انا ادري اصلن أنكم حبيبين وخدومين وماتقصرون < كيفني خخخخ

ممكن تقولي كيف طلعت بطاقة التخفيض لاني ناويه بكره ان شالله اطلعها ايش اخذ معايا ووين اروح بالضبط

والشريحه الاقيها بأي مكان يعني يبيعوها بالسوبر ماركت بنفس الاسعار

وشكرا مقدما

بالنسبة لبطاقة التخفيض حسب ما سمعت ان فيه اكثر من مكان يعطيها .. وفيه موضوع فالحقيبة يشرح بالتفصيل بس أنا بأقول لك وش سويت ..

طال عمرك اخذت ورقة من المعهد قلت للرسيبشن عطيني ورقة عشان اطلع بطاقة طالب "student letter" ورحت لجامعة ترنتي من البوابة الغربيه ومن دخلت الجامعه رحت يسار واول مكتب على اليسار دخلت واول باب على اليسار ولقيت نماذج عبيت واحد وبعدين مسكت سرى ومعاي الورقة اللي من المعهد والجواز و15 يورو اكيد .. المهم يوصل دورك يصورك ويعطيك البطاقة وتدفعين 15 وسلامتك

وفيه في زاوية الغرفة واحد معه لاب توب على طاوله عنده شرايح فودافون يقول بلاش حسب ما فهمت

أختي طااالبة علم اولا الحمد لله على السلامة حابب استفسر منك بحكم اني عندي قبول فنفس المعهد اللي انتي فيه (هورنر سكول) كيف سويتي بالنسبة لموضوع الضمان المالي الخاص بالمعهد لأن حسب كلامهم ان لازم اجيبه فأول يوم دراسة ؟
والشي الثاني كيف شفتي المعهد كويس ولا لا؟

معلومه كويسه
تشكر عليها

سبحان الله اي ديره تروح لها لازم تندق منها
بس زين انها جت على 10 يورو

انا افلمت باشياء واجده بكندا
ان شاء الله اني اتجنبها في ايرلندا !

موفق يَ صاحبي

الله يسلمك

بالنسبة للمعهد لسه مابديت دراسة فمااقدر احكم عليه لكن نتفاءل خير ان شالله الكل يمدح فيه

اما الضمان انا بصراحة ماني قادرة افتح ملف لسه لان البنك مارضي يفتح لي حساب الا لما ابدأ الدراسة رحت لهم وقلت لهم عالمشكلة قالو خلاص افتحيه يوم ماتبدأي قلت لهم الضمان كذا بيتأخر قالت اي نو !

هذا اللي سار معاي ! اتمنى اكون افدتك

سؤالي هل اقدر افتح ملف بدون حساب البنك ؟

ماشاء الله عليكم .... الموضوع جدا طويل ولا ادري وش السوال وش الجواب

بخصوص فدفون الشريحه اول ماتشتريها من عندهم تدفع علهيا 10 يورو ويمكن يكون في اماكن يوزعونها مجانا بس ماقد مرت علي
بس اللى اعرفه انو الانترناشونال في اول يوم لى معاهم وزعوا علينا ملف فيه اوراق وفيه شريحه فدفون
طبعا وقتها ما استفدت منها لان قدني مطلعه الشريحه

وبالنسبه ل اصحاب البلاك بيري اللى مثلي اعتقد افضل شى لهم شريحه فدفون
لان اكثر من شركه يسون عروض لشرايح بالنت بس بدون خدمه البي بي

تشحن 30 يورو شهريا= مكالمات ورسايل لارقام فدفون مجانا + نت او ساعه دوليه مجانيه تختار بينهم
شحن ب 20 = مكالمات ورسايل لارقام فدفون .وتقدر تستخدم البلاك بيري بعد يتفعل معاك بس الشحن يخلص بسرعه فالافضل خدمه 30 يورو


عاد باقي الاسئله نسيت ايش هي من كثره المواضيع
موفقين

نعم نعم انا فتحت الملف قبل ما افتح حساب بالبنك .. اهم شيء ختم الدخول وبقية الاوراق كمليها وارسليها على الملحقية .. ويومين ان شاء الله يفتحون لك ملف .. ولا روحي مكتبهم في السيتي سنتر

متعاونين جدا ً

حلو يعطيك العافية

طيب بعد مايفتحولي ملف باقي الاوراق ارجع ارسلها بالنت ولا اروحلهم ؟

لاني بصراحة ماابغى اروحلهم لسه ماعرفت للباصات زين يا دوب باص المعهد

بعد ما يفتحون لك ملف يرسلون لك رقمك فالملحقية .. وتدخلين على البوابة بيكون فيه رقم هوية ورقم سري.. طبعا ً السري موعندك لكن بيكون فيه رابط اسفل مكتوب عليه الدخول لأول مرة .. تدخلين عليه وتحطين رقم الملحقية ويرسلون لك الباسوورد على الايميل .. بعدها تدخلين البوابة وتضيفين الحساب والامور الثانية

وبالنسبة لضمان المعهد وتعريف السكن والامقريشن ما يحتاج تطلبينها تجيك دايركت بعد يومين من فتح الملف على الايميل

اهم شيء تتأكدين من عنوانك فالبوابة لأنهم يقولون بيرسلون التأمين الصحي عليه

^
^
جزاك الله خير كفيت ووفيت