !


احترامي

أبورهف ياليت ايميلك على الخاص احتاج لتواصل ممعك
تحياتي لك

اخوي ابورهف اشكر لك ردك لكن للأسف لا استطيع حتى فتح الرسائل الخاصه. غريب نظام هذاا الملتقى. عموما هذا ايميلي ارجوا مراسلتي عليه
Bn-hamad3011 أت هوتميل.