السكن في مدينه ليميرك " ارجو الرد م لديه خبرة "

أهلا أخي بالنسبه للسكن في ليمرك أمره سهل والشقه مؤثثه بالكامل والسعر يختلف من شقه لشقه مايتعدى 750 يورو

وأظن والله أعلم أنك ماتقدر تستأجر وأنت بالسعوديه لأن العقد يتطلب حضورك و توقيعك ومن الأفضل لك أنك تجي بنفسك وتشوف الشقه الأمر مايتطلب وقت طويل يعني لو جيت ليمرك بالسلامه تستاجر بفندق يومين أو ثلاثه ونفس الوقت تشوف الشقه وأنا بالخدمه من يوم تجي أنا بساعدك بالبحث عن الشقه لا تشيل هم

الله ينور قبرك
معلومات مفيدة جدا و ريحتنا وشاكر لك فزعتك

عندي بعض الاستفسارات اذا وقتك يسمح

كيف مستوى معهد الجامعة بشكل عام و طريقة التدريس
كم كورس و مدة الكورس الواحد شهر او شهري
هل تدخل الجامعة بعد تعدية المعهد او تحتاج اختبار ايلتس او توفل

هل يوجد مسجد
كم نسبت العرب في الفصل

متوسط اسعار السياراة
هل الرخصة السعودية المترجمة ماشية او يحتاج رخصة دولية

مدينة ليميرك بشكل عام كيف جوها على مدار السنة "اعتقد برد الان عندكم و امطار "


شكرا على الاهتمام


اخوك منيف الشمري

هلا أخوي منيف
بالنسبه لمعهد الجامعه ما عندي خلفيه عنه لأني ماأدرس فيه ادرس بالمعهد التجاري اللي بالسيتي
لكن اتوقع انك اذا درست بمعهد الجامعه يتساهلون معك من ناحية القبول لأنك دارس بمعهدهم ومعروف لديهم
اما اختبار الآيلس فلابد منه
وفي الجامعه يوجد مسجد مخصص للطلاب المسلمين
اسعار السيارات تقريبا من ٢٠٠٠ وفوق لكن المشكلة التأمين يكون أغلى من سعر السيارة
الرخصه طال عمرك فيه شركه أمريكية ترسل لهم رخصتك السعوديه لهم وتدفع مبلغ مالي ويعطونك رخصه تمشيك بأيرلندا
مدينه ليمرك حلوه وصغيره وان شاء الله تعجبك جوها الحين معتدل

شاكر لك أخوي بالتوفيق